1 Kurintu 5:3 - Manobo Western Bukidnon

³ Siak, minsan pa te zini a te meziyù, henduen be te ziyan e en te keniyu su layun ku sikiyu ed-isipa. Ne iring te ziyan e en, netuenan ku he zaan ke hengkey is hustu he idsilut keniyan te etew he utew mezaat is mid-ulaula zin.

1 Kurintu 5:3 Referans Kwoze

Kulusas 2:5

Su minsan te wazà a g̵untaan diyan te keniyu, layun ku sikiyu ed-isipa. Igkelipey ku sikiyu su netuenan ku he mibpurungan niw te ed-ulaula is meupiya he ulaula wey melig-en daan is kedtuu niw ki Kristu.

1 Tiselunika 2:17

Ne sikami, menge suled, hein neewaan dey sikiyu seled te meg̵aan dà, wazè dey sikiyu melipati, kekenà, utew key ebulunga keniyu ne layun key pezem egkesuat he ebpenumbaley ziyan.

2 Kurintu 13:2

Dutun te ikezuwa he kebpenumbelayi ku keniyu, sikiyu is memezaat is ulaula zengan, migkag̵i ku keniyu he emun kenè niw ed-engkezan haazà is memezaat he ulaula niw ne edsilutan ku sikiyu emun ebpekelikù a. Ne ed-umanan ku egkeg̵iya g̵untaan diyan te keniyu wey ziyà te minsan hentei pa he ed-ulaula te mezaat. Ke ebpekeuma a, wazà minsan hentei he ed-ulaula te mezaat he ebpekelikey te kedsiluti ku kandin.

2 Kurintu 10:11

Is etew he egkag̵i te iring kayi, kinahanglan he sevuta zin he is egkeg̵iyen dey pinaag̵i te surat emun kenè key ziyan te keniyu, ne iyan ded ed-ul-ulahan dey emun ebpekeuma key ziyan.

2 Kurintu 10:1

Duen egkag̵i he siak, si Pablo, telawen a emun diyan a te keniyu, iyan, memeg̵arang kun is menge lalag ku keniyu emun edlelag̵an ku sikiyu pinaag̵i te surat. Iyan, guntaan, kenà meg̵arang is menge lalag ku, kekenà, edhangyù a keniyu pinaag̵i te menayù he menge lalag iring te menayù wey velig̵eg̵awen si Kristu.

1 Kurintu 5:12

Iyan, haazà is menge etew he wazà medtuu ki Jesus, wazè tew kelavet duen te kedsusi te menge ulaula zan. Iyan edsusi kandan is Megbevayà. Iyan, kinahanglan he edsusiyen tew is menge ulaula te menge zuma tew he tumutuu su zuen insurat he Lalag te Megbevayà he edhenduen te, “Haazà is duma niw he mezaat is ulaula zin, kenè niw tug̵uti he mebpekiduma pa maan sikandin keniyu.”