1 Kurintu 7:19 - Manobo Western Bukidnon

¹⁹ Su minsan ke nesirkunsidar ki wey ke wazà ne wazè din pulus. Iyan, ke edtumanen ta is ebpeveelan kenitew te Megbevayà, ne zekelà is pulus din kenitew.

1 Kurintu 7:19 Referans Kwoze

Gelasya 6:15

Kenà ebpulus is kebpesirkunsidar ne kenà daan ebpulus is kenà kebpesirkunsidar. Iyan dekelà is pulus din is kegkehimu kenita he veg̵u en he linimbag.

Gelasya 5:6

Su emun tumutuu ki en ki Jesu Kristu, neked-iiring kiw en diyà te Megbevayà is nengesirkunsidar wey is wazà mesirkunsidar. Iyan dà duen din pulus diyà te Megbevayà is kedtuu ta kandin he egketuusan heini pinaag̵i te g̵ag̵ew ta te zuma ta.

Impezayag 22:14

Utew egkengelipey haazà is langun he ebpìpian dan is ugelingen dan, he ke và dà egkeg̵iya, ibpepalis dan is menge salè dan su wey utew meputì su emun ebeelan dan haazà, ebeg̵ayan sikandan te ketenged te kegkaan te veg̵as dutun te kayu he ebpekeveg̵ey te untung wey te kedseled dutun te menge pultahan te inged.

Kulusas 3:11

Ne tenged kayi, sikita is midhimu zin he veg̵u he etew, wazè ta zapit ibpelavi te etew he Hudiyu wey te etew he kenà Hudiyu su neked-iiring diyà te Megbevayà is nesirkunsidar wey is wazà mesirkunsidar; neked-iiring daan diyà te kandin is neketunghà wey is wazà meketunghà, is sulug̵uen wey is egalen. Dini te kenitew te menge veg̵u he etew, iyan dà lavew si Kristu ne midlumunan ni Kristu is kada sevaha kenitew.

Gelasya 3:28

Ne tenged dutun kinahanglan he kenè niw isipa he ibpelavi te Megbevayà is menge Hudiyu, ne emun kenà, ne iyan is kenà menge Hudiyu, su ziyà te kandin neked-iiring is langun he menge etew, uripen se kenà uripen, maama se vahi, ne sikiyu zaan, neked-iiring kew ziyà te Megbevayà su neked-iiring kew he edtuu ki Jesu Kristu.

1 Kurintu 8:8

Ne sikitew, netuenan tew he kenà iyan is egkeenen tew wey is kenè tew egkeenen igkesuat te Megbevayà su emun egkaan ki te usa ne wazè din pulus diyà te Megbevayà ne emun kenè ki egkaan te usa ne iring din ded daan.

Ruma 3:30

Su sebsevaha zà is Megbevayà ne ed-isipen din is menge Hudiyu he metazeng emun edtuuwan dan si Jesus. Ne is menge etew he kenà Hudiyu, ed-isipen din daan sikandan he metazeng emun edtuuwan dan si Jesus.

Juan 15:14

Menge emig̵u ku sikiyu ke edtumanen niw is idsug̵ù ku keniyu.

Mateo 5:19

Umba ke zuen minsan hentei he edlegkawen din is minsan utew zà deisey zuen te kesug̵uan ne ibpenurù din te zuma zin he kenà tumana haazà is midlagkew zin, iyan sikandin utew minus is pid-etawan din ke edhadì is Megbevayà he ziyà te langit. Ne iring din daan ke zuen etew he edtumanen din ebpurungi is kesug̵uan ne ibpenurù din diyà te zuma is kedtumana kayi, iyan sikandin lavew te langun he etew ke edhadì keuzemà is Megbevayà.