Mateu 3:5 - Sateré-Mawé

⁵ Mekewat eꞌat pe tuwat kahato miitꞌin Ierusarẽi miaria Iuta totiaria. Iꞌewyte wuatꞌi tawa hit upiaria Iutãu hy popy etiaria Iuwãu ehay kapiat teꞌerewanetup hamo.

Mateu 3:5 Referans Kwoze

Maku 1:5

Miꞌi hawyi miitꞌin tawa Ierusarẽi kaipywiaria yi Iuteu kaipywiaria tõꞌẽ tõꞌẽ yahig kape Iuwãu mienoi kuap hamo. Miꞌi hawyi ti õꞌẽ haria henoi raꞌyn wuatꞌi aikotã taꞌatunug yt naku i hap koꞌi toꞌope. Waku hawyi Iuwãu tiꞌatusetꞌok Iutãu hy pe.

Iuwãu 5:35

Taꞌi saꞌawyꞌi Iuwãu mienoi uhetiat ariãty ewy hẽtyhot yne e. Haꞌawyte ran eweikupteꞌen Iuwãu ehay upi ihay se kahato eweiꞌe saꞌawyꞌi.

Iuwãu 3:23

Miꞌi turan woꞌosetꞌok hat Iuwãu tiꞌatusetꞌok miitꞌin tawa hit Enũ pe yt pya hin i tawa Sarim kai katupono toineꞌen yꞌy iwato rakat itote. Miꞌi kape tõꞌẽ tõꞌẽ miitꞌin Iuwãu kape teꞌeruwesetꞌok yꞌy piat hamo.

Iruka 16:16

Saꞌawyꞌi Muisei miwan iꞌewyte yne Tupana ehay moherep haria toineꞌen miitꞌin muꞌe hamuat hap. Miꞌi hawyi Iuwãu putꞌok e hawyi tohenoi raꞌyn aikotã wyti aru Tupana topyhuꞌat morekuatno hap etiat. Miꞌi hawyi miitꞌin tuwehytꞌok teran kahato aikope Tupana toineꞌen morekuatno hap tote.

Iruka 3:7

Miꞌi turan miitꞌin sem tuwat kahato raꞌyn Iuwãu kape teꞌeresetꞌok hamo. Maꞌato toꞌe torannia pe -Eiperia ti moĩ iãi hy woꞌoꞌauka hap ewywuaria maꞌato eweikyꞌesat eiwemig Tupana saiwot hap eiꞌapiheg hap pupi pote.

Mateu 4:25

Miꞌi hawyi miitꞌin sem tuwat tuwat hupi aikopuo aikopuo hewyry hap upi yi Karireia kaipywiaria tawa wato Ierusarẽi kaipywiaria mekewat Iutãu hy sakpuaria mekewat 10 tawa koꞌi kaipywiaria tuwat hupi. Iꞌewyte yi Iuteu kaipywiaria tuwat tuwat Iesui upi.

Mateu 2:1

Aipotypot Iesui ti tuwemoherep taꞌyn mesuwe mekewat tawa hit Perẽi yi Iuteu pe karãpe Eroti toineꞌen morekuatno itotiat turan. Miꞌi hap eꞌat pe waikiru etiat wemuꞌe haria tõꞌẽ tõꞌẽ taꞌatueꞌyi Urienti kaipywiaria tawa Ierusarẽi kape aikope pyi aat wẽtem hap kaipyi.

Iruka 3:3

Miꞌi hawyi meremo tuweꞌysakpo raꞌyn Iutãu hy sakpo. Itote tohenoi kahato raꞌyn Tupana ehay wesetꞌok hap ete. Iꞌewyte iꞌatuminug saꞌag kaipywiat iꞌatuꞌaipok hamuat ete.