Mateu 27:24 - Sateré-Mawé

²⁴ Miꞌi hawyi Piratu tuwanetup hawe toꞌe -Tuꞌuka irane apo paĩ e. Miꞌi hawyi morekuat toꞌe temiitꞌin me -Eweheꞌerut yꞌy uiweposei miitꞌin ehamuat hamo e. Taꞌatuheꞌerut hawyi tuweposei wuatꞌi miitꞌin ehamo. Tuweposei haype toꞌe -Areposei meiũ meiũwat Miit wakuat auka hap suu yt atikyꞌesat i uipo ete pote e. Iꞌauka hap eipo piat toineꞌen e.

Mateu 27:24 Referans Kwoze

Mateu 27:4

Taꞌi atiꞌaparap kahato ti uito. Atum Uikaꞌiwat ehepe yt kat upiat hin i iꞌaparap hat atiweneru e. Miꞌi hawyi taꞌatuwesat Iuta -Pyno koitywy yt urutuwanetup teran hin i raꞌyn ti eminug kape iꞌatuꞌe. Eminug saꞌag ni epe topyhuꞌat uhyt iꞌatuꞌe.

2 Kuriniu 5:21

Aikaꞌiwat Iesui yt karãpe i inug saꞌag watoꞌe. -Taꞌi Uhaꞌyru waku sakpo e Tupana. Maꞌato miꞌi pykai Tupana tiꞌapiheg aiminug saꞌag upi. Aiminug saꞌag yne iꞌokpe tote toineꞌen kahato iꞌauka hap. Miꞌi hawyi Iesui topyhuꞌat yt naku i nug hat ewy aiminug saꞌag topiit tote hawyi. Yt towat tominug saꞌag hap upi Tupana tiꞌapiheg Iesui maꞌato aiwat aiminug saꞌag upi tohoꞌopot kahato. Miꞌi watomohey hawyi Tupana ainug wakuat sese rakaria Tosaꞌyru suu aikoho hawyi. Tosaꞌyru ewaku hap totopag ahepe. Waku pe watoineꞌen Tupana wanetup hawe watoꞌe wuatꞌi ywania pe aikope aikope aipoꞌoro hap upi Tosaꞌyru haipepiatno.

1 Peteru 3:18

Saꞌawyꞌi Aipotypot Aiporekuat Iesui miitꞌin mikyryꞌi hamo topyhuꞌat mesuwarote aikotã aikotã taꞌatunug saꞌag tuwete waku rakat pykai taꞌatuꞌauka. Maꞌato yt kat i saꞌag tutunug pykai tohoꞌopot kahato. Maꞌato aiminug saꞌag upi tohoꞌopot. Iesui hãpyk kahato rakat maꞌato ikuꞌuro yt hãpyk i rakaria mohãpyk hamo. Ikuꞌuro muap nug hamo Toꞌywot Tupana kapiat muap nug hamuat. Koitywy toineꞌen muap Tupana kapiat Iesui hoꞌopot hap kaipyi. Yt hãpyk i sese rakat toimohãpyk kuap taꞌyn. Pyno ipiit ikuꞌuro ariaꞌyp posak ete maꞌato miꞌi hawyi Tupana Paꞌãu timoieineꞌen Aikaꞌiwat.

Mateu 26:5

Maꞌato yt naku i som watopytyk ahenuk koro hap eꞌat pe iꞌatuꞌe. Katupono mio tã watunug pote miitꞌin iꞌatupyꞌahak taꞌyn teꞌeropyhuꞌat tukupteꞌen ikyꞌe haria miitꞌin pyꞌasetpe.

Iesui Potmuꞌeria 3:14

-Wakuat sese Uito Tupana ewywuat e Iesui wen maꞌato miꞌi pykai -Yt kan hamo i Iesui eweiꞌe. Miꞌi hawyi woꞌoꞌauka hat Parapa eweikyꞌesat poꞌog Iesui kai. -Yt etiꞌauka teiꞌo Parapa eweiꞌe itote maꞌato mekewat poꞌog poꞌog wakuat wuatꞌi kawiat rakat Iesui pe ti -Etiꞌauka ro etiꞌauka ro Miꞌi Miit eweiꞌe saꞌag Piratu pe e. -Yt naku i kahato wyti watiꞌauka raꞌyn Iesui e Piratu pykai -Etiꞌauka ro etiꞌauka ro Miꞌi Miit eweiꞌe ti raꞌyn itote eipe. Yt naku i kahato eiminug saꞌag e Peteru.

Iuwãu 19:4

Miꞌi hawyi Piratu tuwẽtem tioto toꞌyat pyi ipainug sokpe hupi wuat rẽ mekewat amãtap hehu rakat wywo hawyi -Ewehehaꞌat ro Miꞌi Miit kape e. Pywo ti rat yt kat i iminug saꞌag atipuẽti e. Yt kat i i.

Mateu 27:54

Iesui ikuꞌuro turan wẽtup ok suraraꞌin akag tesuraraꞌin nywo teꞌeraꞌakasa yne aikotã aikotã ikuꞌuro hap kape yi tyryꞌe hap kape. Miꞌi hawyi teꞌerokenꞌẽ kahato hawyi teꞌeroꞌe -Taꞌi meiũ ti Tupana Saꞌyru sese iꞌatuꞌe.

Mateu 27:9

Pyno aikotã Tupana ehay enoi saꞌawyꞌi wuat hat Ieremia toꞌe hap ewy -Meiũran ti aru ipiit saꞌup taꞌatukat karania upi iꞌauka hap saꞌup hawyi 30 ape waku iꞌatuꞌe ti aru Isareu ywaniaria e.

Mateu 27:19

Miꞌi hawyi Piratu taꞌapyk teꞌamyap tote aikope morekuaria toꞌe hap miitꞌin wakuat sio yt hap kuap hap tote. Miꞌi turan iharyꞌi tuwehay poꞌoro teꞌaito kape -Yt etunug saꞌag neiꞌo mekewat Iesui wakuat ete toꞌe hap. Ahatyꞌu kahato uimuꞌetu wuat miꞌi hap e. Pyno uheꞌaito epohep to merep Miꞌi Miit ete e.

Mateu 27:23

Mio tã iꞌatuꞌe pote -Kat hamo kat iminug saꞌag poꞌypyi ten atiꞌauka e morekuat. Miꞌi hawyi taꞌatuehay haty wo -Erehay ium no epiat iꞌauka ariaꞌyp posak etiat hap iꞌatuꞌe.

Iuwãu 13:9

-Pyno Uikaꞌiwat yt uipy yn i ro etikoho maꞌato uipo uhowa etikoho ro wy e.