Biblia Todo Logo
Bib sou entènèt

- Piblisite -




Mateu 5:37 - Sateré-Mawé

37 Pyno waku atunug aru eweiꞌe hawyi waku pywo pe eweiꞌe. Maꞌato yt ewetunug neran i kat koꞌi kat koꞌi eiꞌe hap pote -Atunug aru yt eweiꞌe i. Waku pywuat sehay yn tuwẽtem eiwẽ pyi are. Maꞌato yt pywo piat i eweiꞌe pote sehay saꞌag upiat myhuꞌat haria wo eweipyhuꞌat e Iesui topotmuꞌeria pe toꞌapypueri haria pe.

Gade chapit la Kopi




Mateu 5:37
17 Referans Kwoze  

Ahehay pywo piat hap yn Tupana tikyꞌesat. Karãpe iraniaꞌin me -Atunug aru watoꞌe pote waku watunug aiꞌe hap ewy hap. Yt naku i aheso -Atunug aru aiꞌe hap ete. Maꞌato aheso hap neꞌi pote Tupana aiꞌapiheg e. Iꞌewyte ti yt naku i Tupana set watipehik -Atunug aru e hap ete. Yt naku i watoꞌe -Yt atunug i aru uiꞌe hap ewy pote waku Tupana uiꞌauka watoꞌe. Poꞌog waku -Atunug aru mehin mana watoꞌe hawyi waku watunug aiꞌe hap oktan poꞌog waku are. Iꞌewyte yt naku i miitꞌin set watipehik pywo aiꞌe hap moheg hamo. Maꞌato Tupana tikyꞌesat pywo piat yn ahehay hap -Atunug aru aiꞌe hap ete.


Waku watikat kahato aiwanetup hawe iꞌatuwesat hamuat yne apo apo iꞌatuꞌe hap ete. Waku watiꞌatuwesat Tupana weꞌeg hap ewy pywuat woꞌowesat hap ewy ihay se rakat ewy waku watekyi Iesui kape yt imohey i te haria are.


Waku watiwaure aheso miitꞌin kapiat hap. Yt naku i ahehay aheso heso hamo katupono watunug saꞌawyꞌi yt watikuap i te Iesui turan aheko saꞌag upi yn watunug neran. Aikotã watihep ahesokpe potꞌi koꞌi hawyi watopag ahesokpe ipakup i koꞌi raꞌyn hap ewy waku watipugha saꞌawyꞌi wuat aheso hap. Miꞌi hawyi waku watopag aiwanetup hap pywuat hap ewy. Waku watuwepainug ahesokpe pakup hap ewy ahehay pywuat aiꞌe hap ewy.


Eiꞌywot sese ti ahiag e miꞌi pote ti ewetunug neran eiꞌywot mikyꞌesat saꞌag oktan e. Haꞌawyte pyi ahiag tiꞌauka teran miitꞌin woꞌopotꞌauka hat miꞌi. Miꞌi pote yt wẽtup i hãpyk takat sehay pywuat iwat iwanetup hap toineꞌen e. Karãpe ahiag heso tuwekaipyi tutunug yt niatpo hin i katupono yne heso rakat kaꞌiwat neꞌi ahiag topyhuꞌat e.


Aito ti Aimimohey Iesui piit ewywuat watopyhuꞌat yne aito haga ewy. Pyno yt naku i aheso aiwoꞌope aikotã saꞌawyꞌi watunug hap ewy. Waku watipugha aiwoꞌope aheso heso hap aikotã watipun ahesokpe hiotꞌe rakat ewy. Koitywy waku pywuat sehay yn aiwoꞌope ahehay are. Miꞌi watunug mote aipainug hap aipyꞌa piat aiwanetup hawiat ikahu kahato Tupana ehamo.


Aikaꞌiwat wyti temiit yt atoiat hat i toineꞌen maꞌato aimoesaika kahato hatno toineꞌen Aikaꞌiwat. Aikawiatno kahato ti ahiagnia akag mupi.


Pyno mekewat iãꞌỹi muap upiat hewo muap ẽpe upiat hewo rakat ewy wuat wyti karãpe miitꞌin teꞌeruwanetup Tupana ehay kape wen maꞌato yt toikuap i. Miꞌi ti aikotã muap ẽpe upiat iãꞌỹi ewy topyhuꞌat katupono miꞌi ti karãpe yt nakuap i putꞌok e raꞌyn hawyi toihep taꞌyn ipyꞌa pyi iãꞌỹi hap ewy e.


Maꞌato mekewat yi wyti topyhuꞌat miitꞌin mesuwiaria. Maꞌato iãꞌỹi wakuat koꞌi wyti miitꞌin Tupana miꞌairo koꞌi maꞌato mekewat iꞌanam wyti yt naku i sese nug haria.


Uiwyriaꞌin karãpe watomohey Iesui hawyi Tupana ainug tosaꞌyruꞌin tosakiꞌytꞌin wo. Miꞌi hawyi imepytꞌin koꞌi wo watopyhuꞌat. Miꞌi hawyi Aiꞌywot ewy watoineꞌen yt kat i saꞌag yt kat i yt naku i hap watunug neran. Aheko yt watunug neran i poꞌog aiminug saꞌag koꞌi saꞌawyꞌi wuat aheko saꞌag koꞌi katupono Tupana ainug tomepytꞌin no Tosaꞌyru Paꞌãu wo aipytꞌatnug hawyi. Koitywy ahowapy kahato Tupana Paꞌãu wywo. Miꞌi hawyi Tupana eiam mo kahato watoineꞌen. Miꞌi hawyi karãpe ahiag ahãꞌãg neran kat saꞌag kat saꞌag nug hamo miꞌi hawyi Tupana Paꞌãu aiꞌauka kahato ainapin kahato aihep ahiag aimaꞌatꞌi maꞌatꞌi hap po pyi. Miꞌi hawyi yt kat i ahewaure ahiag ahãꞌãg hap kape -Yt reiꞌo yt reiꞌo watoꞌe ahiag me.


Yt uruwaure teiꞌo En uruiꞌiãꞌãg hap tet pupi maꞌato urukawiatno to En yt naku i hap kaipyi. Katupono En wyti uruporekuat koro. Ewat esaika hap wyti wuatꞌi eꞌat piatnuat waku.


Miꞌi pote worohoꞌonapin neran kahato uimiwan me uiꞌywotꞌin. Eipe ti wuatꞌi nug hap eꞌyian note wuat ieineꞌen haria ti eipe. Tupana kuap kahato haria eipe. Iꞌewyte miꞌi pote worohoꞌonapin uimiwan me kurumꞌin makuptiaria katupono wuatꞌi saꞌag kaꞌiwat akit haria ti eipe ahiag akit haria. Miꞌi pote worohoꞌonapin uimiwan me.


Saꞌawyꞌi sese toineꞌen Kaĩ e hap het rakat. Miꞌi yt ikyꞌe hin i toꞌywyt. Toiꞌauka neꞌi. Miꞌi pote yt naku i watoineꞌen Kaĩ minug ewy neꞌi.


Papai etiꞌatuꞌywyk o uhemiitꞌin yt aimohey i haria pyꞌasetpyi yt are i ahẽtup epe. Maꞌato etiꞌatuꞌywyk o uimohey reꞌym haria porekuat ahiag po pyi uhemiitꞌin are ahẽtup Papai.


Kat pote ti aipyꞌa pyi tuwẽtem wanetup saꞌag hap kaipyi. Miit auka hap iꞌewyte yt weꞌeg i hap hawyi yt naku i eiminug eipiit iraniaꞌin wywuat hap etiat rakat. Iꞌewyte sereꞌokꞌe hat Iꞌewyte heso rakaria iꞌewyte ihay tupap kahato rakaria.


Yt naku i eweiꞌe yt atunug uiꞌe hap pote aru waku uiꞌasap ikytsig toineꞌen e yt pote iꞌewyte hun toineꞌen e. Maꞌato yt uwe i miꞌi nug kuap.


Suraraꞌin topag taꞌatupo ete iheg nakat moryꞌa aria kawiat pupiat. Moryꞌa pupiat suraraꞌin topag toꞌoꞌog me hap ewy. Miꞌi ewy Tupana miium ahepiat tomohey hamuat waku aipo pe yne eꞌat pe ahiag poryꞌa sem sopo hamo. Waku watomohey aat kaꞌap aikuꞌuro hap kape. Mekewat saꞌag nug hat ahiag ahewanikap kahato. Miꞌi aiꞌawaꞌawa surara ewy ihay saꞌag moryꞌa ewy aiꞌawaꞌawa surara poryꞌa wuat hap ewy maꞌato yt putꞌok e i ahete katupono suraraꞌin ewy aheꞌog iheg nakat aipo pe Iesui mohey pote yt putꞌok iꞌatuꞌe i ahete.


Swiv nou:

Piblisite


Piblisite