Mateu 6:21 - Sateré-Mawé

²¹ Ahekareꞌen watopag yne atipy pe Tupana po pe pote ti aipyꞌa piat aiwanetup hap iꞌewyte toineꞌen aru aat kaꞌap Tupana wywo atipy pe e. Maꞌato mesuwarote yn ahekat watiꞌatunug pote iꞌewyte aipyꞌa piat aiwanetup hap mesuwarote yn aru topyhuꞌat aat kaꞌap e Iesui tomimuꞌeria pe mekewat yityꞌok totiaria pe.

Mateu 6:21 Referans Kwoze

2 Kuriniu 4:18

Pyno yt naku i watuwanetup ahepiat hoꞌopot hap mesuwarotiat kape koran wuat kape yn. Poꞌog waku watuwanetup aimowepiit hap atipy piat hap kape aikotã aru aimowepiit wuatꞌi eꞌat pe hap kape. Maꞌato koitywy yt heremo i te miꞌi. Katupono ahepiat hoꞌopot porap i hap heremo kahato koran aiwanetup hawe. Pyno poꞌog waku watuwanetup ahepiat hoꞌopot hap eꞌyian mete aikotã aru hap kape. Taꞌi yt pya hin i wyti aimowepiit hamuat wuatꞌi eꞌat piat hap eꞌat watoꞌe. Ahepiat hoꞌopot porapꞌi hawyi tokosap aru pote meremo watoꞌe.

Iruka 12:34

Ehekareꞌen atipy pe pote iꞌewyte eiwanetup hap aipyꞌa piat iꞌewyte tukupteꞌen itote maꞌato ehekareꞌen mesuwarotiat yn tukupteꞌen pote iꞌewyte eikyꞌe hap eiwanetup hap eipyꞌa piat toineꞌen wy mesuwarotiat koꞌi ete yn e Iesui iꞌatuepe.

Epereu 3:12

Uiwyriaꞌin uheinytꞌin wẽtup yn Iꞌywot rakaria aito pote worohoꞌonapin -Waku aiweꞌeg wo aheTupana mohey hap pun hap pupi katupono yt naku i kahato aipyꞌahak Tupana ete hap areꞌe. Yt naku i watoiat Tupana yt kat i imohey hap aikawiat haype. Yt naku i watopyhuꞌat wuatꞌi eꞌat piat ieineꞌen hat ewanikap mo aheTupana atoiat haria wo.

Mateu 12:34

Pyno eiperia ti yt naku i nug haria aikotã moĩ satek kahato toineꞌen hap ewywuaria eweikupteꞌen. Yt kat i hin i tuwẽtem eiwẽ pyi waku rakat katupono howopy raꞌyn eipyꞌa yt nakuap i wo pote. Miꞌi kaipyi tuwẽtem eiꞌe hap yt naku i rakat.

Iesui Potmuꞌeria 8:21

Ewanetup hap ti yt Tupana kape hin i e. Yt ehepap hin i uruwywo epotpap hap e.

Wiremu 1:3

Koitywy ahẽtup kahato Aiꞌywot Tupana kape iꞌewyte Aipotypot Iesui kape -Etum neꞌen neꞌi o Wiremuꞌin me egyiꞌat hap iꞌewyte etiꞌatumowepiit miꞌiria are Tupana pe.

Wiremu 1:19

Pyno ti uipo wo atunug uimiwan mesuwe uimipoꞌoro ewowiat Unesimu weteweru hap ahaꞌup nug yne uiꞌe hap. Uito ti Pauru uipo wo atiwan mesuwe uhet -Atum Unesimu weteweru hap etiatno Wiremu kape are. Uipo wo atopytyk uimiwan nuat mesuwe Pauru. Yt etiwaure teiꞌo maꞌato uhepiat eweterut iwato hap katupono saꞌawyꞌi uiwẽ kaipyi etikuap mesuwat wuatꞌi eꞌat piat ieineꞌen hap uhehay pyi mehin. Miꞌi tupono iwato kahato eweterut hap te yt kat saꞌup i etum pykai.

Mateu 6:22

Uhekatuwyria eheha pytig hap ti aikiotã ariãty ewy eipiit ete heremo kahato. Katupono ehapytig pote ti ehepe waku kahato eipiit moẽtyhot muap upi hamo.