1 Kurintu 6:1 - Manobo Western Bukidnon

¹ Ne emun duen idsumbung te sevaha keniyu he zuma zin he tumutuu, maan is layun kew ebpehusey te menge zatù he kenà tumutuu? Kinahanglan he iyan edhusey kenitew is duma tew he tumutuu.

1 Kurintu 6:1 Referans Kwoze

Nengeulaula 19:38

Ne emun duen idsumbung eni Dimitriyu, duen andew he netail para te kebpenhusey, ne zuen daan menge etew he netail he menhuhukum. Kinahanglan he zutun dan isumbung.

1 Kurintu 14:33

Kenà egkesuatan te Megbevayà he mebperedredseey kew emun edtig̵um kew is edsimba kandin. Su kenà iyan in-ulin kenitew is kegkeliveg̵i, kekenà, iyan is melinawen he ulaula.

1 Kurintu 16:1

Ne zuen pa id-sug̵ù ku keniyu mehitenged te ked-emutè niw te selapì he idtavang niw te egkengeayuayu he menge zuma tew he tumutuu. Insug̵ù ku en daan heini te menge zuma tew ziyà te prubinsya he Gelasya.

1 Kurintu 16:15

Netuenan niw, menge suled, he iyan nehuna he nemeketuu ziyan te prubinsya he Gerisya ensi Istipenas. Ne wazè dan meduwazuwa te kedtevangi zan te menge zuma zan he tumutuu.

Mateo 5:45

Ne emun ebeelan niw heini ebpekeiring kew te Amey tew he Megbevayà he ziyà te langit. Su is Megbevayà, kenà iyan dà ebpesilaan din te andew is menge metazeng he menge etew, kekenà, elin daan is menge kenà metazeng. Ne kenà iyan dà is meupiya is ulaula zin ebeg̵ayan din te uzan, kekenà, elin daan is mezaat is ulaula zin.

1 Kurintu 5:12

Iyan, haazà is menge etew he wazà medtuu ki Jesus, wazè tew kelavet duen te kedsusi te menge ulaula zan. Iyan edsusi kandan is Megbevayà. Iyan, kinahanglan he edsusiyen tew is menge ulaula te menge zuma tew he tumutuu su zuen insurat he Lalag te Megbevayà he edhenduen te, “Haazà is duma niw he mezaat is ulaula zin, kenè niw tug̵uti he mebpekiduma pa maan sikandin keniyu.”

1 Kurintu 6:5

Umba egkeg̵iyen ku heini su wey kew meeled. Siguradu zuen sevaha keniyu he egkehimu he zatù he metau he edhusey te menge tumutuu.