1 Juan 2:23 - Manobo Western Bukidnon

²³ Ne ke zuen etew he kenè din edewaten is Anak te Megbevayà, kenè din daan edewaten is Amey tew he Megbevayà. Ne iring din ded daan ke zuen etew he midawat din en is Anak te Megbevayà, nezawat din en daan is Amey tew he Megbevayà.

1 Juan 2:23 Referans Kwoze

1 Juan 4:15

Ne ke zuen minsan hentei he egkag̵i he edtuuwan din he Anak te Megbevayà si Jesus, diyà ed-ubpà te kandin is Megbevayà ne nekidsevaha sikandin te Megbevayà.

Juan 8:19

Ne migkag̵i kandin is menge Perisiyu te, “Hendei is Amey nu?” Ne midtavak si Jesus te, “Wazè niw metueni ke hentei is Amey ku, ne siak daan, kenè niw egketuenan ke hentei a. Angin ke netuenan niw ke hentei a su egketuenan niw zaan ke hentei is Amey ku.”

Juan 10:30

Sevaha key zà, siak wey is Amey ku he Megbevayà.”

Juan 5:23

su egkesuatan din he edtehuzen a te langun he menge etew iring te kedtehuza zan kandin. Ne is minsan hentei he kenè e zin edtehuzen, is kenè din kedtahud kediey, iyan daan kenè din kedtahud te Amey ku he Megbevayà he midsug̵ù kedì.

1 Juan 5:1

Anak en te Megbevayà is minsan hentei he edtuu he iyan si Jesus mibpilì te Megbevayà he ibpahadì. Ne emun ebmahalen din diyà te g̵ehinawa zin is Amey tew he Megbevayà ebmahalen din daan is menge zuma zin he anak te Megbevayà.

Lucas 10:22

Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

1 Juan 2:22

Hentei man is teruen? Iyan sikan is egkag̵i he kenà iyan si Jesus mibpilì te Megbevayà he ibpahadì. Is egkag̵i kayi, ne iyan kuntada ni Kristu su egkeg̵iyen din he kenà tutuu he ed-ezapen is Amey tew he Megbevayà ne egkeg̵iyen din daan he kenà si Kristu Anak te tutuu he Megbevayà.

Juan 16:3

Umba ebeelan dan heini keniyu su siak wey is Amey ku, wazè key zan mekilala.

Juan 17:3

Ne iyan heini paag̵i he egkezawat dan is untung he wazà pidtemanan. Kinahanglan he egkesavut dan ke hentei ka is sevaha zà he tutuu he Megbevayà wey kinahanglan he egkesavut dan daan ke hentei a is Anak nu he si Jesu Kristu.

1 Juan 4:2

Is minsan hentei he mulin-ulin he egkag̵i he mibpeetew si Jesus is mibpilì te Megbevayà he ibpahadì, ne ziyà ebpuun haazà is mulin-ulin te Megbevayà. Pinaag̵i kayi egketuusan niw is mulin-ulin he ebpuun te Megbevayà.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.