1 Juan 2:13 - Manobo Western Bukidnon

¹³ Sikiyu is menge meg̵urang, umba ebpesuratan ku sikiyu su nehimu kew en he menge emig̵u ni Kristu. Daan en sikandin te wazè pa limbag̵a is minsan hengkey. Sikiyu is menge menguhed, ebpesuratan ku sikiyu su nezaag niw en si Setanas.

1 Juan 2:13 Referans Kwoze

Juan 14:7

Emun egketuenan niw ke hentei a, egketuenan niw zaan ke hentei is Amey ku. Puun guntaan netuenan niw en ke hentei sikandin su neehè niw en sikandin.”

1 Juan 2:14

Sikiyu is menge vatà, ebpesuratan ku sikiyu su menge emig̵u kew en te Amey tew he Megbevayà. Iyan ibpesurati ku keniyu te menge meg̵urang is: tenged te emig̵u kew en ni Kristu. Daan en sikandin te wazè pa limbag̵a is minsan hengkey. Iyan ibpesurati ku keniyu te menge menguhed su mevig̵er en is kedtuu niw ne kenà egkeawà diyan te isip niw is Lalag te Megbevayà, wey nezaag niw en si Setanas.

1 Juan 4:4

Sikiyu, menge anak ku, gaked kew en te Megbevayà ne nezaag niw en is menge teruen he mulin-ulin su lavew pa he mekeg̵eg̵ehem is Megbevayà he ziyà ed-ubpà te kenitew, kenà si Setanas he ziyà ed-ubpà te menge etew zini te kelibutan he kuntada te Megbevayà.

1 Juan 1:1

Ebpesuratan ku sikiyu mehitenged ki Kristu. Migeraran sikandin te Lalag he ebpekeveg̵ey te wazà pidtemanan he untung. Daan en sikandin te wazè pa tukuza is kelibutan. Ne minsan pa zutun neehè dey sikandin ne nekepemineg key te migkag̵i zin. Neehè dey ne neg̵ewezan dey sikandin.

Lucas 10:22

Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

Juan 17:3

Ne iyan heini paag̵i he egkezawat dan is untung he wazà pidtemanan. Kinahanglan he egkesavut dan ke hentei ka is sevaha zà he tutuu he Megbevayà wey kinahanglan he egkesavut dan daan ke hentei a is Anak nu he si Jesu Kristu.

1 Juan 5:18

Netuenan tew he wazà minsan hentei he nehimu he anak te Megbevayà he layun ed-ulaula te mezaat su edlig-enan sikandin te Anak te Megbevayà ne kenè en sikandin egkehilevetan ni Setanas.

1 Juan 3:12

Kenè tew ed-iringan si Kain su sakup sikandin ni Setanas ne mibunù din is hazi zin. Umba mibunù din su mezaat is kandin he ulaula ne metazeng mulà is menge ulaula te hazi zin.

Mateo 11:27

Ne mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.

1 Juan 5:20

Netuenan tew zaan he midhendini en te kelibutan is Anak te Megbevayà ne imbeg̵ey zin kenitew is kedsavut wey kiw mehimu he menge emig̵u te tutuu he Megbevayà. Nekidsevaha kiw te tutuu he Megbevayà su nekidsevaha kiw te Anak din he si Jesu Kristu. Iyan sikandin tutuu he Megbevayà, iyan sikandin puunà te untung he wazà pidtemanan.

1 Juan 2:12

Ebpesuratan ku sikiyu, menge anak ku, su nengepesaylu en is menge salè niw tenged ki Kristu.

1 Juan 2:1

Sikiyu is iring te menge anak ku, iyan ibpesurati ku keniyu is: wey meheg̵eti is kedtuu niw wey kew kenà mekesalà. Iyan, ke zuen ebpekesalà he minsan hentei kenitew, duen datù tew he edtavang kenitew ziyà te etuvangan te Amey tew he Megbevayà. Iyan datù tew si Jesu Kristu he utew metazeng.

