Wiripu 1:18 - Sateré-Mawé18 Karãpe taꞌatumoherep Iesui Aiporekuat nuat yt taꞌatumohey i pykai miꞌi hawyi uimowepiit kahato hap toineꞌen katupono iꞌatuehay kaipyi miitꞌin Iesui kuap haria tukupteꞌen. Pyno yt arewanetup hin i sio miꞌiria Iesui kyꞌe hap mywo taꞌatumuꞌe miitꞌin sio teꞌeruwemowato hap mywo taꞌatumuꞌe miitꞌin. Yt atikuap i kat hamo miitꞌin taꞌatuꞌatumuꞌe maꞌato miitꞌin taꞌatumuꞌe Iesui etiat hap pote uimowepiit hap topyhuꞌat yt atikuap pykai i kan hamo taꞌatumuꞌe hap are. Gade chapit la |
Miꞌi hawyi Iesui toꞌe miwan kuap haria pe iꞌewyte woꞌomuꞌe haria pe -Taꞌi heso rakaria ti eipe typy hẽku rakaria e Tupana ehay kuap ran haria pe. Yt eweikyꞌesat i ti miitꞌin tuwat aikope Tupana toineꞌen Morekuatno hap kape e. Taꞌi eweiꞌatupyhyp kahato ti miitꞌin ipap Tupana etawa kapiat rakaria e. Iꞌewyte ti eipe yt eweiwat teran hin i. Miꞌi pote ti iraniaꞌin yt tuwat i eiꞌewy e.
Iuteu ywania iꞌewyte yne ywania teꞌeropyhuꞌat yt naku i nug haria toꞌoꞌewyꞌewy katupono yne yne yt naku i nug haria Tupana wanetup hawe. Tupana piat urunapin hap Muisei miwan miat yt urutunug hin i te uruꞌywania. Iꞌewyte iraniaꞌin ywania tiꞌaparap kahato taꞌatuꞌywania waĩꞌe hap koꞌi ete. Miꞌi pote aito torannia iꞌaparap haria Tupana wanetup hawe e. Miꞌi pote ti yt naku i urutoꞌe iraniaꞌin ywania pe -Uruto ti poꞌog nakat eikai katupono uruto waku maꞌato eipe yt nakuaria i yt urutoꞌe kuap i.