1 Kurintu 15:5 - Manobo Western Bukidnon

⁵ Ne mibpaahà sikandin ki Pedro ne zutun mibpaahà daan te menge epustul zin.

1 Kurintu 15:5 Referans Kwoze

Marcos 16:14

Ne zutun, mibpaahà daan si Jesus dutun te sepulù wey sevaha he menge sumusundan din te timpu he egkekaan sikandan. Midsawey zin sikandan tenged te kezesen te isip dan su wazè dan medtuu te menge etew he nemenudtul he nekeahà kandin he nevanhew.

1 Kurintu 1:12

Iyan ibpesavut ku is: selakew kun is edtindeg̵an te uman sevaha te sikiyu su egkag̵i kun is sevaha he iyan a si Pablo is edsundanan din. Ne egkag̵i is sevaha he si Epulus mulà is edsundanan din. Ne egkag̵i is sevaha he iyan kandin he edsundanan si Pedro. Ne egkag̵i is sevaha he si Kristu mulà is kandin.

Juan 1:42

Ne miduma zin si Simon ne midhendiyè dan te ki Jesus. Ne si Jesus, midtengtengan din si Simon. “Iyan ka si Simon he anak ni Juan. Egeraran ku sikew ki Sipas,” ke si Jesus. (Is gerar he Sipas ne iyan ded sikan is ngazan he Pedro. Ne is kehulug̵an kayi, ne vatu.)

1 Kurintu 9:5

Ne mezaat be zaan ke ed-iringan ku is menge zuma he epustul wey is menge hazi ni Jesus wey si Pedro zaan su pudu zan duen esawa he tumutuu he edumahan dan ke edhipanew zan? Kenà daan mezaat.

1 Kurintu 3:22

Sikami si Pablo wey si Epulus wey si Pedro zaan, iyan key nehimu te Megbevayà he menge sulug̵uen niw su wey kew mezeyzey. Ne minsan is tivuuk he kelibutan wey is egkeulaula keuzemà, wey is egkeulaula g̵untaan wey minsan is untung niw wey kebpatey niw, imbeg̵ey zaan heini is langun te Megbevayà wey kew mezeyzey.

Nengeulaula 10:41

Te nevanhew en sikandin wazà pudu mekeahà kandin is menge etew, kekenà, sikami zà is menge tistig̵us he zaan he mibpilì te Megbevayà. Sikami, nekekaan key wey nekeinum key zuma kandin hein nevanhew en sikandin.