Mateu 27:42 - Sateré-Mawé

⁴² -Iraniaꞌin ti toiꞌatuehakyeraꞌat kuap iꞌatuꞌe maꞌato tuwewi ti yt tuwehakyeraꞌat kuap hin i iꞌatuꞌe. Maꞌato iraniaꞌin teꞌeroꞌe -Pywuat eꞌapyk ariaꞌyp posak tote pywiat pote ti ren meremo pywo rasig Isareu ywania Porekuat nuat watoꞌe iꞌatuꞌe.

Mateu 27:42 Referans Kwoze

Iuwãu 1:49

Miꞌi pote Natanaeu toꞌe Iesui pe -Woꞌomuꞌe hat pywo En ni Tupana Saꞌyru sese are. En ni Isareu ywania Porekuat koro e.

Mateu 27:37

Miꞌi hawyi taꞌatumiwan taꞌatupehik Iesui apy tote ikuasa haria ehay wywuat -Meiũ ti Iesui Aiporekuat koro. Meiũ ti Iesui Iuteuria Porekuat koro e hap.

Iesui Potmuꞌeria 4:14

Miꞌi hawyi itotiaria teꞌerahaꞌat kahato ipy pakup takat yꞌam miat Iuwãu Peteru pyꞌasetpiat kape hawyi teꞌeruwanetup kahato taꞌatupyꞌa pe hawyi yt kat iꞌatuꞌe kuap i -Wakuap yn taꞌatunug mote aikotã watiꞌatuꞌapiheg miꞌiria iꞌatuꞌe taꞌatuwanetup hawe.

Iuwãu 12:47

Atiꞌatuehakyeraꞌat teran kahato mesuwat yi totiaria. Miꞌi hamo yn ariot meikowo maꞌato tukupteꞌen mesuwe uimienoi pun haria e. Taꞌi uimienoi taꞌatukuap maꞌato yt taꞌatunug neran i. Maꞌato yt ahoꞌosatyꞌi satyꞌi teran i miꞌiria katupono iꞌatuehakyeraꞌat hamo yn uipoꞌoro e.

Iuwãu 12:13

Miꞌi hawyi typyꞌi raꞌyn tuwat Iesui ewowi. Miꞌiria tuwat Pinawa yhop taꞌatupo piat wywo Iesui kape. Miꞌi wywo iꞌatuehay wepiit kahato -Waku ti En iꞌatuꞌe. En ni Tupana Mipoꞌoro aiꞌywania Porekuat iꞌatuꞌe. Tupana Mipoityro poꞌog waku torannia kawiat hat aiꞌywania Porekuat nuat iꞌatuꞌe.

Iuwãu 9:24

Miꞌi hawyi taꞌatukay kay i raꞌyn mekewat Iesui mimoehãite iha pakup takat taꞌatuwewowi teꞌeroꞌe hamo -Pyno Tupana ehamo hãpyk to ehenoi uruepe katupono uruikuap ti mekewat miit emoehãite hat yt nakuat i iꞌatuꞌe.

Iruka 19:38

-Waku kahato En Tupana iꞌatuꞌe. Waku kahato Emiꞌairo uruporekuat nuat iꞌatuꞌe taꞌatuehay pirik wo. Woꞌowese hap kahato raꞌyn atipy piat pe toineꞌen. Wakuat kahato Tupana toẽtyhot popuo iꞌatuꞌe.

Mateu 2:2

Miꞌi hawyi putꞌok iꞌatuꞌe tawa wato Ierusarẽi note hawyi -Aikope som hirokat Aiporekuat pakup muat iꞌywaĩꞌĩ iꞌatuꞌe itotiaria pe. Aikope som tuweꞌywãꞌĩ eiꞌywania Iuteu ywania Potypot pakup iꞌatuꞌe. Katupono haꞌawyte raꞌyn urutaꞌakasa aat wẽtem hap kaipyi hewaikiru iꞌywaĩꞌĩ hap enoi hap urueꞌyi tote iꞌatuꞌe. Miꞌi pote urutõꞌẽ meikowo hewaikiru upi imotypot hamuat iꞌatuꞌe.

Mateu 27:40

-Erehakyeraꞌat ro erehakyeraꞌat ro meiẽpe pyi iꞌatuꞌe. Tupana motypot yat atomoma hawyi atunug myẽꞌym eꞌat yn e hat meiẽ iꞌatuꞌe. Pywuat Tupana Saꞌyru sese pote ti aru eraꞌapyk meiẽpe pyi ewewi ariaꞌyp posak pyi iꞌatuꞌe.

Mateu 27:41

Iꞌewyte paꞌi kororia nagnia ehay enoi haria teꞌeruwemokoꞌi mokoꞌi hewowi.

Maku 15:31

Iꞌewyte paꞌi watoria miwan enoi haria toꞌokyryꞌi tuete -Taꞌi iraniaꞌin ni toiꞌatuehakyeraꞌat kuap maꞌato tuwewi ti yt tuwehakyeraꞌat kuap hin i iꞌatuꞌe.

Maku 15:32

Miꞌi hawyi teꞌeroꞌe taꞌatuehay mikyryꞌi hap wywo Iesui pe -Pyno En Tupana Mipoꞌoro Aiporekuat nuat pote waku eraꞌapyk to ariaꞌyp posak tote pyi iꞌatuꞌe. Taꞌi eꞌapyk hap ariaꞌyp posak pyi urutaꞌakasa pote ti aru uruimohey raꞌyn En yt pote yt iꞌatuꞌe Iesui pe imoweukaꞌi haype. Miꞌi hawyi iꞌyatypiaria mipehik koꞌi teꞌeroꞌe yt naku i tope iraniaꞌin ehay ewy.

Iruka 23:35

Miꞌi hawyi iraniaꞌin teꞌerahaꞌat aat Iesui ewowi. Miꞌi hawyi toꞌywania Iuteuria ywania iꞌatuehay saꞌag kahato Iesui ete -Taꞌi iraniaꞌin toiꞌatuehakyeraꞌat kuap wen maꞌato yt hesaika hin i tuwehakyeraꞌat hamo iꞌatuꞌe. Miꞌi hawyi iꞌatuꞌe Iesui pe -Pywo pe ti En Tupana Mipoꞌoro uruporekuat nuat pote waku ewewi erehakyeraꞌat hawyi erehep to eꞌariaꞌyp posak pyi iꞌatuꞌe.

Iruka 23:37

Miꞌi hawyi -Pyno En aiꞌywania porekuat pote erehakyeraꞌat ro iꞌatuꞌe tope suraraꞌin.