Mateu 23:17 - Sateré-Mawé

¹⁷ Yt eiweꞌeg hin i eiꞌe hap upi kat e hap kat e hap ete. Katupono Tupana motypot yat topyhuꞌat uru kawiat koꞌi mowaku hap.

Mateu 23:17 Referans Kwoze

Mateu 23:19

Eiperia yt ehehapytig hin i rakaria ewy eweikupteꞌen. Kat som poꞌog waku eimiium ehũ yparakai sio yparakai poꞌog waku eimiium kai. Yt eweikuap apo yparakai eimiium koꞌi mowaku hap toineꞌen are e. Yparakai poꞌog waku eimiium koꞌi kai are e.

Mateu 23:18

Iꞌewyte mio tã eweiꞌe eimimuꞌeria pe iꞌatuꞌe hap moheg hamuat hap etiat -Pyno pe ti miitꞌin ehamo yparakai uimiium Tupana pe imotypot hamo hap upi atunug aru uiꞌe hap ewy toꞌe pote yt tutunug i iꞌe hap ewy pote waku eweiꞌe. Maꞌato iꞌewyte eweiꞌe miitꞌin me -Atimoheg atunug aru uiꞌe hap mekewat uimiium uihũ Tupana piat hap upi eweiꞌe pote yt etunug pote yt naku i eweiꞌe. Emiium Tupana piat hap upi e pote etunug no eweiꞌe.

Epereu 2:11

Iesui ti aikoho kuap kahato. Pywo ti rat aipyꞌa piat aiminug saꞌag koꞌi aiwanetup hap koꞌi toimoweityk kuap. Miꞌi hawyi ainug Toꞌywot saꞌyruꞌin sakiꞌytꞌin no. Tupana mepytꞌin no ainug hawyi Iesui Aheykeꞌet Aikywyt toineꞌen. Waku pe kahato hawyi watopyhuꞌat. Aikoho tosuu wo hawyi yt tuwemoti i toꞌe hamo ahepiat -Miꞌiria ti uheꞌywytꞌin koꞌi uheinytꞌin koꞌi e hap pupi yt tuwemoti hin i toꞌe hamo. Aheykeꞌet Aikywyt Iesui watimohey hawyi aikoho tosuu wo hawyi waku kahato e.