Mateu 23:19 - Sateré-Mawé

¹⁹ Eiperia yt ehehapytig hin i rakaria ewy eweikupteꞌen. Kat som poꞌog waku eimiium ehũ yparakai sio yparakai poꞌog waku eimiium kai. Yt eweikuap apo yparakai eimiium koꞌi mowaku hap toineꞌen are e. Yparakai poꞌog waku eimiium koꞌi kai are e.

Mateu 23:19 Referans Kwoze

Mateu 23:17

Yt eiweꞌeg hin i eiꞌe hap upi kat e hap kat e hap ete. Katupono Tupana motypot yat topyhuꞌat uru kawiat koꞌi mowaku hap.

Mateu 23:18

Iꞌewyte mio tã eweiꞌe eimimuꞌeria pe iꞌatuꞌe hap moheg hamuat hap etiat -Pyno pe ti miitꞌin ehamo yparakai uimiium Tupana pe imotypot hamo hap upi atunug aru uiꞌe hap ewy toꞌe pote yt tutunug i iꞌe hap ewy pote waku eweiꞌe. Maꞌato iꞌewyte eweiꞌe miitꞌin me -Atimoheg atunug aru uiꞌe hap mekewat uimiium uihũ Tupana piat hap upi eweiꞌe pote yt etunug pote yt naku i eweiꞌe. Emiium Tupana piat hap upi e pote etunug no eweiꞌe.

Mateu 23:20

Miꞌi pote Tupana yparakai wakuat upi ehay moheg hamuat pote iꞌewyte kat som itotiat emiium kape hap wakuat wy toineꞌen are e. Katupono yparakai wakuat Tupana wanetup hawe pote iꞌewyte eihũ eimiium wakuat wy toineꞌen are e.