Mateu 26:39 - Sateré-Mawé

³⁹ Miꞌi hawyi toto porapꞌi hawyi poragꞌe yi tote tewapuo hawyi toꞌe -Uiꞌywot e etat kuap meikowat kuiꞌa uipo pyi pote waku wen maꞌato yt pote atuꞌu emikyꞌesat ewy e Iesui Toꞌywot pe.

Mateu 26:39 Referans Kwoze

Iuwãu 6:38

Katupono Uito ti ariot atipy kaipyi Uipoꞌoro hat mikyꞌesat yne nug hamo e.

Wiripu 2:8

Iesui yt tuwemowato hin i maꞌato karãpe Tupana toꞌe -Atikyꞌesat ekuꞌuro hap miitꞌin ehakyeraꞌat hamo miꞌi hawyi toiwesat -Waku Papai e yt tomikyꞌesat ewywuat pykai i. Maꞌato -Atikyꞌesat ekuꞌuro hap ariaꞌyp posak ete e Tupana hawyi -Atunug aru Papai e Iesui.

Mateu 26:42

Miꞌi hawyi taꞌaipok Toꞌywot kapiat tehay hamo hawyi toꞌe -Uiꞌywot yt etihep kuap i pya uikai meikowat kuiꞌa uipo pyi hoꞌopot hap pote waku atuꞌu emikyꞌesat ewy e.

Epereu 5:7

Miꞌi hawyi mesuwat yi totiat toineꞌen turan Iesui ihay Tupana kape tuwak popuo tepiat hatyꞌu hap wywo tohẽtup hẽtup tehay wo -Papai Papai e uihep En guꞌuro po pyi e uikuꞌuro hap kaipyi uihep o En guꞌuro po pyi e haty wo. Miꞌi hawyi Tupana tiwesat -Pywo Uhaꞌyru atunug aru eꞌe hap ewy e. Worohep En guꞌuro pyi e Uimotypot kahato hat En mote e uimikyꞌesat ewy neꞌi ekuꞌuro pote e. Eremohit kahato miꞌi pote woromotypot Uhaꞌyru e. Emiẽtup oktan worohep En guꞌuro pyi e.

Iuwãu 5:30

Uito ti yt arepotꞌairo hin i uiwepyꞌa pyi uwe uwe miꞌapiheg wuaria enoi hap ete maꞌato yt nakuat i e Tupana pote Uito iꞌewyte yt nakuat i are wy maꞌato wakuat e Tupana pote Uito wakuat are te wy miꞌi hat pe e Iesui. Atunug yne uipoꞌoro hat mikyꞌesat ewy e.

Iuwãu 14:31

Koitywy ti aru wuatꞌi miitꞌin naꞌyn ikuap kahato uhepiat Uiꞌywot kyꞌe kahato hap e. Iꞌewyte Uiꞌywot mikyꞌesat yn nug hat Uito hap taꞌatukuap e. Uiꞌywot mienoi koꞌi yne yne nug hat areineꞌen hap taꞌatukuap aru e. Mio tã tohenoi yne hawyi -Pyno waku raꞌyn are toꞌiro pyno meiũpepyi uipotmuꞌeria e Iesui topotmuꞌeria pe.

Iuwãu 18:11

Miꞌi hawyi Iesui toꞌe Peteru pe -Etopag i ro ekyseꞌyp heiam me Simau e. Yt uikawiatno teiꞌo en kyseꞌyp mo katupono Uiꞌywot tikyꞌesat ahoꞌopot hap e. Waku atuꞌu mekewat kuiꞌa piat Uiꞌywot miium paĩ e.

Iuwãu 11:41

Mio tã e hawyi taꞌatueroꞌok taꞌyn nu kawiat heꞌokenhyp hap. Miꞌi hawyi Iesui tehaꞌat atipy kape.

