Mateu 27:15 - Sateré-Mawé

¹⁵ Pyno yne anu pe mekewat ienuk wato hap turan morekuat tiporenotem wẽtup ok woꞌopyhik hawyi miitꞌin mowepiit hamo taꞌatumikyꞌesat ewy.

Mateu 27:15 Referans Kwoze

Iesui Potmuꞌeria 25:9

Miꞌi hawyi morekuat Posiu Wetu topyhuꞌat teran Iuteuria upi. Toikyꞌesat kahato itotiaria towyriaꞌin wo hap toikyꞌesat kahato tuwemowato hap iꞌatuwanetup hawe. Miꞌi haype toꞌe Pauru pe -Uhyt Pauru e en apo epotꞌam neran Ierusarẽi kape. Itote wyti aru areꞌe epe sio en waku sio en yt naku i hap ete e morekuat Wetu Pauru pe.

Iesui Potmuꞌeria 24:27

Typy anu tokosap rakirẽ morekuat Posiu Wetu e hap het rakat topyhuꞌat morekuat Werisi saipe piatno. Miꞌi hawyi morekuat Werisi toto raꞌyn maꞌato totiat Pauru iheg me katupono toikyꞌesat tokyꞌe kahato Iuteuria piat hap poꞌog poꞌog tokyꞌe Tupana piat hap kai.

Iuwãu 19:16

Miꞌi hawyi Piratu toꞌe tesuraraꞌin me -Pyno eipo pe raꞌyn Iesui iꞌauka ehepiat hamo e. Miꞌi hawyi suraraꞌin tioto raꞌyn Iesui iꞌauka hamo.

Iruka 23:16

Pyno waku watipok pok haity hehu kahato rakat wywo hawyi waku atiporenotem naꞌyn Iesui e Piratu iꞌatuepe.

Mateu 26:5

Maꞌato yt naku i som watopytyk ahenuk koro hap eꞌat pe iꞌatuꞌe. Katupono mio tã watunug pote miitꞌin iꞌatupyꞌahak taꞌyn teꞌeropyhuꞌat tukupteꞌen ikyꞌe haria miitꞌin pyꞌasetpe.

Mateu 27:16

Mekewat eꞌat pe toineꞌen woꞌopyhik hawe yt nakuat i sese rakat Parapa e hap.

Iruka 23:17

Mio tã toꞌe katupono yne anu pe ienuk hap iwato rakat eꞌat pe wẽtup ok saꞌawyꞌi morekuat mipyhik koꞌi Piratu tiporenotem naꞌyn tomipyhik woꞌopyhyp hap pyi.

Iruka 23:18

Maꞌato itotiaria paꞌi kororia emiitꞌin iꞌatuehay kahato taꞌatuehay pirik wo -Etiꞌauka ro etiꞌauka ro Iesui hawyi waku wẽtup ok mekewat Parapa etiporenotem woꞌopyhik hap wyi iꞌatuꞌe.

Iuwãu 18:16

Maꞌato Peteru yt teke i. Toineꞌen kokawiat heꞌokenꞌypyke neꞌi. Miꞌi hawyi mekewat paꞌi wato kuap hat Iuwãu e het rakat toto eꞌokenꞌypy apykok hat piꞌã kape -Waku meiũwat miit teke ere ro suraraꞌin me toꞌe piꞌã piat hamo.