Mateu 6:28 - Sateré-Mawé

²⁸ Miꞌi tupono yt kat hamo i eiwanetup koꞌi koꞌi aikope pyi aru atipuẽti uhesokpe eweiꞌe hap ete. Yt kat hamo i eweiꞌe -Aikope som uhesokpe atipuẽti aru eiꞌe hap kape yn eiwewanetup koꞌi koꞌi e. Pyno eiwehaꞌat ro ipohyt koꞌi kape aikotã teꞌeruwepainug hap kape. Katupono mohyt koꞌi yt teꞌeruwanetup koꞌi koꞌi hin i aikopepyi aru uhesokpe e hap kape. Iꞌewyte ipohyt yt tuwesokpe piꞌig aat kaꞌap hin i teꞌeruwepainug hamo.

Mateu 6:28 Referans Kwoze

Mateu 6:25

Miꞌi tupono yt naku i eweiwanetup koꞌi koꞌi -Aikope pyi aru aimiꞌu aheꞌuꞌi ahesokpe ahesapo hy eweiꞌe hap kape. Aikope pyi aru aheineꞌen hap eiꞌe hap kape yn yt naku i. Katupono ti eiwepiit hap sese eheineꞌen hap sese yt tuut i eimiꞌu wato hap kaipyi. Taꞌi eiwepiit hap sese yt tuut i eheꞌuꞌi kahato hap kaipyi ehesokpe kahu kahato hap kaipyi e.

Wiripu 4:6

Pyno yt eiwanetup koꞌi koꞌi i ran o. Poꞌog waku wahẽtup Tupana kape aipowyro hamuat hap. Waku watoꞌe Tupana pe -Etum o uruepe uruwat yt kat i rakat. Uruikuap kahato raꞌyn egyiꞌat hap Tupana waku uruhẽtup. Miꞌi pote urutuwehum kahato ewowi urupyꞌa pyi Tupana waku watoꞌe Tupana pe.

Iruka 12:27

Uimohey haria e eiwehaꞌat ro gaꞌapy pohyt koꞌi kape katupono tuwepainug kahato gaꞌapy koꞌi ikahu kahato sese e. Ikahu kahato poꞌog ikahu saꞌawyꞌi wuat ieineꞌen hat morekuat koro pot Sarumau hekat rakat esokpe kahuria kahato rakat kai.

Mateu 6:31

Pyno yt naku i eheineꞌen hap ete eiwanetup koꞌi koꞌi. Aikope pyi aru ahesokpe watipuẽti eweiꞌe. Aikope pyi aru aimiꞌu watipuẽti eweiꞌe. Aikope aru ahesapo hy watipuẽti eweiꞌe. Yt naku i miꞌi hap kape yn eiwanetup.

Iruka 3:11

Miꞌi hawyi Iuwãu tiꞌatuwesat -Uwe toĩ typy hesokpe pote etum no yt hesokpe i rakaria pe wẽtup. Iꞌewyte uwe toineꞌen imiꞌu pote etum no yt imiꞌu i rakaria pe.

Mateu 10:10

Iꞌewyte eweiwat turan yt ewetioto teiꞌo ekuriwu koꞌi maꞌato waku ewetioto eipiit piat yn ehesokpe iꞌewyte eipy sokpe koꞌi. Iꞌewyte eipoꞌyha muap upiat epowyro hap yn ewetioto e. Waku itotiaria ti aru Tupana potpoꞌororia powyro hanuaria wo teꞌeropyhuꞌat.

Mateu 6:27

Pyno eiperia ti yt wẽtup ok i iꞌywoporo kuap eheineꞌen motꞌi hap.

Iruka 10:41

Miꞌi hawyi Iesui tiwesat -Mata e eminug koꞌi kape yn erewanetup kahato e.

Iruka 12:11

Uipotmuꞌeria meiũran ti aru eheropoꞌok teꞌeruwaꞌatunug hap kape Tupana motypot yat kape taꞌatuꞌakagnia pyꞌasetpiat -Miꞌiria yt naku i kahato rakaria taꞌatuꞌe hamo eimaꞌat sehay wuat eiꞌauka hamo eheroto e. Miꞌi turan yt erewanetup teiꞌo kat ere kat ere aru itote.

Iruka 12:22

Miꞌi hawyi Iesui henoi i raꞌyn topotmuꞌeria pe -Uiwyriaꞌin e yt naku i eweiwanetup yn eimiꞌu mesuwarotiat kape e. Yt naku i eipiit piat ehesokpe koꞌi kape yn eweiwanetup e.

1 Peteru 5:7

Miꞌi pote waku eweiꞌe Tupana pe -Tupana aikotã miitꞌin timohy yrysakag ipotyi rakat hero iꞌakag ete miꞌi hap ewy etihep uhetiat uhero hap uipyꞌa piat hap. Wẽtup ok po pe wẽtup ok akag note aikotã taꞌatuereto mekewat yrysakag ipotyi rakat ewy. Miꞌi hap ewy atoiat yne uiwanetup hap ipotyi rakat ewywuat kowoꞌi kowoꞌi hap koꞌi. Aikotã aikotã aru atunug uiꞌe hap koꞌi atoiat yne epo pe eꞌakag ete Tupana eweiꞌe. Kat pote uikyꞌe kahato hat En waku eweiꞌe kurum iwasuria makuptiaria are.