Mateu 24:15 - Sateré-Mawé

¹⁵ Aikotã saꞌawyꞌi wuat Tupana ehay moherep hat Tanieu e hap ewy aru putꞌok e mio tã e -Meiũran ti aru tuwemopoĩꞌam Tupana motypot yat wato pe poꞌog yt nakuat i wuatꞌi kawiat rakat. Yne Tupana sese etiat mohit hamuat -Uito ti Tupana e hat e. Waku eweikuap kat som Tupana ihay mesuwat iwan me hap e.

Mateu 24:15 Referans Kwoze

Maku 13:14

Mio tã e Iesui -Pywo kahato uiwyriaꞌin karãpe ti aru eweiꞌakasa mekewat miit poꞌog poꞌog yt nakuat i rakat ahiag saꞌyru taꞌam -Uito ti Tupana e hat raꞌyn yt iwat i teiam me Tupana motypot yat wato pe hawyi eweikuap taꞌyn hawyi waku eikohyeput haty wo raꞌyn mekewat miit uhet ereꞌok saꞌag nakat pyi yityꞌok koꞌi kape eiwemig hamo.

Iruka 21:20

-Mekewat eꞌat pe karapeĩ tukupteꞌen suraraꞌin sem ehewanikaptia yt pya i ehetawa wato Ierusarẽi kai hawyi wehytꞌok teran haria etikuap taꞌyn ehetawa moma sese hap eꞌat hap eweikuap are e.

Iesui Aru E Hap 1:3

Uimohey haria waku ehewaure kaꞌa ewetum kahato mesuwat uhehay wakuat kape e. Waku eweimowẽpapꞌi mowẽpapꞌi kahato mesuwat miwan ehepiat ikuap hawywiat ehepiat inug hamuat hap kape aikotã aikotã Tupana tunug hap ahenoi ehepe eꞌyian mete e. Yt pya hin i Mesuwat uhehay Tupana tipytꞌatnug hamuat eꞌat. Eweimowẽpap mesuwat uhehay pote aru toineꞌen eipoityro kahato hap eimowepiit hap e Iesui ahepe.

Iruka 19:43

Uimohey hap pun haria eipe pote ti aru ehewanikaptia esuraraꞌin sem tõꞌẽ tõꞌẽ kahato irane eimoma hamo are e. Putꞌok taꞌatuꞌe ehetawa wato ete hawyi yne muap taꞌatupyhyp ehetawa kapiat e. Miꞌi hawyi eimiꞌu yt kat i toineꞌen aru e. Miꞌi hawyi yt eiwenoꞌẽ kuap i ehetawa pyi.

Epereu 2:1

Pyno waku Tupana ehay moherep haria aimuꞌe turan watuwewaure kaꞌa kahato. Yt naku i watoket neꞌi Tupana piat aimuꞌe hap ete. Yt naku i watiwaure mekewat saꞌawyꞌi wuat aimikuap Tupana etiat. Pyno waku aiweꞌeg wo o miꞌi hap pupi uiwyriaꞌin uiꞌywania.

Iesui Potmuꞌeria 6:13

Miꞌi hawyi henoi hanuaria iꞌatupoĩꞌam taꞌatueso hap teꞌeroꞌe hamo -Meiũwat Etewãu ti aimoweukaꞌi Tupana yat ete aiꞌywania napin hap ete iꞌatuꞌe.

Iesui Aru E Hap 3:22

Pyno mio tã are uimohey haria weꞌatunug haria pe mekewat 7 Tupana motypot yat piaria pe yi Asia totiaria pe. Iꞌewyte torannia uimohey haria pe areꞌe waku ehewaure kaꞌa kahato mesuwat uiꞌe hap kape e. Waku eiwewanetup kahato mesuwat Tupana Paꞌãu mienoi kape kat areꞌe sese Tupana motypot yat piaria pe e Iesui ahepe.

Iesui Potmuꞌeria 21:28

Miꞌi hawyi teꞌeroꞌe taꞌatuehay pirik wo -Suraraꞌin urupowyro ro eipe meiũwat miit pyhik hamo iꞌatuꞌe. Kat pote wuatꞌi puo yt naku i sehay enoi hat meiũ iꞌatuꞌe taꞌatuehay pirik wo. Taꞌi aiꞌywania ete aheko ete Tupana yat ete ihay saꞌag hat wyti meiũ miit iꞌatuꞌe. Kereku ywania kawiaria ti totopag Tupana motypot hawe. Miꞌi pote toimohun kahato meiũwat seiam wakuat iꞌatuꞌe Pauru piat pe.

Iuwãu 11:48

-Yt kat i watunug pote ti aru yt watipyhyp i pote miitꞌin typyꞌi kahato rakaria Iesui mohey haria wo raꞌyn tukupteꞌen mesuwe iꞌatuꞌe. Miꞌi pote ti aru aiporekuaria Humanu ywania iꞌatupyꞌahak kahato tukupteꞌen wẽtup ok neꞌi raꞌyn watunug aiꞌywania Porekuatno iꞌatuwanetup hawe. Miꞌi pote ti aru taꞌatupoꞌoro raꞌyn taꞌatuesuraraꞌin aimoma hamo aheTupana yat pugha hamo iꞌatuꞌe toꞌope. Miꞌi hawyi aru ahetawa ikahu rakat taꞌatupugha yne raꞌyn e. Aiꞌywania taꞌatuꞌatuuka yne raꞌyn iꞌatuꞌe.

Mateu 24:16

Mekewat yt nakuat i sese wemopoĩꞌam hat eweiꞌakasa raꞌyn hawyi o eikohyeput raꞌyn yi Iuteu pyi yityꞌok koꞌi kape e.