Mateu 9:6 - Sateré-Mawé

⁶ Pyno atimoherep taꞌyn ehepe uwe uito hap. Uito Miitꞌin Ykeꞌet sese areineꞌen pote atimoherep taꞌyn uhesaika hap mesuwat yi tote miitꞌin minug saꞌag hep hamuat. Mio tã toꞌe hawyi toꞌe raꞌyn yt hewyry kuap i rakat pe -Epoĩꞌam no hawyi etiꞌokpoi ro eꞌyni hawyi ereto ro eꞌyat kape.

Mateu 9:6 Referans Kwoze

Mateu 9:5

Kat are kat are som poꞌog yt niatpo i yt hewyry kuap rakat pe sio eminug saꞌag wyti tuweityk taꞌyn are sio epoĩꞌam no hawyi ewyry ro are.

2 Kuriniu 2:10

Koitywy waku waure wo eweikupteꞌen iminug saꞌag kai. Waure wo eweikupteꞌen pote iꞌewyte uito waure wo areineꞌen. Miꞌi hawyi waku waure wo watoꞌe Aikaꞌiwat Iesui e. Miꞌi hawyi iꞌewyte Aikaꞌiwat toineꞌen waure wo raꞌyn. Miꞌi hawyi aiwoꞌokyꞌe hap sese toineꞌen i raꞌyn.

Korosi 3:13

Iꞌatu kahato Tupana watnuat aimokahu hap. Wẽtup woꞌopowyro hap. Wẽtup yt aipotmopyꞌahak i hap. Wẽtup aiwoꞌoewaure aiwoꞌominug saꞌag etiat hap. Wẽtup aipainug hap aiwuꞌuka hap monik hap. Wẽtup aiwoꞌoehay aiwoꞌopiat hap -Waure wo areineꞌen uhyt mimi mana emiꞌaparap uhepiat hap kai aiꞌe hap. Miꞌi koꞌi yne waku ahesokpe pakup ewywuat aiwepainug hap ikahu rakat ewywuat. Miꞌi wo waku watuwepainug aikotã Iesui tiwaure ahepiat iꞌaparap tetiat hap ewy te waku watiwaure iraniaꞌin piat hap aiꞌaparap hap.

Ewesu 4:32

Maꞌato waku watoineꞌen iwese kahato rakaria wo. Waku aiwoꞌowese hap ahehay perupꞌi popuo. Waku meremo watiwaure aimaꞌat hat aikotã Aikaꞌiwat waure wo tomaꞌat hap aiminug saꞌag kai toineꞌen hap ewy. Waku watukupteꞌen waure wo yne yne aimaꞌat hap koꞌi kai are. Uito ti Pauru. Worohoꞌonapin kahato waku iwese kahato rakaria wo Iesui ewywuat eweikupteꞌen are.

2 Kuriniu 5:20

Koitywy toineꞌen Wuatꞌi Porekuat Koro wo. Miꞌi hawyi ainug topotpoꞌoro wo morekuat hit koꞌi wo wẽtup tawa kape wẽtup tawa kape tehay moherep hamo -Eweiꞌaipok to Tupana kape e hamo. Aikaꞌiwat Iesui toineꞌen atipy pe. Maꞌato uruto haipepiaria ihay moherep haria urutoꞌe. Tupana urupoꞌoro ehewowi eikyꞌe kahato haype. Worohoꞌokyꞌesat eipe uruwyriaꞌin wo i raꞌyn urutoꞌe. Eiwewyꞌinug no Tupana wywo urutoꞌe.

Iesui Potmuꞌeria 9:34

Miꞌi hawyi toꞌe Peteru tope -Mehin Eneia e Aiporekuat Iesui ti emopoĩꞌam naꞌyn mehin e. Pyno epoĩꞌam no uhyt hawyi etiꞌokpoꞌi ro eꞌyni hawyi ewyry ro e Peteru tope. Mio tã e hawyi meremo ipoĩꞌam.

Iesui Potmuꞌeria 5:31

Miitꞌin Potypot no Tupana tikyꞌesat kahato urukaꞌiwat Iesui e. Mio tã e Tupana saꞌawyꞌi -Miꞌi Miit ti Uipo sese kawiat ieineꞌen hat e. Miꞌi Miit ti wuatꞌi miitꞌin ehakyeraꞌat hanuat e Tupana saꞌawyꞌi miwan me e Peteru. Taꞌi Iesui ti henoi ahepe mekewat muap aiminug yt naku i hap kaipywiat aihep hamuat e. Miꞌi Miit yn ni muap Tupana kapiat hat e. Miꞌi Miit yn ni aiꞌywania Isareu ywania wanetup saꞌag hap mohãpyk kuap hat e. Toikyꞌesat yne aiꞌywania tomiehakyeraꞌat koꞌi wuat hap e.

