1 Kurintu 10:1 - Manobo Western Bukidnon

¹ Egkesuatan ku, menge suled, he metueni niw ke hengkey is neulaula zengan te menge kepuun dey te menge Hudiyu he nemenduma ki Moises. Su mibpeyungan sikandan te g̵apun he iyan tuus he mibulus diyà te kandan is Megbevayà, ne midrapas dan is dag̵at he migngezanan te Merig̵à, ne wazà nelened kandan.

1 Kurintu 10:1 Referans Kwoze

Hibriyuhanen 11:29

Ne is menge kevuwazan ni Israyil, pinaag̵i te kedtuu zan te Megbevayà, nekerapas dan te zag̵at he egngezanan te Merig̵à he impedsuwey te Megbevayà, ne neiring te tanà he memazà haazà is imbayè dan. Iyan, is menge tig-Ihiptu he edal-as kandan, ne nengelened dan pudu su imped-uliey te Megbevayà haazà is dag̵at he impedsuwey zin.

1 Kurintu 14:38

Ne tenged kayi emun kenà haazà is etew ebpemineg kayi ne kenè niw zaan pemineg̵a is egkeg̵iyen din.

1 Kurintu 12:1

Menge suled, egkesuatan ku he mepurung niw mesavut ke hengkey sikan is menge ketau he imbeg̵ey keniyu te Wag̵as he Mulin-ulin.

Ruma 4:11

Umba mibpesirkunsidar sikandin su nehimu is kedsirkunsidar he tuus diyà te lawa zin he mid-isip te Megbevayà sikandin he metazeng tenged te kedtuu zin dutun te wazè pa sikandin sirkunsidara. Ne nehimu si Abraham he kepuun tew, he ke và dà egkeg̵iya, egkeiringan te langun he edtuu, minsan te wazà sikandan sirkunsidara. Umba edtuu zan su wey isipa te Megbevayà sikandan he metazeng.

Gelasya 3:29

Ne g̵eina te sakup kew ni Kristu, nehimu kew en he iring te menge kevuwazan ni Abraham ne egkezawat niw zaan is impenaad te Megbevayà ki Abraham.

Ruma 11:21

Su emun midtamped te Megbevayà is menge tutuu he menge subpang, he ke và dà egkeg̵iya, is menge Hudiyu, iyan kew pe be kenè din daan tempeza is subpang te wazà ipemula he ulivu ke kenè kew is kenà menge Hudiyu edtuu.

Juan 4:20

Sikan is menge kepuun ku he tigSemarya, kayi zan te vuntud ed-ezapa is Megbevayà, iyan, sikiyu is menge Hudiyu, ibpenurù niw he kinahanglan he ziyè tew te Hiruselim ed-ezapa is Megbevayà.”

Ruma 1:13

Egkesuatan ku, menge suled, he metueni niw he kenà egkeawà dini te isip ku is kegkesuat ku te edhendiyan, iyan, kenè e pa g̵untaan ebpekehendiyan su zuen edsanggen kedì. Egkesuat a he edhendiyan su pinaag̵i te kebpenurù ku, kela ke zuen menge etew ziyan he ebpeketuu ki Jesus, iring te pinaag̵i te kebpenurù ku, duen menge kenà Hudiyu zaan diyà te zuma he menge inged he nemeketuu kandin.