Tito 2:6

Ne iring din daan dutun is penurù nu ziyà te menge menguhed he maama. Kinahanglan he ipenurù nu kandan he purungi zan tengkai is menge ulaula zan.

2 Kurintu 4:6

Su zutun te kedlimbag̵a te Megbevayà te langun migkag̵i sikandin te, “Maawà is kerusireman ne mehimu is kerayag.” Ne iyan daan sikandin kes midtayew te isip dey su wey zey mesavut ke hengkey is gehem te Megbevayà he impezayag pinaag̵i ki Jesu Kristu.

Juan 16:3

Umba ebeelan dan heini keniyu su siak wey is Amey ku, wazè key zan mekilala.

Juan 14:9

Ne midtavak si Jesus te, “Neug̵et en utew is kebpekiduma ku kenikew, Felipe, ne wazè nu ves metueni ke hentei a? Su is nekeahà kedì, ne nekeehè en daan te Amey ku he Megbevayà. Maan is egkesuat ka he ibpeehè ku kenikew is Amey ku?

Juan 8:19

Ne migkag̵i kandin is menge Perisiyu te, “Hendei is Amey nu?” Ne midtavak si Jesus te, “Wazè niw metueni ke hentei is Amey ku, ne siak daan, kenè niw egketuenan ke hentei a. Angin ke netuenan niw ke hentei a su egketuenan niw zaan ke hentei is Amey ku.”

Mateo 13:38

Haazà is pemuleey, ne iyan heini is kelibutan; ne haazà is menge meupiya he pinemula, ne iyan heini is menge etew he ebpahadì te Megbevayà; ne sikan is menge mezaat he pinemula, ne iyan is menge sakup ni Setanas.

Mateo 13:19

Ke zuen menge etew he egkezineg dan is lalag mehitenged te kedhadì te Megbevayà, iyan, kenè dan edsevuten, ne iring haazà te venì he ziyà mengeulug te zalan. Edlepew si Setanas ne ed-eg̵awen din haazà is lalag he nezineg dan.

1 Timoteo 5:1

Kenè nu bensag̵i is meg̵urang, kekenà, sembag̵i nu he iring te amey nu en. Sembag̵i nu zaan is menge menguhed he maama he iring te menge suled nu en.

Juan 17:21

Amà, idhangyù ku sikandan pudu wey mesevaha zà is isip dan iring te kegkesevaha ta. Dini ka te kedì ne ziyan a zaan te kenikew. Edhengyuen ku zaan he mesevaha sikandan dini te kenita su wey meketuu is menusiyà he midsug̵ù a kenikew.

Mateo 5:37

‘Uya’ zà ne emun kenà, ne ‘Wazà’ is keg̵iya niw. Su is minsan hengkey he lalag he egemiten niw te kedheg̵eta te menge penaad niw, diyà ebpuun te ki Setanas.

Juan 16:33

Umba migkag̵i ku keniyu heini is langun su wey mebmelinawen layun is gehinawa niw tenged kediey. Dini te kelibutan ebpesipelahan kew te menge etew he kuntada ku, iyan, kenè kew mahandek su nezaag ku en sikan is egalen te menge kuntada ku!”

Impezayag 2:7

Is minsan hentei keniyu, mebpemineg kayi te egkeg̵iyen te Wag̵as he Mulin-ulin diyan te keniyu te menge tumutuu! Is etew he ebpekezaag ki Setanas, edtug̵utan ku he mekekaan sikandin te veg̵as te kayu he iyan puunà te untung he wazà pidtemanan he ziyà te ed-ubpaan te Megbevayà.’ ”

Impezayag 12:11

Heini is menge suled tew, nezaag dan en si Setanas tenged te kedtig̵is te lengesa te migeraran he impemuhat he nati he kerehidu, wey tenged te insangyew zan is tutuu he tuluuwen, wey tenged daan te wazè dan iyan menug̵uni is untung dan, kekenà, mibpehimatey zan tenged te kedtuu zan.