1 Kurintu 5:10 - Manobo Western Bukidnon

^10-11 Ne kenè ku iyan egkeg̵iyen is menge etew he wazà medtuu te Megbevayà he meremerik is ulaula zan, wey menge leg̵ezen, wey menge tulisan, wey menge ed-azap te kenà tutuu he megbevayà, su emun iyan en haazà migkag̵i ku ne utew mereg̵en he edlikayan su wey kiw zà ebpekelikey te iring dutun ke ed-awè kiw kayi te kelibutan. Iyan egkeg̵iyen ku he edlikayan is etew he egkag̵i he tumutuu sikandin, iyan, mezaat is ulaula zin iring te meremerik is baal zin, wey ke leg̵ezen sikandin, ed-azap te kenà tutuu he megbevayà, ed-ulug̵an din te salà is duma he etew, lelenguten be, wey tulisan sikandin. Ne minsan is kegkaan dà duma kandin ne kenè kew medtampu.

1 Kurintu 5:10 Referans Kwoze

1 Kurintu 10:27

Ne ke zuen etew he wazà medtuu te Nengazen tew ne ibpekaan ke zin diyà te valey zin ne ke edhendiyè ka, egkehimu he egkeenen nu is idhenat din kenikew zutun, asal kenè nu iinsà ke impemuhat be wey ke wazà su wey kenà ibmesakit haazà te g̵ehinawa nu ke ingkepemuhat haazà.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

1 Juan 5:19

Netuenan tew he menge anak kiw te Megbevayà, iyan, is langun he menge kuntada te Megbevayà dini te kelibutan, ebeyveyaan sikandan ni Setanas.

1 Juan 4:5

Haazà is menge etew he mid-ulinan te teruen he menge mulin-ulin, kuntada man sikandan te Megbevayà wey supak te Megbevayà is ibpenurù dan. Ne tenged dutun ebpemineg̵en sikandan te menge etew zini te kelibutan he kuntada zaan te Megbevayà.

Pilipus 2:15

Ne zutun, wazà mezaat diyan te keniyu su meupiya is ulaula niw su menge anak kew te Megbevayà he wazà igkesewayi zin keniyu, minsan te zini kew pa mekeubpà te kelibutan te teliwazà te lalung he menge etew he kenà memetazeng is menge ulaula. Iring kew te menge sulù

Ipisu 2:2

Dutun he timpu mid-ikul niw is mezaat he ibayà he iyan ed-ikulen te menge etew he kuntada te Megbevayà. Midtuman kew te menge sug̵ù ni Setanas. Iyan sikandin ebayàbayà te menge zuen din gehem diyà te hewhewanan. Iyan daan sikandin ebayàbayà te langun he kenà ebpemineg te menge sug̵ù te Megbevayà.

2 Kurintu 4:4

Kenè dan edtuu su mid-elangan is isip dan ni Setanas he iyan ed-ezapen te menge etew kayi te kelibutan. Tenged kayi kenà egketeyawan is isip dan te Meupiya he Tudtulanen mehitenged te utew kegkelavew ni Kristu. Pinaag̵i ki Kristu egkesayud ki ke hentei is Megbevayà su iyan sikandin dagwey te Megbevayà.

1 Kurintu 1:20

Ne egkesavut ta kayi he wazè en pulus te ketau te menge uluwanen, ne wazà daan pulus te kedsavut te nemeketunghà wey te menge metau he egkag̵i zini te kelibutan. Su impesavut en te Megbevayà he is ketau he zini zà ebpuun te kelibutan, wazè en pulus diyà te kandin.

Juan 8:23

Ne migkag̵i en maan si Jesus te, “Meg̵inged kew zini te kelibutan; siak, meg̵inged a ziyà te langit. Dini kew ebpuun te tanà, iyan, siak, diyà a ebpuun te zivavew.

1 Juan 4:7

Minahal ku he menge suled, kinahanglan he ebpurung kiw egig̵ineg̵awè su ziyà ebpuun te Megbevayà is gag̵ew. Is minsan hentei he zekelà is gag̵ew zin te menge zuma zin, ne iyan nehimu en he anak te Megbevayà wey emig̵u te Megbevayà.

Juan 17:9

Edhengyuan ku sikew tenged kandan; kenè ku sikew edhengyuan he tevangi nu is menge etew he kenà edtuu kedì, kekenà, edhengyuan ku sikew he tevangi nu is menge etew he imbeg̵ey nu kediey su kenikew zaan sikandan.

Juan 17:6

Is menge etew he imbeg̵ey nu kediey zini te kelibutan, impesavut ku kandan ke hentei ka. Kenikew sikandan he zaan ne imbeg̵ey nu kediey ne midtuman dan en is insug̵ù nu kandan.

Juan 15:19

Emun duma kew te menge kuntada te Megbevayà ebmahalen kew zan, iyan, geina te kenè kew zan duma ne egkuntedahan kew zan su mibpilì ku sikiyu wey kew mekesuwey ziyà te kandan.

Lucas 18:11

Ne midhitindeg haazà is Perisiyu ne mid-ampù pinaag̵i te g̵ehinawa zin, ke sikandin te, ‘Megbevayà, ebpeselamat a kenikew su kenà a iring te zuma. Kenà a leg̵ezen; kenà a ebpenlimbung; kenè ku edselselaan is esawa ku. Ebpeselamat a zaan kenikew su kenà a iring keniyà te limbungan he menunukut te vuhis.

1 Kurintu 5:9

Duen te nehuna he surat he impeuwit ku keniyu, insug̵ù ku keniyu he kinahanglan he kenè kew mebpekiduma pa maan te menge etew he meremerik is ulaula.