Mateu 5:46 - Sateré-Mawé

⁴⁶ Maꞌato mesuwarotiaria eikyꞌe haria yn eweiꞌatukyꞌe pote ti aru yt kat i eipoityro hap Tupana kaipyi. Katupono ti miitꞌin kaipywiat saꞌup sat haria tikyꞌe taꞌatukyꞌe haria yn. Maꞌato ti aikyꞌe haria yn watiꞌatupowyro pote yt aiꞌywot atipy piat yt ewy hin i watoineꞌen. Iꞌewyte aiwese uhetiat iwese rakaria kape yn pote yt kat i haꞌup watipuẽti aru aiꞌywot atipypiat kaipyi.

Mateu 5:46 Referans Kwoze

Mateu 11:19

Maꞌato Ihainia Saꞌyru tuut hawyi tenuk teꞌyꞌu eweiꞌe. Pyno eiwehaꞌat ro meiẽwat miit ienuk wato kahato hat eweiꞌe. Iꞌewyte mohy u kahato hat eweiꞌe. Iꞌewyte miitꞌin kaipywiat saꞌup poreraꞌat haria wyriaꞌin sese eweiꞌe. Iraniaꞌin yt nakuat i sese meiẽ eweiꞌe. Maꞌato pywo kahato miitꞌin iꞌatuweꞌeg hap kaipyi tuwemoherep iꞌatuminug wakuat kaipyi e.

Iruka 18:13

Miꞌi hawyi mekewat yt naku i nug hat mekewat miitꞌin ekareꞌen pyhyp hat pya kahato iraniaꞌin waku nug haria kai toineꞌen. Yt tehaꞌat hin i atipy kape Tupana ewowi tehay hamo maꞌato yi kape yn tehaꞌat hawyi tuweꞌahyk ahyk tuwemoti Tupana wywo tehay hamuat haype. -Yt uiꞌapiheg neiꞌo uiminug saꞌag upi e. Atikuap taꞌyn uito yt naku i kahato rakatno areineꞌen wen maꞌato waku ehegyiꞌat hap kaipyi uhehakyeraꞌat hatno ereineꞌen Tupana e paa toꞌe haype e so e Iesui.

Iruka 15:1

Miꞌi hawyi putꞌok iꞌatuꞌe Iesui ete yt nakuaria i sese ihay kape teꞌeruwanetup teran. Tukupteꞌen itote saꞌup sat haria. Miꞌiria ti taꞌatuhep miitꞌin kaipyi saꞌup morekuat watno. Iꞌewyte iꞌatu rakaria yne nakuat i nug haria.

Mateu 18:17

Maꞌato mekewat miit iꞌaparap hat yt tuwanetup teran i ehehay kape miꞌi pote waku ehenoi torannia Iesui mohey haria pe. Maꞌato miꞌi pykai yt tuwanetup teran i Iesui mohey haria ehay kape miꞌi hat wyti toineꞌen aikotã wẽtup ok yt hetupana rakat i ewy. Iꞌewyte aikotã wẽtup ok saꞌup sat iraniaꞌin ywania kaipywiat hat ewy.

Mateu 6:1

Miꞌi hawyi poꞌog Iesui toꞌe miitꞌin sem me yityꞌok tote -Uiwyriaꞌin e pyno yt naku i kahato eiwemotypot Tupana potpap ewetunug turan e. Yt naku i kahato miitꞌin ehamo miitꞌin miat eimotypot hamo neꞌi ewetunug Tupana potpap e. Maꞌato eimotypot miitꞌin kaipywiat hap yn eweikat pote yt kat i eimotypot hap sese eweipuẽti Aiꞌywot atipy piat kaipywiat e.

Iruka 19:7

Maꞌato iraniaꞌin tikuap Sakeu yat kapiat Iesui to hap hawyi teꞌeroꞌe toꞌope -Yt naku i Iesui iꞌatuꞌe katupono yt nakuat i rakat yat kape toto iꞌatuꞌe. Ahewanikap yat kape toto iꞌatuꞌe toꞌope.

Iruka 19:2

Miꞌi tawa pe toineꞌen hekat kahato rakat Sakeu e hap het rakat. Miꞌi miit ri yt naku i kahato rakat toineꞌen iraniaꞌin wanetup hawe katupono ipotpap Iuteu ywania wanikaptia morekuat powyro toꞌywania ekareꞌen pyhyp hamo.

Mateu 5:47

Iꞌewyte ti waku watuwẽpowat wuatꞌi miitꞌin kape yt naku i watuwẽpowat aiwyriaꞌin sese kape yn katupono mesuwarotiaria yt kat kuap i haria tiꞌatukyꞌe ti taꞌatupyꞌasetpe haria yn. Maꞌato miꞌi haria ewywuaria neꞌi watunug pote yt watuwẽpowat i iraniaꞌin kape.

Maku 2:15

Wẽtup eꞌat pe Iesui toto Irewi yat kape topotmuꞌeria wywo teꞌerenuk hamo. Miꞌi hap tote typyꞌi kahato Irewi wyriaꞌin teꞌeruwaꞌatunug ienuk hap tote. Iꞌewyte Iesui wywo tukupteꞌen yt nakuaria i saꞌup poreraꞌat haria teꞌerenuk hamo.

Maku 2:16

Miꞌi hawyi iraniaꞌin nagnia ehay enoi haria teꞌerahaꞌat ienuk hap kape iꞌewyte miwan enoi haria teꞌerahaꞌat. Miꞌi hawyi apo iꞌatuꞌe Iesui potmuꞌeria pe -Kat poteĩ eimuꞌe hat yt nakuaria i wywo iꞌewyte saꞌup poreraꞌat haria wywo tenuk iꞌatuꞌe.

Iruka 3:12

Miꞌi turan iraniaꞌin miitꞌin kaipywiat saꞌup poreraꞌat haria tõꞌẽ hawyi apo iꞌatuꞌe Iuwãu me. -Urumuꞌe hat aikotã som pyno waku urutunug iꞌatuꞌe.

Iruka 5:29

Miꞌi hawyi Irewi tunug ienuk hap iwato kahato rakat Iesui wywuat tenuk hamo toꞌyat pe. Miꞌi turan itote typyꞌi kahato saꞌup poreraꞌat haria iꞌewyte iraniaꞌin tukupteꞌen iꞌatuwywo.

Iruka 5:30

Miꞌi pote woꞌonapin haria iꞌewyte wanꞌi wanꞌi e haria Irewi wyriaꞌin iꞌatupyꞌahak kahato Iesui emiitꞌin ete. Miꞌi haype apo iꞌatuꞌe -Kat poteĩ ewehenuk iꞌewyte eiweꞌyꞌu saꞌup poreraꞌat haria wywo neꞌi iꞌewyte iraniaꞌin yt nakuaria i wywo neꞌi iꞌatuꞌe.

Iruka 7:29

Mio tã e hap torannia mekewat saꞌup poreraꞌat haria ikuap. Miꞌiria ti imohey ihay Tupana kaipywiat hat. Miꞌi hawyi teꞌeresetꞌok taꞌyn Iuwãu po wo.

Iruka 7:34

Taꞌi ihainia saꞌyru wyti tenuk iꞌewyte tuwesapoꞌu eweiꞌe neꞌi. -Eiwehaꞌat ro mekewat miit ienuk wato hat kape iꞌewyte sapo hy u wato kahato hat kape eweiꞌe. Iꞌewyte towyꞌinug mekewaria miitꞌin kaipywiat saꞌup poreraꞌat haria iꞌewyte iraniaꞌin yt nakuap i nug haria wywo toineꞌen eweiꞌe.