Mateu 28:5 - Sateré-Mawé

⁵ Miꞌi pote toꞌe Tupana mipoꞌoro Mariaꞌin me -Yt eweikenꞌẽ teiꞌo e. Worohoꞌokuap eipe Iesui piit kat haria ariaꞌyp posak etiat miꞌauka kat haria ti eipe e.

Mateu 28:5 Referans Kwoze

Epereu 1:14

Pyno ahenoi ehepe mio tã e Tupana atipy piaria pe. Taꞌi mio tã e teropat haria pe -Eipe uheropat haria e. Maꞌãu kawiat eipe e. Eipe ti uimiehakyeraꞌat haria yi totiaria powyro hanuaria e. Miꞌi nug hamo worohoꞌopoꞌoro e. Uhaꞌyruꞌin uhakiꞌytꞌin uimohey haria powyro hanuaria wo worohoꞌonug eipe e. Iꞌewyte yt uimohey i te haria powyro imohey hap etiat haria wo worohoꞌonug eipe e Tupana saꞌawyꞌi te miwan me atipy piaria pe. Pyno koitywy watikuap taꞌyn poꞌog Haꞌyru atipy piaria teropat haria kawiat hap.

Iruka 24:5

Miꞌi hawyi haryporiaꞌin iꞌatupupi teꞌerokenꞌẽ kahato hawyi yi kape neꞌi hewo genꞌẽ pono. Miꞌi hawyi wemoherep haria atipy kaipywiaria teꞌeroꞌe iꞌatuepe -Kat pote ieineꞌen hat eweikat woꞌosyp hawe map haria pyꞌasetpe apo iꞌatuꞌe.

Iruka 1:30

Miꞌi hawyi Tupana emiit poꞌog toꞌe tope -Yt erekenꞌẽ teiꞌo Maria e katupono Tupana ti tuwehum kahato ewowi e.

Maku 16:6

Miꞌi hawyi toꞌe iꞌatuepe -Yt gyt eweiꞌe teiꞌo e. Atikuap kat pe eweĩꞌẽ. Iesui tawa Nasare piat kape eweĩꞌẽ e. Ariaꞌyp posak etiat miꞌauka kape eweĩꞌẽ meikowo e. Yt uwe i raꞌyn Iesui meiũpe hyp hawe e. Katupono toineꞌen i raꞌyn guꞌuro pyi e. Ewehaꞌat ro aikope ipag hap kape e.

Mateu 28:10

-Manaꞌin yt eweikenꞌẽ teiꞌo e maꞌato eweiwat ro uiwyriaꞌin eikywytꞌin me henoi hamo -Waku eweiꞌaipok aheꞌyi Karireia kape iraꞌyn. Miꞌi tote watoꞌopuẽti e. Waku uiꞌe hap ewy eweiꞌe ewehenoi uhemiitꞌin me. Miꞌi hawyi tuwat i ikohyeput i raꞌyn taꞌatuhenoi hamo.

Mateu 14:27

Miꞌi turan Iesui tiwẽpowat iꞌatuewowi -Yt eweikenꞌẽ teiꞌo uipupi uito rat e.

Mateu 28:4

Miꞌi pote suraraꞌin itotiaria teꞌerokenꞌẽ kahato ipupi toꞌotyryꞌi kahato ipupi genꞌẽ pono. Miꞌi hawyi hewo yi upi map haria ewy.

Iesui Potmuꞌeria 2:24

Taꞌi uiꞌe hap ewy Tupana tihep taꞌyn guꞌuro po pyi urukaꞌiwat. Toineꞌen i raꞌyn uiwyriaꞌin e. Yt ipohepap i guꞌuro ete e. Yt guꞌuro tipyhyp kuap i urupotypot e. Iesui poꞌog hesaika guꞌuro kai pote meremo guꞌuro ipohep Iesui ete pyi e.