Mateu 27:50 - Sateré-Mawé

⁵⁰ Miꞌi hawyi Iesui kak e tokuꞌuro haype hawyi ipyhu tekꞌe raꞌyn hawyi ikuꞌuro sese raꞌyn. Tutum naꞌyn toieineꞌen hap.

Mateu 27:50 Referans Kwoze

Iuwãu 19:30

Miꞌi toihysym hawyi toꞌe haty wo -Uiꞌywot e atunug yne raꞌyn uipoꞌoro epiat hap e. Ikahu raꞌyn miitꞌin ehakyeraꞌat hap e. Waku raꞌyn e hawyi ipyhu tekꞌe raꞌyn ikuꞌuro sese raꞌyn. Tutum naꞌyn teha piat Tupana pe.

Iruka 23:46

Miꞌi hawyi ariaꞌyp posak pyi Iesui toꞌe tehay pirik wo Tupana pe -Papai e epo pe raꞌyn atoiat Uipaꞌãu e. Mio tã toꞌe ipyhu tek taꞌyn hawyi ikuꞌuro raꞌyn.

Epereu 9:14

Maꞌato Aikaꞌiwat Iesui suu poꞌog hesaika yn suu kai mohag wo. Saꞌawyꞌi Aikaꞌiwat tum yne topiit Tupana pe ahaꞌup mo. Saꞌawyꞌi ikahu rakat aihũ yn waku aimiium mo yt kat i hatek takat yt kat i iꞌahuu hap rakat. Ipe kyt hap ihãite sese rakat yn ni waku e. Miꞌi hap ewy Iesui poꞌog waku mohag wo katupono yt kat i saꞌag tuete Tupana tipuẽti. Ihãite putꞌok e kahato turan tutum topiit. Pyno koitywy watomohey Iesui hawyi Aihũ Aimiium Tupana piat hap ewy topyhuꞌat. Miꞌi watum Tupana pe hawyi yt kat i hin i aheha yi kape hap. Yt kat i aiwemoti hap aiminug saꞌag kapiat hap ete. Aihũ Aimiium Ikahu Rakat Iesui pote.

Maku 15:37

Miꞌi hawyi Iesui kak e haty wo hawyi ipyhu tekꞌe raꞌyn ikuꞌuro sese raꞌyn.

Mateu 20:28

Uito Eheykeꞌet wuatꞌi miitꞌin eropat hat kahato areineꞌen wuatꞌi miitꞌin powyro hat e. Uito Eiporekuat koro areineꞌen wen maꞌato yt iraniaꞌin morekuaria ewywuat i. Iꞌewyte atum irane uheineꞌen hap saꞌup miitꞌin kyiꞌat Tupana watnuat hamo e Iesui topotmuꞌeria pe.

Iuwãu 10:15

Aikotã Uiꞌywot uikuap kahato hat toineꞌen. Iꞌewyte Uito Uiꞌywot kuap hat areineꞌen. Miꞌi hap ewy uihũria kyꞌe kahato hat areineꞌen pote uiꞌauka hamuat iꞌatuehakyeraꞌat hamo e.

Iuwãu 10:11

Uito areineꞌen uimohey haria apykok hat. Uito atiꞌatuꞌapykok kahato uihũria iꞌatukyꞌe haype e. Miꞌi pote uiꞌauka hamuat iꞌatuehakyeraꞌat hamo.

Epereu 2:14

Pyno aito miit kawiat maꞌato -Uhaꞌyruꞌin uhakiꞌytꞌin eipe e Tupana ahepe Tosaꞌyru mohey haria pe mesup. Miit puꞌi kawiat kahato Iesui piit maꞌato yt karãpe i tutunug yt naku i. Ikuꞌuro aikawiatno hare pote tuwenug miit no iꞌewyte wẽtup piit ewy iwywo watopyhuꞌat watimohey hawyi e. Wẽtup suu ewy kahato iwywo aito iꞌewyte aihep taꞌyn ahiag po pyi tutuꞌu yne aikuꞌuro hap hawyi. Saꞌawyꞌi ahiag aimokenꞌẽ kahato aikuꞌuro hamo maꞌato mesup Iesui tihep taꞌyn mekewat aimokenꞌẽ hap.

Mateu 27:49

-Waku wahekatup mio apuru tuut Eria ipowyro hamo sio yt iꞌatuꞌe.

Iuwãu 19:29

Miꞌi hawyi Iesui tikuap taꞌyn yne toꞌywot e hap ewy raꞌyn ariaꞌyp posak ete toiꞌauka hamo. Miꞌi hawyi toꞌe -areꞌyꞌu teran e. Toineꞌen Uwa sapo hy haiug nakat kuiꞌa pe. Miꞌi rẽ taꞌatupoꞌi pina wyꞌyp ãpy ete amukiusu ap ewywuat ete. Miꞌi rakirẽ taꞌatupehik Iesui wẽ ete.

Epereu 5:7

Miꞌi hawyi mesuwat yi totiat toineꞌen turan Iesui ihay Tupana kape tuwak popuo tepiat hatyꞌu hap wywo tohẽtup hẽtup tehay wo -Papai Papai e uihep En guꞌuro po pyi e uikuꞌuro hap kaipyi uihep o En guꞌuro po pyi e haty wo. Miꞌi hawyi Tupana tiwesat -Pywo Uhaꞌyru atunug aru eꞌe hap ewy e. Worohep En guꞌuro pyi e Uimotypot kahato hat En mote e uimikyꞌesat ewy neꞌi ekuꞌuro pote e. Eremohit kahato miꞌi pote woromotypot Uhaꞌyru e. Emiẽtup oktan worohep En guꞌuro pyi e.