1 Kurintu 15:17 - Manobo Western Bukidnon

¹⁷ Ne ke wazà mevanhew si Kristu neketuu kew te tarù, ne kenè en egkehimu he egkelibri kew te silut tenged te menge salè niw.

1 Kurintu 15:17 Referans Kwoze

Ruma 4:25

Iyan si Jesus kes midsug̵ù te Megbevayà wey mebpehimatey te silut tenged te menge kedsupak tew. Ne zutun mibanhew sikandin te Megbevayà wey mehimu he metazeng is ked-isipa kenitew te Megbevayà he iring te wazè kiw keenu mekeulaula te mezaat.

1 Pedro 1:3

Utew zekelà is kebpeselemati tew te Megbevayà he iyan Amey te Nengazen tew he si Jesu Kristu. Su tenged te zekelà is hizu zin kenitew, mibeg̵ayan kiw zin te veg̵u en he untung. Ne g̵untaan ebpekeperateng kiw he egkevanhew kiw keuzemà su mibanhew zin si Jesu Kristu.

1 Kurintu 15:14

Ne emun wazà mevanhew si Kristu ne wazè en tuluuwen he igkepesavut dey ne wazè niw zaan egketuuwan.

1 Pedro 1:21

Pinaag̵i kandin neketuu kiw te Megbevayà. Mibanhew sikandin te Megbevayà ne midhimu zin sikandin he utew lavew. Ne tenged kayi iyan edserig̵an tew g̵untaan is Megbevayà ne ebpekeperateng kiw he edhimuwen kiw zin daan he utew lavew.

Ruma 5:10

Su zutun te timpu zengan he kemulu ki kuntada te Megbevayà, tenged te kebpehimatey te Anak din, nehimu ki he emig̵u zin. Ne emun iyan haazà, guntaan te emig̵u ki zin en, wey ki pe be kenà mehimu he melibri keuzemà te silut tenged te nevanhew en sikandin.

1 Kurintu 15:2

Ne pinaag̵i kayi te Meupiya he Tudtulanen he impenurù ku keniyu, egkelibri kew te silut te Megbevayà emun kenè niw ed-engkezan. Su emun ed-engkezan niw kenè bes hustu is kedtuu niw.

Nengeulaula 5:31

Ne midtulus din en ne ziyè en sikandin te zapit te egkekewanan te Megbevayà. Sikitew is menge kevuwazan ni Israyil, egalen tew sikandin wey iyan kenitew edlibri te silut. Ne ebpeiniyug̵an din kenitew is mezaat he ulaula ne ebpeseyluwen kiw zin.

1 Kurintu 15:16

Su emun kenà egkehimu he egkengevanhew is menge minatey, ne wazè en daan mevanhew si Kristu.