1 Juan 2:1 - Manobo Western Bukidnon

¹ Sikiyu is iring te menge anak ku, iyan ibpesurati ku keniyu is: wey meheg̵eti is kedtuu niw wey kew kenà mekesalà. Iyan, ke zuen ebpekesalà he minsan hentei kenitew, duen datù tew he edtavang kenitew ziyà te etuvangan te Amey tew he Megbevayà. Iyan datù tew si Jesu Kristu he utew metazeng.

1 Juan 2:1 Referans Kwoze

1 Timoteo 2:5

Sebsevaha zà is Megbevayà, ne sebsevaha zà daan is datù diyà te teliwazà te Megbevayà wey menge etew, ne iyan datù tew is etew he si Jesu Kristu.

Ruma 8:34

Ne wazà daan ebpekekag̵i he zait ki he edsilutan su edtevangan ki ni Jesu Kristu. Minatey sikandin he elili kenita ne kenà duen dà taman, su nevanhew en daan. Ne g̵untaan utew sikandin lavew su ziyà sikandin ebpinuu te zapit te egkekewanan te Megbevayà ne edtevangan ki zin diyà te etuvangan te Megbevayà.

Juan 14:6

Ne midtavak si Jesus te, “Iyan a sikan is ibayà; iyan a kes tutuu he edtuuwan; iyan a kes ebpuunan te untung he wazà pidtemanan. Wazà ebpekehendiyà te ed-ubpaan te Amey ku emun kenà a iyan ibayè din.

2 Kurintu 5:21

Wazà minsan hengkey he mezaat he ulaula ni Kristu, iyan, midhimu te Megbevayà he iyan sikandin midsilutan tenged te salè tew su wey pinaag̵i te kebpekidsevaha tew kandin, egkehimu he ed-isipen kiw he metazeng te Megbevayà.

1 Juan 4:4

Sikiyu, menge anak ku, gaked kew en te Megbevayà ne nezaag niw en is menge teruen he mulin-ulin su lavew pa he mekeg̵eg̵ehem is Megbevayà he ziyà ed-ubpà te kenitew, kenà si Setanas he ziyà ed-ubpà te menge etew zini te kelibutan he kuntada te Megbevayà.

1 Juan 3:18

Menge mahal ku he anak, kinahanglan he kenà menge lalag dà is kebmahala ta te menge zuma ta, kekenà, kinahanglan he ibpeehè ta is kebmahala ta kandan pinaag̵i te menge ulaula ta.

1 Juan 3:7

Menge anak ku, kinahanglan he kenè niw pemineg̵a is minsan hentei he teruen he ebpenurù pezem keniyu. Iyan tutuu is: ke zuen etew he ed-ulaula te hustu ne iyan sikandin metazeng he etew iring te metazeng si Kristu.

Juan 8:11

Ne midtavak sikan is bahi te, “Wazè en, su migenat dan en.” Ne migkag̵i si Jesus te, “Siak, kenà a zaan edhukum kenikew te kemetayen. Ulì ke en ne kenè kad maan mebaal te mezaat.”

Hibriyuhanen 9:24

Dutun te kebpemuhat ni Kristu, wazè sikandin medseled diyà te utew mahal he rug̵u te simbahan he zini te kelibutan su alung dà heini te tutuu he simbahan he ziyà te langit. Iyan midselezan din kes tutuu he simbahan he ziyà te langit ne g̵untaan iyan sikandin datù tew he edtavang kenitew ziyà te etuvangan te Megbevayà.

1 Juan 3:5

Netuenan niw en he umba mibpeetew si Kristu su wey zin maawà is menge salè tew. Ne netuenan niw zaan he wazà minsan sevaha he salà he nehimu zin wey egkehimu zin.

Ipisu 2:18

Tenged te kebpekidsevaha tew ki Kristu, sikami is menge Hudiyu wey sikiyu is kenà menge Hudiyu, ebpekeuvey kiw en ziyà te Amey tew he Megbevayà pinaag̵i te kedtavang te Wag̵as he Mulin-ulin.

Juan 6:27

Kenè niw pen-ahaa is egkeenen he meg̵aan dà egkehanew, kekenà, hag̵ù kew wey niw mekuwa is egkeenen he ebpekeveg̵ey te untung he wazà pidtemanan. Siak is Kakey te Menusiyà, iyan heini egkeenen he igkeveg̵ey ku keniyu su impeehè en te Amey ku he Megbevayà he ingkesuat din is menge vaal ku.”

1 Pedro 3:18

Kesevaha zà is kebpehimatey ni Kristu wey mepesaylu is menge salè tew. Mibpehimatey su wey mehimu sikandin is metazeng he elili tew te kenà memetazeng wey kiw mehimu he menge g̵aked te Megbevayà. Nepatey is lawa zin, iyan, nevanhew sikandin

Ipisu 4:26

Emun duen igkepauk niw tigkera niw is gehinawa niw su kela ke ibpekesalè niw. Ne kinahanglan he te kenè pa edsanlep is andew iawè niw en is pauk te isip niw.