Iuwãu 17:2

Papai uinug naꞌyn yne miitꞌin mimotypotno katupono etikyꞌesat kahato miitꞌin emiium koꞌi emiꞌairoria ehakyeraꞌat hamuat hap e.

Iuwãu 10:28

Atiꞌatumoieineꞌen aru uimohey haria e. Yt karamuo i raꞌyn ti aru iꞌatukahuro sese e uiwywo yn naꞌyn teꞌeropyhuꞌat wuatꞌi eꞌat pe e. Miꞌi hawyi ti aru yt uwe i raꞌyn heꞌeroꞌok kuap uipo pyi uimohey haria katupono atiꞌatuꞌapykok kahato uihũria e.

Iruka 5:21

Mio tã toꞌe pote iraniaꞌin wanꞌi wanꞌi e haria Iꞌewyte woꞌonapin haria teꞌeroꞌe toꞌope -Uweĩ pyno meiẽ miit iꞌatuꞌe. Ihay saꞌag kahato Tupana ete iꞌatuꞌe. Yt uwe kuap i rat imohãpyk kuap aiminug saꞌag katupono Tupana yn wyti hesaika aiminug saꞌag moweityk hamo iꞌatuꞌe.

Maku 2:10

Miꞌi hawyi toꞌe i -Taꞌi Miitꞌin Ykeꞌet ti yt nakuap i moweityk kuap hat wuatꞌi yt naku i hep kuap hat wyti Uito e. Miꞌi tupono atimoherep mesup ehepe uhesaika hap yt nakuap i moweityk hamuat e.

Maku 2:7

Kat poteĩ Iesui mio tã e iꞌatuꞌe. Ihay saꞌag kahato ti iꞌatuꞌe katupono ti Tupana yn imoweityk kuap aiminug saꞌag iꞌatuꞌe.

Mateu 8:20

Maꞌato Iesui tiwesat -Pyno ereto teran uhupi pote waku saꞌawyꞌi erewanetup kahato katupono ti Awahuru koꞌi ti tukupteꞌen taꞌatukaꞌa puo iꞌewyte weitaria ti tukupteꞌen taꞌatusok puo maꞌato Uito Miitꞌin Ykeꞌet pykai yt kat i uiꞌyat uiwemohy hamuat.

Mateu 4:24

Miꞌi hawyi yi Siria piaria tikuap taꞌyn Iesui misepap koꞌi. Miꞌi hawyi tõꞌẽ tõꞌẽ pya wuaria. Taꞌatuerut kahato iꞌahuu rakaria torannia hawyi Iesui tiꞌatumoehãite kahato ipiit heg nakaria maꞌãu saꞌag koꞌi mimoesoꞌok koꞌi ipo kĩꞌã rakaria ipy kĩꞌã rakaria ikuꞌuro kuꞌuro rakaria taꞌatuerut hewowi hawyi toiꞌatumoehãite yne raꞌyn.

Mateu 9:2

Miꞌi turan taꞌatuerut wẽtup ok yt ipoĩꞌam kuap i rakat heꞌyni pe. Miꞌi kape Iesui tehaꞌat hawyi toꞌe -Taꞌi uimohey kahato ti eipe e. Miꞌi hawyi toꞌe yt ipoĩꞌam kuap i rakat pe. -Taꞌi uhaꞌyru e. Yt erekenꞌẽ hin i kat tupono koitywy uimohey hap emowaku raꞌyn. Iꞌewyte eminug saꞌag tuweityk taꞌyn.

Mateu 9:7

Miꞌi hawyi ipoĩꞌam naꞌyn hawyi toto raꞌyn toꞌyat kape.

Iuwãu 5:8

Mio tã e hawyi toꞌe Iesui -Eꞌãpeꞌokꞌam no mehin e. Etat ro etupe hawyi ewyry ro e.

Iuwãu 5:27

Tupana toꞌe Tosaꞌyru pe -En wyti Miitꞌin Ykeꞌet miit sese erepyhuꞌat. Miꞌi tupono waku ereꞌe uwe waku uwe yt uwe topyhuꞌat miꞌapiheg wo uwe yt ere miitꞌin me hamo e Tupana Tosaꞌyru pe.