Mateu 24:36 - Sateré-Mawé

³⁶ Yt uwe i ti uhuut hap eꞌat kuap hat. Taꞌi Uito yt atikuap i wy iꞌewyte atipy piaria iꞌewyte yt taꞌatukuap i. Maꞌato wẽtup yn ikuap hat. Uiꞌywot atipy piat yn ikuap karãpe aru araꞌaipok meikowo hap eꞌat e Iesui.

Mateu 24:36 Referans Kwoze

Maku 13:32

Yt uwe i mesuwarotiaria ikuap karamuo mekewat eꞌat putꞌok e hap e. Yt atipy piaria i wyti ikuap yt Haꞌyru i wyti ikuap. Maꞌato Uiꞌywot atipy piat yn wyti ikuap e.

Iesui Potmuꞌeria 1:7

Miꞌi hawyi toiꞌatuwesat -Uiwyriaꞌin e Tupana yn ni ikuap kat eꞌat pe aru tutum aiꞌywania pe iꞌatueꞌyi Kanaꞌã i raꞌyn hap e. Tupana yn ni ikuap kat eꞌat pe tutum i aiꞌywania po pe hap i raꞌyn e. Miꞌi pote yt eipo pe kuap i e. Taꞌi Aiꞌywot yn ikuap karãpe ahewanikaptia po pywiat aiꞌywania eꞌyi hep hamuat e. Kat eꞌat pe kat ewaty pe hap Tupana yn ni ikuap e.

Mateu 24:44

Miꞌi tupono eiweꞌeg wo o uhuut hap eꞌat kape e. Katupono ti seroꞌok e hat ewy aru Eheykeꞌet tuut e. Yt uwe mikuap mo i putꞌok e Eheykeꞌet aikotã seroꞌok e hanuat putꞌok e hap ewy.

2 Peteru 3:10

Maꞌato pywo putꞌok e irane mekewat eꞌat pe. Taꞌi pywo ti aru putꞌok e Aikaꞌiwat piat miitꞌin apiheg hap. Maꞌato ti karamuo kat eꞌat pe yt uwe i ikuap maꞌato ti putꞌok e hamuat. Aikotã seroꞌok e hat ewywuat tuut irane. Kat eꞌat pe yt uwe i ikuap are. Mekewat eꞌat pe ti aru ikahuro raꞌyn waikiru koꞌi. Mekewat eꞌat pe tehay pirik wo toimoweityk taꞌyn waikiru koꞌi. Iꞌewyte mesuwat yi tuweityk taꞌyn. Miꞌi hap eꞌat pe ti aru yi ihywop taꞌyn hakup wote yt aikopiat wẽtup hakup iꞌewyꞌewy i hakup sese ti raꞌyn. Miꞌi hawyi ti aru wukꞌe yne raꞌyn mesuwarotiat miitꞌin minug saꞌag koꞌi. Iꞌewyte yi ikahuro raꞌyn.

1 Tesaronika 5:2

Yt urutuwan kuap i ehewowi katupono yt uwe i ikuap aikotã yt uwe i seroꞌok e hat ikuap wãtym muat. Miꞌi hap ewy kahato Iesui uut hap yt uwe i ikuap.

Iesui Aru E Hap 16:15

Miꞌi hawyi Arahaꞌat turan wẽtup ok toꞌe -Eiweꞌeg wo o miitꞌin yne yi totiaria e. Eiwatetup o katupono seroꞌok e hat ewy ariot e. Yt uwe i ti ikuap karamuo uhuut hap e. Miꞌi pote eweikupteꞌen sokpe piaria ewy waku uipuẽti hamo e. Yt pote aru eiwemoti kahato yt ehesokpe rakaria ewywuaria eweipyhuꞌat uhuut turan ariot pote e.

Mateu 24:42

Miꞌi tupono eiweꞌeg wo o katupono yt eweikuap i kat eꞌat putꞌok e Eheykeꞌet hap e. Sehaꞌat uhuut hap kapiat hap ewy o eweikupteꞌen e.

Mateu 25:13

Pyno miꞌi hap ewy o eiweꞌeg wo eweikupteꞌen uhuut hap ekatup haype. Katupono yt eweikuap i Eheykeꞌet uut hamuat kat eꞌat pe sio kat eꞌora pe putꞌok e.

Iesui Aru E Hap 3:3

Uimohey haria saꞌawyꞌi uhehay sat kahato haria eipe e. Saꞌawyꞌi ehewaure kaꞌa yn uhehay kape maꞌato mio yt e. Tawa Saratu piaria eweiꞌaipok to uimohey hap kape aikotã eweimoheg eheha peꞌok hap ewy eweimoheg uimohey hap ehepiat katupono ariot ehewowi aikotã seroꞌok e hat ewy. Waku surara ewy eweikupteꞌen maꞌato yt pote yt eweikuap hin i uhuut hap e. Pyno eiwehymut ro katupono eiket kai putꞌok are sereꞌokꞌe hat ewy e.