1 Juan 4:5 - Manobo Western Bukidnon

⁵ Haazà is menge etew he mid-ulinan te teruen he menge mulin-ulin, kuntada man sikandan te Megbevayà wey supak te Megbevayà is ibpenurù dan. Ne tenged dutun ebpemineg̵en sikandan te menge etew zini te kelibutan he kuntada zaan te Megbevayà.

1 Juan 4:5 Referans Kwoze

Juan 8:23

Ne migkag̵i en maan si Jesus te, “Meg̵inged kew zini te kelibutan; siak, meg̵inged a ziyà te langit. Dini kew ebpuun te tanà, iyan, siak, diyà a ebpuun te zivavew.

Juan 17:14

Sikan is lalag nu he ibpepenurù nu kediey, impenurù ku en kandan, ne migkuntada sikandan te menge etew zini te kelibutan he kuntada nu su wazè dan upakat kayi iring te wazà daan kedì he upakat te menge kuntada nu.

Juan 17:16

Wazè dan upakat te menge etew he kuntada nu iring te wazè ku zaan upakat dutun te menge kuntada nu.

Juan 3:31

Is ebpuun diyà te langit ne lavew sikandin te minsan hentei. Is menusiyà, ne zini zà ebpuun te kelibutan ne kelibutanen dà is egkeg̵iyen din. Iyan, sikan is ebpuun te langit, lavew sikandin te langun.

Impezayag 12:9

midsegseg haazà is dekelà he uled puun te langit. Ne haazà he deragun, iyan si Setanas, sikan is mezaat he mulin-ulin he mid-ekalan din is tivuuk he menusiyà. Ne sikandin wey is langun he menge velinsug̵uen din, intimbag sikandan pehendini te tanà.

2 Timoteo 4:3

Umba idtelaan ku heini kenikew su egkeuma keuzemà is timpu he kenà edewaten te menge etew is tutuu he tuluuwen, kekenà, iyan dan edsunuzen is menge mezaat he kebayè dan. Ebpemepenurù dan te mezakel he menge menenudlù. Ne iyan ibpenurù kayi is tuluuwen he utew zan egkesuati te ebpemineg.

Lucas 16:8

Ne zutun,” ke si Jesus, “hein nezineg haazà dutun te egalen din ke hengkey is mid-ulaula zutun te sulug̵uen din, ne nekekag̵i te, ‘Hey, utew metau sikandin su ebpeneg̵ane en sikandin he zaan te keuyag̵an din keuzemà.’ ” Ne ke si Jesus te, “Is menge etew he kenà ebpemineg te menge lalag te Megbevayà, utew metau te paag̵i te kegkezeyzey zan. Iyan, is menge etew he sakup te Megbevayà, kenè dan bes mulà utew metau te paag̵i wey mezeyzey sikandan keuzemà diyà te langit.