Mateu 24:31 - Sateré-Mawé

³¹ Miꞌi hawyi ti aru temiitꞌin atipy piaria toiꞌatupoꞌoro hu hu iꞌatuꞌe hamo e. Miꞌi hawyi ti aru taꞌatuꞌatunug hewowi imiꞌairoria e. Taꞌatuꞌatunug ni aru aikope pyi aikope pyi wasere tuut hap kaipyi aat wẽtem hap kaipyi aat minꞌe hap kaipyi yne yne kaipyi taꞌatuꞌatunug imiꞌairoria hewowi yi sasat hap kaipyi aikope aikope miitꞌin tukupteꞌen hap kaipyi.

Mateu 24:31 Referans Kwoze

1 Tesaronika 4:16

Pyno Aikaꞌiwat sese ti aru taꞌapyk atipy kaipyi miꞌi hawyi atipy piaria esurara akag ti aru ihay pirik kahato. Miꞌi turan ti aru hu huꞌe akuara wato pyi mekewat huut hap enoi hamo. Miꞌi turan ti aru mekewat Iesui mohey haria ikuꞌuro rakaria Tupana tiꞌatuporenoꞌẽ yne yne aiꞌam hap eꞌyian mete.

Maku 13:27

Miꞌi hawyi ti aru atipoꞌoro Tupana potpoꞌororia atipy piaria yne mesuwarotiat uimiꞌairoria uimohey haria atunug uhowawiat hamo mesuwat yi sasat kaipyi taꞌatuꞌatunug uhowowi e. Aat minꞌe hap kaipyi aat wẽtem hap kaipyi aat posak hap kaipyi yne kaipyi taꞌatuꞌatunug aru uhemiitꞌin sese e Iesui iꞌatuepe.

1 Kuriniu 15:52

Iesui uut turan ni tukupteꞌen ihãite rakaria maꞌato mekewat eꞌat pe ti aru aipiit pakup we Iesui piit ewywuat topyhuꞌat meremo. Mekewat hap eꞌat pe merep hap ewy tuut Iesui aikotã aheha mehit hap ewy meremo hap ewy e. Miꞌi hawyi Tupana hu huꞌe -Ariot raꞌyn e hamo. Miꞌi hawyi hu huꞌe hap ihay pirik pya wo hawyi ti aru meimuẽwat map haria teꞌeruwenoꞌẽ raꞌyn guꞌuro pyi e. Ipaku we watoineꞌen mekewat eꞌat pe. Aikotã Satere uut topopy kuap hap ewy mekewat eꞌat pe ikahu kahato watuwẽtem aiwoꞌosyp hawyi.

Mateu 13:41

Pyno ti aru Ihainia Saꞌyru tipoꞌoro ti aru temiitꞌin atipy piaria iꞌatunug hamo hawyi ti aru toipuruk taꞌyn yt nakuaria i yt naku i nug haria iꞌewyte kat koꞌi kat koꞌi saꞌag nug haria.

2 Tesaronika 2:1

Pyno uruwyriaꞌin koitywy uruhenoi pakup i teran ehepe Aipotypot Aikaꞌiwat Iesui aipok hap etiat aikotã aikotã aiꞌatunug tuwewawi hap etiat uruhenoi teran ehepe.

Ewesu 1:10

Mio tã e saꞌawyꞌi Tupana -Putꞌok e uheꞌat aru hawyi atunug sese ti Uhaꞌyru wuatꞌi Porekuat no e tuwepe iꞌewyte yne atipy piaria Porekuat no iꞌewyte yne yi totiaria Porekuat no e tuwepe. Uhaꞌyru suu wo atiꞌatumowehik sok torannia yi totiaria atipy piaria uhowowi e. Miꞌi hawyi wẽtup piit ewy yn naꞌyn watopyhuꞌat wuatꞌi uiminug koꞌi uikai tukupteꞌen e tuwepe Tupana wuatꞌi tominug koꞌi pe tukupteꞌen yian mete turan.

Iuwãu 11:52

Taꞌi maꞌato ti yt Iuteuria yn etiatno i ikuꞌuro maꞌato iꞌewyte torannia ywania ehakyeraꞌat hamo wyti ikuꞌuro. Miꞌi hawyi tutunug yne ywania kaipywiat tomepytꞌin no.

