Mateu 9:15 - Sateré-Mawé

¹⁵ Mio tã iꞌatuꞌe pote Iesui tiꞌatuwesat -Pyno eweipuẽti aten waku woꞌokyiꞌat hap kapiat turan iꞌatuꞌarot neꞌi iꞌatupyꞌasetpe raꞌyn woꞌokyiꞌat hanuaria turan pote arewanetup turan yt hin i maꞌato karãpe eꞌat putꞌok e raꞌyn iꞌatuehaytuwy iꞌatupyꞌasetpyi turan ti aru pywo teꞌeremosyꞌat raꞌyn uhemiitꞌin.

Mateu 9:15 Referans Kwoze

Iesui Aru E Hap 19:9

Miꞌi hawyi atipy piat toꞌe uhepe -Iuwãu e etiwan no kat som areꞌe epe hap koꞌi e katupono Tupana e hap ahenoi epe -Waku raꞌyn Uhaꞌyru eharyꞌi hap eꞌat e. Mesup atunug ienuk hap imotypot hamo e. Uhaꞌyru eharyꞌi hap motypot hap ienuk hap kape worohoꞌokay kay wen maꞌato yt ehewaku hap kaipyi i worohoꞌokay kay eipe e. Worohoꞌokay kay Uhaꞌyru eharyꞌi hap motypot hap ienuk hap kape worohoꞌokyꞌe kahato pote e. Worohoꞌoꞌairo uimipoityro koꞌi uhegyiꞌat pote e Tupana e.

Iuwãu 3:29

Pyno iãꞌãkap wuo ahenoi ehepe aikotã areineꞌen Aipotypot uut hap ete e. Karãpe woꞌokyiꞌat hap turan toineꞌen woꞌokyiꞌat hanuat wy ok sese. Miꞌi ti toineꞌen itote mekewat woꞌokyiꞌat hap ekatup hamo. Mekewat eꞌat pe iwy ok hekatup kahato towyꞌok eharyꞌi hap eꞌat putꞌok e hap kape. Tuwanetup kahato turan meiũran woꞌokyiꞌat teran hat ehay toikuap taꞌyn. Miꞌi hawyi iwepiit kahato katupono woꞌokyiꞌat hap yt pya hin i raꞌyn. Miꞌi hawyi woꞌokyiꞌat hanuat putꞌok e hawyi iwyꞌok iwepiit sese raꞌyn e. Miꞌi hap ewy uimowepiit hap topyhuꞌat. Miꞌi hawyi Tupana miium uhepiat nug hamo waku raꞌyn e.

Iesui Aru E Hap 21:2

Miꞌi hawyi arahaꞌat ywaipe turan araꞌakasa tawa Ierusarẽi ipakup taꞌapyk turan wakuat kahato Tupana ewywuat wakuat. Iꞌewyte ikahu sese rakat aikotã haryporia ikahu sese rakat ewy. Are paĩ ikahu kahato aikotã haryporia tuwepainug toꞌokyiꞌat hap eꞌat pe hap ewy are saĩke Iro pote. Miꞌi hawyi atikuap miꞌi tawa Tupana etawa Ierusarẽi ipakup e hap het rakat areꞌe.

Iesui Potmuꞌeria 14:23

Miꞌi hawyi itote Pauruꞌin tiꞌairo Iesui mohey haria napin hamuaria. Miꞌi hawyi Panape Pauru yt kat i iꞌu aat katupono hẽtup kahato Tupana kape -Tupana iꞌatuꞌe epo pe raꞌyn ti meiũpiaria uruikyꞌesat emohey haria ipakup takaria katupono urutuwat irane meiũpepyi iꞌatuꞌe taꞌatuhẽtup Tupana pe.

