Mateu 26:43 - Sateré-Mawé

⁴³ Miꞌi hawyi taꞌaipok i raꞌyn temiitꞌin kape. Miꞌi turan teꞌeroket i raꞌyn. Yt mehit iꞌatuꞌe kuap i sese raꞌyn yt teꞌeroket teran i pykai.

Mateu 26:43 Referans Kwoze

Iruka 9:32

Miꞌi turan Peteru Iuwãu Tiaku teꞌeroket kahato itote maꞌato teꞌeruwehymut hawyi teꞌeraꞌakasa raꞌyn Iesui ẽtyhot hap. Iꞌewyte iꞌyatype teꞌereꞌakasa saꞌawyꞌi wuaria Tupana ehay moherep haria aseꞌi Muisei aseꞌi Eria iwywo.

Humanu 13:1

Karãpe morekuaria toꞌe ahepe -Etunug no wakuap e pote waku watunug iꞌe hap ewy Iesui mohey haria aito pote. Waku watuwat iꞌatuehay wakuap upi are katupono yne aikaꞌiwaria Tupana mipag koꞌi. Yne tuꞌisaria iꞌewyte Tupana miꞌairo koꞌi tukupteꞌen. Taꞌi ahekapitãu koꞌi yne aiꞌakag koꞌi morekuaria koꞌi ahetuꞌisaria aikaꞌiwaria Tupana miꞌairo koꞌi tukupteꞌen aiꞌatuꞌapykok hamo. -Taꞌi uhehay kaipyi ti yne morekuaria tukupteꞌen atipy pe iꞌewyte yi tote e Tupana ahepe.

Iesui Potmuꞌeria 20:9

Miꞌi tote toineꞌen wẽtup ok kurum Eutiko e hap het rakat wanetup hat. Miꞌi hawyi Pauru ehay potꞌi pote kurum toket neꞌi raꞌyn. Miꞌi hawyi taꞌat ywaiti pyi apyk piat myẽꞌym akipy hap totepyi yi kape. Miꞌi hawyi ikuꞌuro sese raꞌyn.

Mateu 26:42

Miꞌi hawyi taꞌaipok Toꞌywot kapiat tehay hamo hawyi toꞌe -Uiꞌywot yt etihep kuap i pya uikai meikowat kuiꞌa uipo pyi hoꞌopot hap pote waku atuꞌu emikyꞌesat ewy e.

Mateu 26:44

Miꞌi hawyi taꞌaipok i raꞌyn myẽꞌym mo raꞌyn tehay Tupana kapiat hamo. Miꞌi hawyi iꞌewyte te toꞌe toꞌywot pe.