Mateu 26:63 - Sateré-Mawé

⁶³ Maꞌato yt kat e hin i. Miꞌi hawyi paꞌi koro toꞌe i -Ehenoi ro Tupana Saꞌyru En hap Miitꞌin Porekuat nuat hap sio apo yt e.

Mateu 26:63 Referans Kwoze

Mateu 16:16

Mio tã e pote mekewat Simau e hap wẽtup het Peteru tiwesat -Taꞌi En wyti urukaꞌiwat Nesia e hap Tupana wuatꞌi eꞌat piat ieineꞌen hat Saꞌyru e.

Mateu 27:12

Miꞌi hawyi morekuat pe teꞌeroꞌe paꞌi kororia nagnia -Meiũ Miit yt naku i kahato rakat iꞌatuꞌe. Maꞌato Iesui yt tiꞌatuwesat hin i raꞌyn mio tã iꞌatuꞌe iꞌatueso tepiat pykai.

Iuwãu 20:31

Maꞌato kat koꞌi kat koꞌi atiwan mesuwat uimiwan me ahenoi kahato raꞌyn haty wo uipyꞌa pyi katupono atikyꞌesat kahato uimiwan kuap haria tukupteꞌen aru Iesui mohey haria. Atikyꞌesat kahato eweimohey Iesui ti Tupana Saꞌyru sese hap iꞌewyte atikyꞌesat ewetunug Iesui Eipotypot koro sese hap atikyꞌesat uimiwan etiat wemuꞌe haria. Eweimohey ro Iesui are uipyꞌa pyi. Pywo pe ti Iesui upiaria sese eweikupteꞌen pote waku pe eweikupteꞌen Tupana pya pe iꞌewyte wuatꞌi eꞌat piat eweikupteꞌen mesuwe iꞌewyte atipy pe are.

Iuwãu 19:9

Miꞌi hawyi putꞌok toꞌe toꞌyat piat hawyi toꞌe i raꞌyn Iesui pe -Aikope pyi pyno eriot Uhyt e Piratu maꞌato yt Iesui tiwesat hin i raꞌyn.

Iuwãu 19:7

Miꞌi hawyi Iuteu akag koꞌi tiwesat -Maꞌato uruwat urunapin hap ete ti toineꞌen kahato meiẽwat miit iꞌaparap hap iꞌatuꞌe katupono tuwenoi Tupana Saꞌyru Uito e. Miꞌi pote etipoꞌoro ro esuraraꞌin iꞌauka hamo iꞌatuꞌe.

Iuwãu 18:37

Mio tã e pote Piratu toꞌe -Pyno En ni Miitꞌin Potypot Koro sio yt e. -Taꞌi Mehin eꞌe hap ewy Morekuat nuat Tupana uipoꞌoro miꞌi hanuat areineꞌen mesuwe iꞌewyte miꞌi hamo aremoherep mesuwat yi tote e. Pywuat sakpo sehay enoi hamo ariot miitꞌin muꞌe hamo are. Miꞌi pote pywuat sese sehay kyꞌesat haria teꞌeruwanetup kahato uhehay pywuat kape e Iesui.

Iuwãu 10:36

Miꞌi tupono kat hamo uhatyꞌi hatyꞌi Uito Tupana saꞌyru areꞌe pote. Pywo Uiꞌywot uiꞌairo hawyi uipoꞌoro meikowo mesuwat mytyyp kape. Miꞌi pykai yt naku i kahato En eweiꞌe yt etimotypot i Tupana eweiꞌe uhepe.

Iuwãu 10:30

Uiꞌywot Uito ti wẽtup ok yn e Iesui.

Iuwãu 10:24

Miꞌi turan Iuteu ywania akagnia teꞌeruwaꞌatunug i raꞌyn Iesui kape iꞌauri wo apo iꞌatuꞌe hamo -Kat poteĩ yt heremo i ehay iꞌatuꞌe. Uruwesat ro uwe sese En iꞌatuꞌe katupono uruikuap teran ewẽ pyi Tupana Mipoꞌoro uruporekuat nuat apo En sio apo yt iꞌatuꞌe.

Iuwãu 8:25

-Uweĩ pyno en iꞌatuꞌe -Saꞌawyꞌi pyi te raꞌyn ahenoi ehepe uwe Uito hap e.

Iuwãu 6:69

Koitywy uruimohey raꞌyn En uruporekuat nuat Tupana Mipoꞌoro Tupana sese Saꞌyru En e. Worokuap taꞌyn En Uhyt e. Uruikuap En naꞌyn urupyꞌa pe e Peteru Iesui pe.

