Mateu 22:40 - Sateré-Mawé

⁴⁰ Meimuẽwat typy rakat kaipyi ti watikuap yne raꞌyn woꞌonapin hap. Miꞌi hap watunug miꞌi pote ti yne saꞌawyꞌi wuat Tupana ehay enoi haria woꞌonapin hap ewy raꞌyn watunug e Iesui woꞌonapin hat kuap hat pe mekewat woꞌomuꞌe hat pyꞌasetpiat.

Mateu 22:40 Referans Kwoze

Humanu 13:9

Kat pote saꞌawyꞌi yityꞌok tote Tupana tiwan nu tote puretig. Miꞌi hawyi tutum ahaꞌaseꞌi Muisei pe -Yt ereket reiꞌo wẽtup ok eꞌaito wywo wẽtup ok eharyꞌi wywo e. Yt etiꞌauka teiꞌo miit e. Yt eteroꞌok teiꞌo iraniaꞌin ekat e. Yt eheso teiꞌo iraniaꞌin minug hap ete iꞌatumaꞌat hamuat. Yt etiꞌatukyꞌesat reiꞌo eha wo iraniaꞌin ekat iraniaꞌin emiit e. Yt ereineꞌen neiꞌo ehaꞌywyi iraniaꞌin ekat ete e Tupana ainapin tomiwan me nu tote. Miꞌi e hap koꞌi waku watunug yne yne are. Iꞌewyte wẽtup ainapin hap poꞌog miꞌiria kai toineꞌen are. -Eweiꞌatukyꞌe ro iraniaꞌin eiwekyꞌe hap oktan e Tupana. Miꞌi e hap watunug mote yne Tupana kaipywiat ainapin hap tomiwan miat watunug naꞌyn.

Mateu 7:12

Pyno waku ewetunug aikotã iraniaꞌin tunug wakuap ehetiat hap ewy te waku ewetunug iraniaꞌin me aikotã mekewat Muisei woꞌonapin hap kaipywiat Tupana ehay moherep haria mienoi ewy e yityꞌok tote.

Iuwãu 1:17

Nimuat ahaꞌaseꞌi Muisei wyti henoi kahato waĩꞌe hap ahepuo maꞌato mesup ti koitywy Aipotypot Tupana Mipoꞌoro Sese Iesui raꞌyn henoi kahato ahepuo tegyiꞌat hap sese pywuat sehay e.

Tiaku 2:8

Saꞌawyꞌi Aipotypot Iesui aimuꞌe tehay pywuat sese wo. Mio tã e -Waku watiꞌatukyꞌe kahato iraniaꞌin aiwekyꞌe kahato hap ewy e ahepe ainapin hap sese.

1 Timoteu 1:5

Yt naku i ti watuꞌuka sehay potꞌi ete ereꞌe o itotiaria pe katupono Tupana tikyꞌesat aiwoꞌowese ahehay wuat hap ereꞌe o iꞌatuepe. Wẽtup wanetup hap wywo yn waku watoꞌokyꞌe ereꞌe o. Yt iꞌatuekat kyewi i ti watopotkyꞌe ereