Mateu 5:25 - Sateré-Mawé

²⁵ Miꞌi hawyi Iesui toꞌe i yityꞌok totiaria pe -Uiwyriaꞌin e karãpe wẽtup ok ekuasa hawyi ereto morekuat kape pywo sio yt kuap hamo pote muap upi waku etunug naꞌyn ipyꞌahak takat ewyꞌok wo i raꞌyn e maꞌato yt etimowese i yian mete pote yt naku i aru topyhuꞌat eete e katupono ewanikap aru eium morekuat pe yt naku i nug hat en moherep hamo. Yt naku i en e morekuat pote epag aru suraraꞌin akag po pe raꞌyn epyhik woꞌopyhik hawiat wuatꞌi eꞌat pe hamo e.

Mateu 5:25 Referans Kwoze

Epereu 3:13

Uiꞌywania waku watopyhuꞌat aito woꞌokyꞌe haria wo katupono mesup taꞌyn watoꞌopowyro kuap. Waku mesup taꞌyn watoꞌopowyro aipyꞌa heg Tupana kapiat hap monik hamo. Waku watoꞌokyꞌe mesup taꞌyn mesup te katupono yt watikuap i sio toineꞌen mukiꞌite aiwatnuat sio yt hap. Saꞌag nug hap aheko aimaꞌat kahato hap topyhuꞌat wuatꞌi eꞌat pe e. Waku woꞌokyꞌe haria wo watopyhuꞌat. Mukiꞌite putꞌok e pote waku yn miꞌi tã hap nug haria wo watukupteꞌen hawyi mukiꞌite eꞌihatꞌok waku woꞌokyꞌe haria wo teꞌen teꞌen watopyhuꞌat wuatꞌi eꞌat pe mesuwat ewy. Yt pote woꞌomaꞌatꞌi haria wo watopyhuꞌat.

Epereu 3:7

Koitywy Tupana Paꞌãu Wakuat aimuꞌe kahato mio tã e -Karãpe Tupana ihay ewywo turan o yt ehewãꞌãhik teiꞌo ehewaure kaꞌa e.

Epereu 12:17

Miꞌi tuwemoꞌok kahato mekewat miꞌu puꞌimoĩ wo. Maꞌato meiũran Esaꞌu tikyꞌesat i raꞌyn Tupana piat topoityro hap. Toikyꞌesat kahato Tupana miꞌairo toꞌywot Isaki saipepiatno hap. Miꞌi hawyi toikat hãpyk kahato toꞌywot e hap -Papai etum i ro uhepe Tupana miium epowatꞌyp e towak popuo. Maꞌato iꞌywot Isaki -Yt rat e yt atum kuap i ewowi uhaꞌyru e -Papai papai etum i ro etum i ro uhepe epowatꞌyp e towak popuo wen maꞌato yt tutum kuap i tutum naꞌyn tosaꞌyru Iako pe Esaꞌu eꞌywyt pe pote. Yt naku i aito Esaꞌu ewywuaria watopyhuꞌat e.

2 Kuriniu 6:2

Mio tã e saꞌawyꞌi Tupana ahepe -Koran naꞌyn wyti worohoꞌoehakyeraꞌat teran e. Mesup eꞌat raꞌyn atikyꞌesat ehehakyeraꞌat e. Worohoꞌokuap eipe ehepiat uikay kay hap eꞌyian mete e. Worohoꞌokyꞌesat eipe ehepiat hoꞌopot hap eꞌat pe e Tupana ahepe mesup taꞌyn miwan me Isaia 49.8 pe.

Mateu 26:58

Peteru toto hewatꞌypmo wen maꞌato pya iꞌatukai yt heremo i. Miꞌi hawyi putꞌok e mekewat paꞌi wato yat ete hawyi tokosap iꞌyat pyhyp hap surara eꞌokenꞌypy kape. Miꞌi hawyi taꞌapyk itote paꞌi kororia emiitꞌin ywytpe. Taꞌakasa teran aikotã taꞌatunug Iesui ete hap kape.

Iruka 18:3

Iꞌewyte hiwu toineꞌen wy mekewat tawa tote. Miꞌi ti putꞌok e mekewat miit aikotã waku e hat kape. Toikyꞌesat kahato topowyro hap. Waku uimaꞌat haria emiꞌapiheg haria wo teꞌeropyhuꞌat e tope.