Mateu 26:36 - Sateré-Mawé

³⁶ Miꞌi hawyi putꞌok taꞌatuꞌe mikoi ypia Kesemani e hap tote hawyi toꞌe topotmuꞌeria pe -Eweiꞌapyk to meiũpe. Uito kuepuo areto Tupana wywuat uhehay hamo e.

Mateu 26:36 Referans Kwoze

Mateu 26:42

Miꞌi hawyi taꞌaipok Toꞌywot kapiat tehay hamo hawyi toꞌe -Uiꞌywot yt etihep kuap i pya uikai meikowat kuiꞌa uipo pyi hoꞌopot hap pote waku atuꞌu emikyꞌesat ewy e.

Mateu 26:39

Miꞌi hawyi toto porapꞌi hawyi poragꞌe yi tote tewapuo hawyi toꞌe -Uiꞌywot e etat kuap meikowat kuiꞌa uipo pyi pote waku wen maꞌato yt pote atuꞌu emikyꞌesat ewy e Iesui Toꞌywot pe.

Epereu 5:7

Miꞌi hawyi mesuwat yi totiat toineꞌen turan Iesui ihay Tupana kape tuwak popuo tepiat hatyꞌu hap wywo tohẽtup hẽtup tehay wo -Papai Papai e uihep En guꞌuro po pyi e uikuꞌuro hap kaipyi uihep o En guꞌuro po pyi e haty wo. Miꞌi hawyi Tupana tiwesat -Pywo Uhaꞌyru atunug aru eꞌe hap ewy e. Worohep En guꞌuro pyi e Uimotypot kahato hat En mote e uimikyꞌesat ewy neꞌi ekuꞌuro pote e. Eremohit kahato miꞌi pote woromotypot Uhaꞌyru e. Emiẽtup oktan worohep En guꞌuro pyi e.

Mateu 6:6

Pyno karãpe ehehay teran Tupana wywo pote waku ereke eꞌokaꞌapype aikope miitꞌin yt ehamo i migꞌi wo hawyi ereꞌapyhik miꞌi hawyi eiꞌywot yn ikuap ehehay migꞌi wuat eipyꞌa pywiat pote Tupana tuwehum kahato ehewowi hawyi tutum ehepe eimiẽtup koꞌi.