Maꞌato aito yt miꞌi tã hin i. Yt watuwat hin i aimikyꞌesat saꞌag kyꞌesat hap nug hamo iꞌewyte yt ahewaure kaꞌa hin i mekewat sehay kape. Wẽtup sehay upi raꞌyn watuwat katupono Tupana Paꞌãu toineꞌen ahepe mio. Maꞌato uwe uwe yt Aipotypot Iesui Paꞌãu yt eiam i miꞌi hat ti yt Tupana emiit hin i katupono Tupana emiit no Iesui Paꞌãu eiam yn teꞌeropyhuꞌat.
Mateu 25:4 - Sateré-Mawé4 Maꞌato ipatꞌok iweꞌeg nakaria iꞌatueꞌariãty eiam howopy taꞌatueroto maꞌato iraniaꞌin yt. Gade chapit la |
Mateu 25:4
15 Referans Kwoze
Aipotypot Iesui Paꞌãu aimuꞌe hap sese topyhuꞌat katupono toineꞌen Ipaꞌãu aikai pote miꞌi yn aimuꞌe. Miꞌi hawyi yt uwe i aimuꞌe pykai toineꞌen. Miꞌi ti aimuꞌe aat kaꞌap. Yne eꞌat pywo rakat etiat aimuꞌe kahato Ipaꞌãu. Yt kat i saꞌag ete aimuꞌe. -Pyno uipap eupi watoꞌe. Uimuꞌe ro watoꞌe Ipaꞌãu me. Miꞌi tã watunug mote aiwoꞌowese hap yn topyhuꞌat Aikaꞌiwat Iesui wywo.
Miꞌiria aimuꞌe haria wẽtup takat wakuat aiwoꞌokyꞌe hap moma rakaria aimohey ete aipohari teran haria. Miꞌiria ti ikyꞌesat aiwoꞌoewaure aimimohey etiat hap yn. Miꞌiria piit pe ti yt kat i raꞌyn Tupana Paꞌãu rakaria. Miꞌiria ti aikotã gaꞌapy puat haiwot rakaria miit auka haria ewy. Teꞌeruwanetup mesuwarotiat koꞌi kape yn.
Aikotã watiwan ahet ahekareꞌen ete ahet -Mesuwat ri uiat e hap. Miꞌi hap ewy wyti watomohey Haꞌyru raꞌyn hawyi Tupana tum Tosaꞌyru Paꞌãu ahepe hawyi Ipaꞌãu set topyhuꞌat ahete. Mio tã e -Tupana watnuat miꞌi miit e hamuat wuatꞌi miitꞌin me hap ewywuat. Yt karãpe i hawyi wẽtup ok watno miꞌi hat topyhuꞌat e hamo hap ewy.
Pyno eiwanetup to uhehay kape. Pyno mesuwe worohoꞌopoꞌoro eipe aikotã aihũ Uweiria koꞌi watipoꞌoro hawyi tukupteꞌen awahuru haiwot rakaria pyꞌasetpe raꞌyn hap ewy. Maꞌato aikotã moĩ iꞌokpipokꞌi kahato toꞌauka tet pupi hap ewy o eweikupteꞌen iꞌewyte waku eweikupteꞌen aikotã pykasu yt ipyꞌahak hin i hap ewy o eweikupteꞌen iꞌatupyꞌasetpiat turan.
Piblisite