Mateu 26:45 - Sateré-Mawé

⁴⁵ Miꞌi hawyi taꞌaipok i temiitꞌin kape. Miꞌi turan iwyriaꞌin teꞌeroket i raꞌyn. Miꞌi hawyi toꞌe -Uiwyriaꞌin pyno eweiket rẽ apo e. Putꞌok e raꞌyn ti koitywy uimaꞌat hat. Eheykeꞌet ti koitywy yt nakuaria i po pe raꞌyn topyhuꞌat.

Mateu 26:45 Referans Kwoze

Iuwãu 13:1

Miꞌi tote pyi ienuk koro eꞌat owakai te Iesui tikuap taꞌyn topyꞌa pe taꞌaipok Toꞌywot kapiat mesuwat yi tote pywiat hamuat. Iesui tiꞌatukyꞌe kahato temiitꞌin mesuwarotiaria. Toiꞌatukay kay saꞌawyꞌi miꞌi hawyi toiꞌatumuꞌe kahato. Iesui toineꞌen mesuwat yi totiat turan toiꞌatukyꞌe kahato temiitꞌin hawyi tokuꞌuro hap kape iꞌewyte toiꞌatukyꞌe.

Iuwãu 17:1

Miꞌi tã toꞌe Iesui hawyi ihaꞌat ywaipe miꞌi hawyi toꞌe -Papai e putꞌok e raꞌyn uheꞌat e. Pyno waku woromotypot Papai e. Emimotypot wo areineꞌen hawyi miꞌi upi emotypot hamuat hap atikyꞌesat e.

Iuwãu 12:27

Miꞌi hawyi Iesui toꞌe Tupana pe -Uiꞌywot e kat areꞌe kahu epe sio Papai etiꞌywyk to uhepiat hoꞌopot hap uikuꞌuro tet pupi are sio yt Papai e. Pyno yt naku i mio tã areꞌe epe kat pote ariot uikuꞌuro miitꞌin ehakyeraꞌat hamo mesuwat yi kape e.

Iruka 22:53

Saꞌawyꞌi wuatꞌi eꞌat pe areineꞌen eiwywo Tupana motypot yat pe eimuꞌe hamo wen maꞌato mekewat eꞌat pe turan yt uhat hin i eipo wo uiꞌauka hamo e. Maꞌato eheꞌat raꞌyn toineꞌen katupono uiꞌauka teran iꞌypyryp we aikotã eiꞌakag ahiag ewy ewetunug mesup uhete e suraraꞌin me.

Mateu 26:18

Miꞌi hawyi Iesui toꞌe -Pyno eweiwat ro tawa wato kape e. Putꞌok eiꞌe hawyi ti aru eweipuẽti wẽtup ok miit itote e. Miꞌi pe ewehenoi -Urukaꞌiwat eꞌat ti putꞌok e raꞌyn eweiꞌe o e. Uikuꞌuro hamuat eꞌat yt pya hin i raꞌyn wyti e ti Aikaꞌiwat eweiꞌe e. Miꞌi pote ti tenuk teran temiitꞌin wywo eꞌyat pe eweiꞌe o mekewat man u hamo getap kaꞌiwat pe e.

Mateu 26:2

-Pyno mukiꞌite eꞌihatꞌok hawyi ti aru aiꞌywania tuwat yne raꞌyn ienuk hap nug hamo mekewat ahewanikaptia saꞌawyꞌi wuat Esituꞌin po pywiat hoꞌopot hap kaipywiat ahenoꞌẽ hap kapiat watetup hap eꞌat nug hamo e. Miꞌi turan Uito Eheykeꞌet ewanikaptia po pe areineꞌen uiꞌauka ariaꞌyp posak etiat hamuat e Iesui.

Mateu 26:44

Miꞌi hawyi taꞌaipok i raꞌyn myẽꞌym mo raꞌyn tehay Tupana kapiat hamo. Miꞌi hawyi iꞌewyte te toꞌe toꞌywot pe.

Mateu 26:46

Eiꞌãpeꞌokꞌam no katupono ti uimaꞌat hat tuut raꞌyn e temiitꞌin me.

Maku 14:35

Miꞌi hawyi toto porap i hawyi poragꞌe tewa pua tehay Tupana kapiat hamo. Miꞌi hawyi toꞌe -Uiꞌywot e etikyꞌesat pote etihep o meikoran muo uikaipyi e.

Iuwãu 12:23

Miꞌi hawyi Iesui tiꞌatuwesat raꞌyn -Pyno Miitꞌin ykeꞌet motypot hap eꞌat yt pya hin i raꞌyn e.