Wiripu 1:19 - Sateré-Mawé

¹⁹ Pyno waku ewehẽtup o aheTupana kape -Etihep o Pauru woꞌopyhik hap wyi eweiꞌe o are. Mio tã eweiꞌe pote atikuap arẽtem aru mesuwepyi morekuaria woꞌopyhik hap kaipyi are. Taꞌi atikuap aru Aipotypot Iesui tipoꞌoro Topaꞌãu uihep mesuwepyi hamo uiꞌapypok hamo are.

Wiripu 1:19 Referans Kwoze

Humanu 8:28

Watikyꞌe sese Tupana pote iꞌewyte imikyꞌesat nug haria wo watoineꞌen. Miꞌi pote Tupana ipotpap kahato aikawiatno. Pywo ti rat aikotã aikotã topyhuꞌat ahete sio waku sio yt hap puo ipotpap kahato aikawiatno. Putꞌok e ahete aimowepiit hap sio ahatek hap toineꞌen aikawiatno kahato Tupana. Aito Tupana tokyꞌe haria iꞌewyte imikyꞌesat nug kahato haria wo pote ipotpap kahato aipowyro hamuat aipoityro hamuat waku nug hamuat.

Iesui Potmuꞌeria 16:7

Miꞌi pote tuwat tawa Misia kape. Itote pyi tuwat teran yi Pitinia kape i raꞌyn maꞌato Iesui Paꞌãu waĩꞌe i raꞌyn.

2 Kuriniu 1:11

Uiwyriaꞌin tawa Kurintiu piaria ewehẽtup o Tupana kape urupowyro Iesui ehay moherep hamo. Miꞌi tã ewetunug mote Tupana urupowyro emiẽtup oktan. Miꞌi hawyi waku pe urutukupteꞌen urupoityro emiẽtup oktan hawyi aru eweikuap taꞌyn Tupana piat urupoityro hap. Miꞌi hawyi eiwepiit kahato hap topyhuꞌat katupono Tupana tum naꞌyn eimiẽtup hap oktan. -Etipoityro Pauruꞌin eweiꞌe ro Tupana pe urukawiatno.

Karasia 4:6

Miꞌi hawyi tutum Tosaꞌyru Paꞌãu wakuat -Uimepytꞌin wo eweikupteꞌen toꞌe ahepiat hap. Putꞌok e hawyi Papai watoꞌe aat kaꞌap Tupana kape aipyꞌa pe.

Humanu 8:9

Maꞌato aito yt miꞌi tã hin i. Yt watuwat hin i aimikyꞌesat saꞌag kyꞌesat hap nug hamo iꞌewyte yt ahewaure kaꞌa hin i mekewat sehay kape. Wẽtup sehay upi raꞌyn watuwat katupono Tupana Paꞌãu toineꞌen ahepe mio. Maꞌato uwe uwe yt Aipotypot Iesui Paꞌãu yt eiam i miꞌi hat ti yt Tupana emiit hin i katupono Tupana emiit no Iesui Paꞌãu eiam yn teꞌeropyhuꞌat.

1 Kuriniu 4:17

Atikyꞌesat kahato eipe uito ewywuaria Iesui mohey haria. Miꞌi pote atipoꞌoro eimuꞌe hat ehewowi Uito ewywuat Timoteu. Miꞌi ti uhaꞌyru sese wo ewywuat toineꞌen uiwanetup hawe. Uikyꞌe kahato miꞌi katupono yt karãpe i uimaꞌat hatno toineꞌen. Miꞌi putꞌok e itote hawyi toimoherep ehepe eimiwaure aikotã worohoꞌomuꞌe saꞌawyꞌi wuat hap koꞌi ete. Aikotã watoineꞌen ipakup takaria ewy yn naꞌyn wẽtup piit ewy Aikaꞌiwat Iesui wywo hap ete. Aikope aikope miitꞌin tukupteꞌen hap kape uruhenoi hawyi Iesui mohey haria wo uruepiat taꞌatunapin hap ewy ipakup takaria wo raꞌyn tukupteꞌen. Wẽtup miit ewy yn Iesui piit wywo tukupteꞌen. Miꞌi hap ete eimuꞌe hamo atipoꞌoro uhaꞌyru Timoteu.

1 Peteru 1:11

Kat eꞌat pe aru Aipotypot Iesui tuut e hap kape teꞌeruwanetup kahato taꞌatukat kahato. Taꞌi saꞌawyꞌi wuaria Tupana ehay moherep haria iꞌatuehay kahato Aikaꞌiwat Paꞌãu mimoherep koꞌi ete. Taꞌi taꞌatumoherep yian mete aikotã aru Aipotypot ikuꞌuro hoꞌopot hap rakirẽ hamuat koꞌi taꞌatuwan kahato miwan me. Iꞌewyte taꞌatuwan kahato Tupana Paꞌãu kaipyi aikotã me Aipotypot wuatꞌi miitꞌin potypot no topyhuꞌat hamuat koꞌi taꞌatuwan are.

Karasia 3:5

Pywo tig Tupana tum Topaꞌãu hawyi Topaꞌãu wo aimoesaika wakuap nug hamuat sio sehay wakuat Iesui etiat watimohey hawyi. Imohey hawuo watunug niatpo kahato hap koꞌi yt miitꞌin minug kuap i koꞌi.

Wiripu 1:18

Karãpe taꞌatumoherep Iesui Aiporekuat nuat yt taꞌatumohey i pykai miꞌi hawyi uimowepiit kahato hap toineꞌen katupono iꞌatuehay kaipyi miitꞌin Iesui kuap haria tukupteꞌen. Pyno yt arewanetup hin i sio miꞌiria Iesui kyꞌe hap mywo taꞌatumuꞌe miitꞌin sio teꞌeruwemowato hap mywo taꞌatumuꞌe miitꞌin. Yt atikuap i kat hamo miitꞌin taꞌatuꞌatumuꞌe maꞌato miitꞌin taꞌatumuꞌe Iesui etiat hap pote uimowepiit hap topyhuꞌat yt atikuap pykai i kan hamo taꞌatumuꞌe hap are.