Mateu 26:52 - Sateré-Mawé

⁵² Miꞌi pote Iesui toꞌe -Etopag i ro ekyseꞌyp ewope pe mehin e temiit Peteru pe. Katupono uwe uwe tuwepyk miꞌi hat wyti miitꞌin mipoepyk wo hawyi ikuꞌuro rakatno topyhuꞌat e. Uwe uwe tiꞌauka miit miꞌi miit miitꞌin miꞌauka wo aru topyhuꞌat e.

Mateu 26:52 Referans Kwoze

Iesui Aru E Hap 13:10

Mio tã areꞌe ehepe -Eiweꞌeg wo o Tupana emiitꞌin eipe pote. Eweimohey ro yne eipyꞌa pe eikuꞌuro hap kape katupono ti aru ahatyꞌi hatyꞌi kahato woꞌopyhik hawe imohey haria aito pote. Waku wahoꞌopot aikuꞌuro hap kape. Aiꞌauka kyseꞌyp wo pykai yt naku i watoiat Iesui hap aiꞌauka iraniaꞌin imohey pote areꞌe. Ehewaure kaꞌa pote eweikuap to uiꞌe hap. Uito Iuwãu uipyhyp hawe yꞌy wato pyꞌasetpe yi a tote uiꞌatoiat mesuwe Iesui mohey hap upi.

Humanu 12:19

Yt naku i watipoepyk uhetiat yt naku i nug haria. Uiwyriaꞌin wẽtup ok aimaꞌat pote yt naku i watopyhuꞌat aipyꞌahak. Poꞌog waku wahenoi Tupana kape miꞌi pote Tupana ipyꞌahak aikawiatno hamo katupono mio tã e Tupana miwan me -Atiꞌatukawiatno yne eipe. Eipoepyk hat uito e Tupana miwan me.

1 Peteru 3:9

Karãpe Iesui mohey haria iraniaꞌin yt iꞌatuwese i ehete hawyi waku eweikupteꞌen iwese rakaria wo. Yt eweipoepyk teiꞌo iraniaꞌin tunug saꞌag ehetiat pote. Taꞌatunug saꞌag hawyi -Waku eweiꞌe emohit miꞌiria pote. Etiꞌatumotypot miꞌiria uhytꞌiꞌin manaꞌin. Miꞌi tã ewetunug mote Tupana mipoityro koꞌi wo eweikupteꞌen. Yne Tupana ekat topyhuꞌat eiwatnuat atipy pe. Miꞌi tã ewetunug mote -Worohoꞌopoityro eipe e Tupana ahepe.

Iesui Aru E Hap 16:6

Iꞌatuꞌapiheg hap iꞌatuminug saꞌag oktan etum e. Miꞌi pote hãpyk kahato etunug no e. Wakuat yn nug hat en Tupana e. Nimo pyi mesup te iꞌewyte wuatꞌi eꞌat pe waku kahato En e. Koitywy iꞌatuweꞌyꞌutui turan suu yn topyhuꞌat taꞌatumiꞌu wo e atipy kaipywiat yꞌy nug suu wuat erut hat.

1 Tesaronika 5:15

Iꞌewyte yt naku i nug ehetiat haria o yt eweiꞌatupoepyk teiꞌo. Miꞌi hawyi ti waku watikat aikotã miat waku watunug wakuat aiwoꞌope hap yn naꞌyn. Maꞌato yt Iesui mohey haria kape yn i wyti mio tã are maꞌato yne miitꞌin me.

Mateu 5:39

Maꞌato Uito areꞌe karãpe wẽtup ok tunug saꞌag ehetiat turan o yt eweꞌapyk teiꞌo are. Iꞌewyte karãpe wẽtup ok ewapetek pote o waku kokai uiporan kai uiꞌahyk mehin waku eweiꞌe.