Iuwãu 1:49

Miꞌi pote Natanaeu toꞌe Iesui pe -Woꞌomuꞌe hat pywo En ni Tupana Saꞌyru sese are. En ni Isareu ywania Porekuat koro e.

Iuwãu 1:34

-Miꞌi kape ti uito araꞌakasa raꞌyn miꞌi tupono ahenoi hamuat ehepuo -Miꞌi miit ti Tupana saꞌyru sese raꞌyn are e woꞌosetꞌok hat Iuwãu iꞌatuepe.

Maku 14:61

Maꞌato ipoꞌinik neꞌi raꞌyn Iesui. Yt kat e i hawyi paꞌi akag i raꞌyn apo e tope -En apo Tupana Mipoꞌoro Miitꞌin Porekuat nuat sio yt e. En apo Tupana Wakuat Sese rakat Saꞌyru e.

Mateu 27:54

Iesui ikuꞌuro turan wẽtup ok suraraꞌin akag tesuraraꞌin nywo teꞌeraꞌakasa yne aikotã aikotã ikuꞌuro hap kape yi tyryꞌe hap kape. Miꞌi hawyi teꞌerokenꞌẽ kahato hawyi teꞌeroꞌe -Taꞌi meiũ ti Tupana Saꞌyru sese iꞌatuꞌe.

Mateu 27:43

Taꞌi heso kahato ti --Tupana atimohey e maꞌato pywo Tupana Saꞌyru pote ti ren tuut Tupana ariaꞌyp posak pywiat ihakyeraꞌat hamo iꞌatuꞌe taꞌatuehay mikyryꞌi hap.

Mateu 27:40

-Erehakyeraꞌat ro erehakyeraꞌat ro meiẽpe pyi iꞌatuꞌe. Tupana motypot yat atomoma hawyi atunug myẽꞌym eꞌat yn e hat meiẽ iꞌatuꞌe. Pywuat Tupana Saꞌyru sese pote ti aru eraꞌapyk meiẽpe pyi ewewi ariaꞌyp posak pyi iꞌatuꞌe.

Mateu 27:14

Maꞌato Iesui ipoꞌinik neꞌi. Yt kat e hin i toiꞌatuwesat mio tã e haria. Miꞌi hawyi morekuat tuwanetup kahato kat pote yt toiꞌatuwesat i hap kape.

1 Peteru 2:23

Taꞌatumohit kahato Aikaꞌiwat Iesui taꞌatuehay saꞌag wywo maꞌato yt kat i toiꞌatuwesat saꞌag. Yt toiꞌatupoepyk hin i saꞌag wywo. Taꞌatuꞌahyk ahyk Iesui turan hoꞌopot kahato tepiat turan yt kat e hin i iꞌatuepe -Meiũran worohoꞌoꞌahyk eipe yt e i maꞌato toꞌe Tupana pe -Atikuap Papai aikotã aru uhewaku hap etimoherep wuatꞌi ehamo. Ewẽ pyi yn waku uwe waku uwe yt enoi hamo. En yn etikuap e Iesui Toꞌywot pe.

Mateu 4:3

Miꞌi turan putꞌok e ahiag itote hãꞌãg hamo. Miꞌi hawyi toꞌe Iesui pe -Mehin e pywo Tupana Saꞌyru sese En mote etunug no meikowat nu koꞌi kawiat man emiꞌu wo e Iesui pe.

Mateu 26:62

Mio tã iꞌatuꞌe pote paꞌi koro ipoĩꞌam naꞌyn hawyi toꞌe Iesui pe -Yt etiꞌatuwesat i apo mio tã iꞌatuꞌe pykai e.

2 Kuriniu 1:19

Saꞌawyꞌi mehin Sira mehin Timoteu iꞌewyte uito urutuwat ehewowi eimuꞌe hamo. Miꞌi hawyi itote uruiꞌatumuꞌe kahato aikotã Tupana tipoꞌoro Tosaꞌyru hap etiatno. Tupana motypot haria wo yn uruiꞌatumuꞌe eipe. Yt kat i urueso hap wywo uruiꞌatumuꞌe eipe. Miꞌi hap eꞌat pe urutunug aru urutoꞌe pote urutunug uruꞌe hap ewy. Yt typy sehay wywo hin i uruiꞌatumuꞌe saꞌawyꞌi eipe Iesui etiat uruhenoi raꞌyn.