Gelasya 4:19

Henduen be te menge anak ku en sikiyu su minahal ku sikiyu. Iring te edlised is bahi ke ed-anak, egkereg̵enan a zaan te ked-isipa ku keniyu su egkesuatan ku he meg̵aan niw itug̵ut he iyan ebayàbayà keniyu si Kristu.

Juan 5:36

Iyan, duen kebpenistig̵us he lavew pa kenà is ki Juan, su is langun he mibpeveelan kediey te Amey ku he Megbevayà he ed-ul-ulahan ku, iyan edtistig̵us he midsug̵ù a te Amey ku he Megbevayà.

Lucas 10:22

Ne zutun mid-uman megkag̵i si Jesus diyà te menge etew te, “Is minsan hengkey, insarig kediey te Amey ku he Megbevayà. Wazà nesayud kedì te Anak te Megbevayà, kekenà, iyan dà is Amey ku he Megbevayà. Ne wazà daan nesayud te Amey ku he Megbevayà, kekenà, iyan e zà is Anak din wey sikan is menge etew he mibpengelinteuwan ku he mesayud dan kandin.”

1 Pedro 2:22

Wazà minsan hengkey he salà he neveelan ni Kristu. Wazà minsan hengkey he tarù he migkag̵i zin.

1 Kurintu 15:34

Likui niw is hustu he ked-isip ne engkezi niw is mezaat he ulaula. Netuenan ku he zuen duma niw ziyan he kemulu pa wazà mesayud ke hengkey is tutuu he tuluuwen mehitenged te Megbevayà. Igkeeled niw pezem heini.

Juan 5:14

Ne netegteg̵aad dutun naahà sikandin ni Jesus diyà te simbahan he egngezanan te Valey te Megbevayà, ne migkeg̵iyan ni Jesus te, “Meupiya su neulian ke en; iniyug̵i nu en is menge mezaat he ulaula nu su wey kenè nu meeg̵iyi is tuwas pa he mezaat.”

Santiago 1:27

Is etew he hustu is ked-azap din te Megbevayà, edlikayan din is menge mezaat he ulaula he iyan ed-ul-ulahan te menge etew zini te kelibutan he kuntada te Megbevayà. Meupiya mulà is ulaula zin. Ebpurungan din is menge edlised he menge ilu he vatà wey menge valu he vahi. Iyan heini egkesuatan te Amey tew he Megbevayà he paag̵i te ked-ezapa tew kandin.

1 Juan 5:21

Menge anak ku, likayi niw is ked-ezapa te minsan hengkey he kenà iyan is tutuu he Megbevayà.

Santiago 3:9

Egemiten ta is dilè ta emun ebpeselematan ta is Amey tew he Nengazen, ne nasì ta zaan egemita ke ebpenrewakan ta is menge zuma ta he midlimbag te Megbevayà he iring te zagwey zin.

Ruma 6:15

Ne kunaan buwa te zuma ke tenged te kenè en kinahanglan he tumana te pa is kesug̵uan, wey tenged te ingkeg̵ag̵ew ki te Megbevayà, ne egkehimu he ebpeniguduwan te pa is ked-ulaula ta te mezaat, iyan, kenà iyan haazà egkehimu.

Juan 13:33

Sikiyu is menge minahal ku he menge sumusundan, egketegteg̵aad dà guntaan ne egkeawaan ku en sikiyu. Ebpen-ahaan a keniyu ne iring te migkag̵i ku ziyà te menge Hudiyu, egkeg̵iyen ku zaan dini te keniyu he ke hendei a ebpevayà kenè kew ebpekezuma.

1 Timoteo 3:14

Kayi te kedsurat ku, ebperetengen ku he meg̵aan e en ebpekepenumbaley ziyan te kenikew.

Juan 21:5

Ne migkag̵i ziyà te kandan si Jesus te, “He menge suled, duen be neutel niw?” Ne midtavak dan te, “Wazà.”

Juan 14:16

ne edhengyuan ku is Amey ku su wey zin ikeveg̵ey keniyu is Menenavang he ed-ilis kediey he kenà edsuwey keniyu te minsan keenu.

Nengeulaula 7:52

Duen be minsan sevaha zà he ebpeneuven dengan he wazà resaya te menge kepuun tew? Wazà. Mibpenhimetayan dan is midsug̵ù te Megbevayà, sikan is nemeketagnà dengan te kebpekeuma te metazeng he sulug̵uen din he si Jesus. Ne sikiyu zaan guntaan su heini si Jesus, is sulug̵uen te Megbevayà, mid-ekalan niw ne mibunù niw.

Ruma 5:10

Su zutun te timpu zengan he kemulu ki kuntada te Megbevayà, tenged te kebpehimatey te Anak din, nehimu ki he emig̵u zin. Ne emun iyan haazà, guntaan te emig̵u ki zin en, wey ki pe be kenà mehimu he melibri keuzemà te silut tenged te nevanhew en sikandin.

1 Juan 5:17

Salà is minsan hengkey he mezaat he ed-ul-ulahan, ne zuen salà he kenà iyan rimeg̵as dutun is kemetayen.

3 Juan 1:4

Iyan utew ku igkelipey is kegkezineg ku te tudtul he edtuman en te tutuu he tuluuwen is menge anak ku te kedtuu.