Mateu 26:32 - Sateré-Mawé

³² Maꞌato areineꞌen i raꞌyn guꞌuro pyi hawyi ti aru worohoꞌopuẽti i raꞌyn yi Karireia pe e. Eheꞌyian me areto. Miꞌi hawyi ti aru itote raꞌyn watoꞌopuẽti e.

Mateu 26:32 Referans Kwoze

Mateu 28:10

-Manaꞌin yt eweikenꞌẽ teiꞌo e maꞌato eweiwat ro uiwyriaꞌin eikywytꞌin me henoi hamo -Waku eweiꞌaipok aheꞌyi Karireia kape iraꞌyn. Miꞌi tote watoꞌopuẽti e. Waku uiꞌe hap ewy eweiꞌe ewehenoi uhemiitꞌin me. Miꞌi hawyi tuwat i ikohyeput i raꞌyn taꞌatuhenoi hamo.

Mateu 28:16

Miꞌi hawyi ti ipotmuꞌeria 11 ok takaria tuwat raꞌyn yi Karireia kape mekewat saꞌawyꞌi wuat yityꞌok kape aikope saꞌawyꞌi Iesui toꞌe -Meiũran ti aru waku eweĩꞌẽ i mesuwe uiwẽtem iraꞌyn guꞌuro pywiat hawyi e hap kape.

Mateu 20:19

Miꞌi hawyi ti aru uhum wẽtup ywania wanikaptia po pe iꞌatumikyryꞌi uhetiat hamo uiꞌahyk ahyk hamo e. Miꞌi hawyi ti aru uiꞌauka raꞌyn itotiaria ariaꞌyp posak ete e. Miꞌi hawyi uikuꞌuro sese aru itote e. Myẽꞌym eꞌat aru uisyp hawe uipiit topyhuꞌat. Maꞌato miꞌi hawyi ti aru areineꞌen ne i raꞌyn guꞌuro pyi e.

Maku 16:7

Miꞌi pote eweiꞌaipok i ro iwyriaꞌin miat henoi hamo iꞌewyte Peteru kape hawyi ewehenoi Iesui ehay iꞌatuepe -Areto ti aru ahetama Karireia kape eheꞌyian me e hap e. Miꞌi tote raꞌyn aru watoꞌopuẽti i aikotã areꞌe saꞌawyꞌi e hap ewy e. Miꞌi e hap ewehenoi ro e atipy piat haryporia pe.

Maku 14:28

-Maꞌato uimoieineꞌen i hap hawyi ti aru areto eheꞌyian me Karireia kape e. Miꞌi hap tote ti aru watoꞌopuẽti i raꞌyn e.

Mateu 16:21

Miꞌi turan eꞌyian mete Iesui henoi raꞌyn aikotã aru topyhuꞌat tetiat hap koꞌi temiitꞌin me -Pyno waku areto Ierusarẽi kape maꞌato itote ti aru Iuteuria akagnia iꞌewyte paꞌi koro koꞌi akag koꞌi iꞌewyte mekewat Muisei miwan kuap kahato haria ti aru uimosoꞌopot kahato itote hawyi ti aru uiꞌauka raꞌyn. Maꞌato ti aru myẽꞌym eꞌat hap ete arẽtem iraꞌyn guꞌuro pyi.

1 Kuriniu 15:6

Miꞌi hawyi meiũran Iesui tuwemoherep i raꞌyn miitꞌin sem kape temiitꞌin 500 ok takaria kape saꞌawyꞌi hewyry iwywuat rakaria kape. Miꞌiria teꞌeraꞌakasa kahato taꞌatukuap ihay. Koitywy ti miꞌiria tukupteꞌen ne aimuꞌe haria wẽtup ok wẽtup ok maꞌato ikuꞌuro raꞌyn iraniaꞌin.

Mateu 26:33

Miꞌi pote Peteru toꞌe -Uito aru yt karamuo hin i aremoti epupi e. Yne iraniaꞌin eꞌatoiat pykai uito yt karamuo hin i aru woroꞌatoiat En e Peteru.