Mateu 25:31

Meiũran ti aru putꞌok e Eheykeꞌet Morekuat koro torannia atipy piaria wywo mesuwat yi tote woꞌomotypot kahato hawe. Miꞌi turan taꞌapyk morekuat eiam note hẽtyhot kahato rakatno e.

Iesui Aru E Hap 7:1

Miꞌi hawyi uito Iuwãu arahaꞌat yi kape. Miꞌi turan araꞌakasa 4 ok atipy piaria Tupana mipoꞌoro koꞌi yi aipytyp tote wasere hewyry yi totiat pyhyp hamo. Wẽtup Tupana mipoꞌoro toineꞌen yꞌam me aikope aat tuwẽtem hap tote. Miꞌi hawyi toipyhyp sese wasere aat wẽtem hap kaipywiat. Wẽtup Tupana mipoꞌoro toineꞌen yꞌam me aat minꞌe hap tote mekewat aat minꞌe hap kaipywiat wasere pyhyp hamo. Maꞌato wẽtup ok atipy kaipywiat Tupana mipoꞌoro toineꞌen yꞌam me aat posak pe wasere pyhyp hamo. Irokirẽ wẽtup ok Tupana mipoꞌoro kokawiatno toineꞌen aat posak pe yꞌam me kokawiatno wasere pyhyp hamo. Miꞌi tã me taꞌatupyhyp yne wasere aipytyp tote. Miꞌi hawyi yt kat i wasere hewyry aipytyp tote hawyi ihyemyiꞌa wato koꞌi ihy nik kahato raꞌyn. Miꞌi hawyi gaꞌapy ete yt wasere hin i. Miꞌi hawyi gaꞌapy koꞌi yt iꞌywa yt hẽꞌẽ hin i raꞌyn yt kat i wasere pote. Miꞌi kape arahaꞌat yne atipy kaipyi yi kape.

Iesui Aru E Hap 8:2

Miꞌi hawyi araꞌakasa raꞌyn 7 ok takaria atipy piat gupteꞌen haria Tupana pyꞌasetpe imikyꞌesat nug hanuaria. Yne miꞌiria kape tutum hu huꞌe hap akuara wato.

Humanu 10:18

Uiꞌywania Iuteuria tikuap kahato mesuwat sehay wakuat aikotã morekuat Tawi toꞌe tuwepy hawe tomiwan me hap ewy -Taꞌi uiꞌywania ti Tupana ehay kuap kahato haria e. Aikope aikope taꞌatuewyry mesuwat yi wato hap oktan note aru taꞌatumoherep kahato Tupana ehay itotiaria pe e. Uiꞌywania Iuteuria tukupteꞌen wuatꞌi etama pe Tupana ehay moherep hamo e tomiwan me.

Mateu 28:18

Miꞌi hawyi Iesui tuut iꞌatuewowi hawyi iꞌatupyꞌasetpe toineꞌen heremo kahato. Miꞌi hawyi toꞌe itotiaria pe -Koitywy Tupana tum yne raꞌyn tesaika hap uhepe e. Miꞌi hawyi Wuatꞌi Miitꞌin Porekuat koro wo areineꞌen atipy pe iꞌewyte mesuwat yi tote e.

Mateu 24:22

Pyno mekewat eꞌat pe ti aru iwato kahato hoꞌopot hap topyhuꞌat e. Miꞌi hap ti aru maꞌato Tupana timopytuꞌu e. Maꞌato yt toimopytuꞌu i mekewat pote ti ten topap yne miitꞌin e. Miꞌi tupono tomikyꞌe tomiꞌairoria etiatno yn toimopytuꞌu e.

Iesui Aru E Hap 11:15

Miꞌi hawyi atipy piat wẽtup te myhuꞌat hat akuara wato hu huꞌe raꞌyn mekewat 7 ok takat hawyi uito Iuwãu araꞌakasa miꞌi hap kape uimuꞌetu. Miꞌi hawyi atikuap miitꞌin sem ihay pirik kahato atipy pe -Tupana Mipoꞌoro topyhuꞌat raꞌyn Wuatꞌi Porekuat nuat iꞌatuꞌe haty wo. Wuatꞌi Ywania Potypot no Aiporekuat topyhuꞌat mesuwepyi wuatꞌi eꞌat pe iꞌatuꞌe. Miꞌi Miit yn toineꞌen Aiꞌakag koro iꞌatuꞌe. Aikaꞌiwat mesup topyhuꞌat poꞌog wuatꞌi kai iꞌatuꞌe teꞌeruwẽpowat atipy piaria hap atikuap.