1 Kuriniu 7:5

Yt naku i iharyꞌi waĩꞌe neꞌi teꞌaito piat ikyꞌesat turan e. Iꞌewyte yt naku i waĩꞌe neꞌi ihainia teharyꞌi piat ikyꞌesat turan e. Maꞌato ehehay teran Tupana wywo pote waku eiwoꞌopohep porapꞌi tuereto eiwoꞌopytyk hap ete e. Eiwoꞌopohep porapꞌi hawyi waku i raꞌyn eiwoꞌomowepiit katupono ahiag aru ehãꞌãg neran haype wẽtup haryporia wẽtup ihainia kyꞌesat hap ete e.

Iuwãu 16:6

Areto motꞌi irane eitok pyi are pote ti ewehatyꞌu kahato uikyꞌe haype e.

2 Kuriniu 11:27

Uhero kahato uhewyry kahato pote uhatyꞌi kahato. Karania ewãtym neꞌi yt areket kuap i kat pote arekenꞌẽ kahato sio uiket kai uiꞌauka. Iꞌewyte uhesyꞌat kahato areineꞌen yt kat i miꞌu pote. Areꞌyꞌutui kahato maꞌato yt kat i yꞌy areto yahig wato ekuekai turan. Karania eꞌat yt kat i atuꞌu. Uhenaꞌak kahato wywo uhewyry yt kat i uheꞌog yt kat i uhesokpe koꞌi uimosakup hamo.

Mateu 9:14

Mio tã e turan putꞌok iꞌatuꞌe Iesui kape woꞌosetꞌok hat Iuwãu potmuꞌeria. Miꞌi hawyi apo iꞌatuꞌe -Mehin iꞌatuꞌe kat tupono som uruto iꞌewyte seko moherep haria teꞌeremosyꞌat kahato Tupana motypot hamo iꞌatuꞌe.

Mateu 9:16

Pyno yt uwe i ti imog kuap sokpe pakup sepok wo neꞌi tesokpe potꞌi hiotꞌe rakat mog maꞌato sokpe pakup wo neꞌi etimog hiotꞌe rakat sokpe potꞌi pote poꞌog neꞌi hiotꞌe sokpe.

Maku 2:19

Miꞌi hawyi Iesui tiꞌatuwesat -Katupono uipotmuꞌeria iꞌatuwepiit kahato aikotã ienuk hap woꞌokyiꞌat hap eꞌat piat seꞌaito hap eꞌat piat ienuk hap ewy uipotmuꞌeria tukupteꞌen e. Ienuk hap eꞌat pe yt uwe i tuwemosyꞌat seꞌaito toineꞌen iꞌatuwywo turan ne ienuk ete iꞌatuwepiit hap eꞌat pote e.

Maku 2:20

Maꞌato karãpe iraniaꞌin tioto seꞌaito pya toꞌoꞌyatypepyi miꞌi hawyi teꞌeruwemosyꞌat e Iesui wemosyꞌat haria pe.

Iruka 5:34

Mio tã teꞌeroꞌe hawyi Iesui tiꞌatuwesat -Waku apo eweipuẽti karãpe woꞌokyiꞌat hap mowepiit turan teꞌeremosyꞌat miwenka koꞌi karãpe heꞌaito wuat toineꞌen iꞌatuwywo raꞌyn turan. Arewanetup yt hin i e.

Iruka 5:35

-Maꞌato heꞌat putꞌok e raꞌyn mekewat heꞌaito wuat tuut raꞌyn hawyi ti aru meremo totat raꞌyn tehaytuwy iꞌatupyꞌasetpyi. Miꞌi hap eꞌat pe ti aru teꞌeremosyꞌat raꞌyn.

Iruka 17:22

Miꞌi hawyi Iesui toꞌe topotmuꞌeria pe tomohey haria pe -Uiwyriaꞌin e mesup taꞌyn Tupana Eiporekuat nuat toineꞌen eipyꞌasetpe wen maꞌato yt motꞌi areineꞌen e. Pywo meiũran eweihaꞌat teran kahato uhewowi maꞌato yt heremo i areineꞌen e Iesui.