Mateu 24:25 - Sateré-Mawé

²⁵ Pyno eiweꞌeg wo o miꞌiria pupi katupono ahenoi raꞌyn yian mete iꞌatuetiat e.

Mateu 24:25 Referans Kwoze

Iuwãu 16:1

Eiweꞌeg wo o uimohey hap atoiat hap pupi are katupono yian mete ahenoi raꞌyn ehepe aikotã aikotã saꞌag ehetiat hamuat karãpe putꞌok e hawyi mono yt eweipun i raꞌyn uimohey ehepiat hap e.

Iruka 21:13

-Maꞌato eheroto haria pe iꞌewyte morekuaria pe waku ehenoi uhehay wakuat iꞌatuepe eweikupteꞌen iꞌatupyꞌasetpe turan mekewat eꞌat. Ereineꞌen suraraꞌin po pe pykai waku ewehenoi ewanikaptia pe sehay wakuat uhetiat e.

Mateu 10:16

Pyno eiwanetup to uhehay kape. Pyno mesuwe worohoꞌopoꞌoro eipe aikotã aihũ Uweiria koꞌi watipoꞌoro hawyi tukupteꞌen awahuru haiwot rakaria pyꞌasetpe raꞌyn hap ewy. Maꞌato aikotã moĩ iꞌokpipokꞌi kahato toꞌauka tet pupi hap ewy o eweikupteꞌen iꞌewyte waku eweikupteꞌen aikotã pykasu yt ipyꞌahak hin i hap ewy o eweikupteꞌen iꞌatupyꞌasetpiat turan.

Mateu 24:24

Taꞌi -Eheso i rat eweiꞌe yn o are katupono Tupana mipoꞌoro eiporekuat nuat raꞌyn uruto e haria iꞌatuꞌe ti aru teꞌeruwemoherep e. -Uruto Tupana mipoꞌoro tehay enoi hanuat iꞌatuꞌe yt pywo pe i e. Miꞌiria ti aru taꞌatumisepap iwato kahato inug wy miitꞌin miat taꞌatuehay mohey hamuat e. Maꞌato miꞌiria miitꞌin maꞌat hamuat neꞌi e. Iꞌewyte ti Tupana miꞌairoria imohey sese haria maꞌat reran haype e.

Mateu 24:26

Mio tã iꞌatuꞌe ti aru -Yahig kape iuẽpe raꞌyn ti tuwemoherep Tupana mipoꞌoro aiporekuat nuat iꞌatuꞌe ehepe pote o yt eweiwat reiꞌo miꞌiria eimaꞌat teran haria upi areꞌe. -Taꞌi migꞌi wo toineꞌen itote iꞌatuꞌe pykai yt eweiwat e Iesui temiitꞌin me.

2 Kuriniu 13:2

Saꞌawyꞌi akasa haria henoi uhepe iminug saꞌag koꞌi areineꞌen eipyꞌasetpe turan. Miꞌi hawyi araꞌaipok hawyi taꞌatuhenoi i raꞌyn uhepe. Miꞌi hawyi taꞌatuhenoi uhepe typua raꞌyn. Meiũran aru araꞌaipok i raꞌyn ehewowi miꞌi hawyi taꞌatuhenoi uhepe myẽꞌym mo raꞌyn iminug saꞌag taꞌatuhenoi toꞌoꞌewyꞌewy miꞌi hawyi atimohey raꞌyn. Miꞌi hawyi worohoꞌoꞌapiheg naꞌyn. Saꞌawyꞌi eiweꞌeg wo o are. Miꞌi hawyi araꞌaipok hawyi areꞌe i -Eweiꞌatoiat ro eiminug saꞌag koꞌi koitywy. Worohoꞌoꞌapiheg aru yt eweitoiat i pote are ehepe. Koitywy myẽꞌym mo raꞌyn worohoꞌoꞌewaĩ. Yt areineꞌen i eipyꞌasetpe wen maꞌato eiweꞌeg wo o worohoꞌoꞌapiheg aru. Yt uipohep hin i eiꞌapiheg hap ete haty eweiꞌe pykai.