Iruka 24:47

Taꞌi yian me Tupana henoi kahato uhetiat tehay wan haria po wo aikotã aru taꞌatuhenoi kahato tesaika hap wywo torannia ywania pe aikotã waku miitꞌin teꞌeruwemorem Tupana kape iꞌatuminug saꞌag hap koꞌi kaipyi uhet upi hap tohenoi miwan me e Iesui. Waku tawa Ierusarẽi me tohaꞌawynug naꞌyn mesuwat sehay wakuat hawyi waku yne ywania kape taꞌatuhenoi Uhaꞌyru ete e Tupana miwan me e.

Iesui Aru E Hap 1:20

Muki 7 waikiru uipo sese kawiat atomoherep taꞌyn epe. Katupono atikyꞌesat etikuap yt uwe mikuap i aikotã aru kat kat koꞌi ewywuat tukupteꞌen hap e. Iꞌewyte atimoherep teran epe mekewat emoꞌakasa hap 7 ariãty wẽtup teiam mywiat hẽtyhot rakat nu uru kawiat etiat e. Miꞌi ti atimoherep teran kat som kat som miꞌi ewy hap topyhuꞌat hap mekewat ariãty eiam e. Iꞌewyte kat kawiat uipo sese kawiat 7 waikiru e hap som kat ewy hap e uhepe. Iuwãu e mekewat 7 waikiru uipo sese kawiat tukupteꞌen aikotã uimohey haria akag koꞌi yi Asia totiaria tawa piat Tupana motypot yat apykok haria miꞌi aikotã 7 waikiru ewywuat tukupteꞌen aikope teꞌeruwaꞌatunug hap tote mekewat 7 tawa yi Asia piaria akag koꞌi 7 waikiru uipupiat ewywuat koꞌi are e uhepe. Mekewat ariãty eiam 7 haga rakat miꞌi ti aikotã uimohey haria yi Asia piaria ewy e. Wẽtup haga wẽtup tawa piaria uimohey haria ewy wẽtup haga wẽtup tawa piaria ewy hap ewy teꞌeropyhuꞌat uimohey haria teꞌeruwaꞌatunug haria ti teꞌeropyhuꞌat mekewat 7 rakat ariãty ewy 7 tawa Asia piaria e uhepe ihay hu huꞌe hap ewywuat puo e Iesui uhepe. Uito Iuwãu uimiꞌakasa hap ahenoi.

Mateu 24:24

Taꞌi -Eheso i rat eweiꞌe yn o are katupono Tupana mipoꞌoro eiporekuat nuat raꞌyn uruto e haria iꞌatuꞌe ti aru teꞌeruwemoherep e. -Uruto Tupana mipoꞌoro tehay enoi hanuat iꞌatuꞌe yt pywo pe i e. Miꞌiria ti aru taꞌatumisepap iwato kahato inug wy miitꞌin miat taꞌatuehay mohey hamuat e. Maꞌato miꞌiria miitꞌin maꞌat hamuat neꞌi e. Iꞌewyte ti Tupana miꞌairoria imohey sese haria maꞌat reran haype e.

Mateu 24:32

Pyno eweikuap taꞌyn Wiku yp ete. Wiku iꞌyhop kyt hap kaipyi eweikuap taꞌyn merep hamuat raꞌyn aat hakup hamuat hap eꞌat yt pya hin i raꞌyn.

Epereu 12:19

Putꞌok e ahaꞌaseꞌiꞌin hawyi ihay pirik hap topyhuꞌat aikotã hu huꞌe hap ewywuat. Maꞌato mekewat hu huꞌe hap sehay ewy toineꞌen. Watikuap mekewat sehay haty kahato ahewaure kaꞌa pe iꞌewyte aiwanetup hawe aimokenꞌẽ kahato hap sio aikuꞌuro hap ewy watoꞌe. Miꞌi hawyi Muisei pe -Waĩ urutoꞌe yt uruikyꞌesat ewy hin i mekewat sehay watoꞌe saꞌawyꞌi.