Mateu 20:22

Miꞌi pote -Mana e yt etikuap i kahato kat som emiẽtup uhepiat e. Miꞌi hawyi toꞌe imepytꞌin Iuwãu Tiaku pe -Are paĩ eiweꞌyꞌu irane uhekuiꞌa pyi sapo hy wo e. -Taꞌi uruteꞌyꞌu kuap ekuiꞌa pyi urukaꞌiwat iꞌatuꞌe.

Mateu 24:24

Taꞌi -Eheso i rat eweiꞌe yn o are katupono Tupana mipoꞌoro eiporekuat nuat raꞌyn uruto e haria iꞌatuꞌe ti aru teꞌeruwemoherep e. -Uruto Tupana mipoꞌoro tehay enoi hanuat iꞌatuꞌe yt pywo pe i e. Miꞌiria ti aru taꞌatumisepap iwato kahato inug wy miitꞌin miat taꞌatuehay mohey hamuat e. Maꞌato miꞌiria miitꞌin maꞌat hamuat neꞌi e. Iꞌewyte ti Tupana miꞌairoria imohey sese haria maꞌat reran haype e.

Iesui Aru E Hap 19:10

Miꞌi hawyi wẽtup ok toꞌe atipy piat uhepe Iuwãu e Tupana sese ihay teran ewywo e. Miꞌi hawyi arepỹꞌãtutuk mekewat atipy piat Tupana ehay moherep hat kape hawyi atimotypot kahato miꞌi wen maꞌato -Iuwãu e yt uimotypot teiꞌo katupono uito eꞌewywuat Tupana eropat hat yn e. Yne ewyriaꞌin Iesui mohey haria ewywuat arepyhuꞌat Tupana eropat hat e. Uito ti yt poꞌog i ekai e. Waku Tupana yn watimotypot katupono saꞌawyꞌi wuaria Tupana ehay moherep haria Iesui etiat taꞌatuhenoi taꞌatuwẽ pyi yian mete taꞌatuhenoi Iesui minug koꞌi e miꞌiria ewy areineꞌen e atipy piat uhepe.

Iesui Potmuꞌeria 10:25

Miꞌi hawyi Peteru putꞌok e Kuneriu yat eꞌokenꞌypyke hawyi meremo Kuneriu tuwepỹꞌãtutuk howa kape tepiat Peteru motypot hamo maꞌato Peteru timopoĩꞌam neꞌi.

Iruka 17:16

Tuwepỹꞌãtutuk Iesui ewowi hawyi ihay -Waku kahato uhete etunug Uikaꞌiwat e. Uimoehãite raꞌyn En e Iesui pe. Miꞌi miit aipok hat yt Iesui ywania kaipywiat hat i maꞌato yi Samaria ywania kaipywiat suut hat. Samaria ywania yt taꞌatukyꞌe hin i Iesui ywania pykai topyhuꞌat Iesui mimoehãite hamuat. Iesui Iuteu kaipywiat hat toineꞌen.

Maku 13:22

Katupono ti aru iꞌatu kahato -Uito Tupana Mipoꞌoro Eiporekuat nuat e haria ewywuat saꞌag koꞌi teꞌeruwemoherep mesuwat yi totiat kape e. Tupana ehay henoi saꞌag haria neꞌi yt pywo pe i maꞌato teꞌeruwemotypot hanuaria e. Miꞌiria ti aru aikotã aikotã imoherep taꞌatuesaika hap iwato rakat iꞌatuminug koꞌi ti aru yt miit minug kuap i ewy taꞌatunug Tupana miꞌairoria sese maꞌat reran haype e.

Iuwãu 5:19

Miꞌi hawyi toꞌe Iuteuria akagnia pe -Pywo pe yt kat i tuwepyꞌa pyi Haꞌyru tunug. Toꞌywot minug ewywuat yn ni tutunug. Tehaꞌat Toꞌywot minug ewowiat hawyi tutunug iꞌewywuat e.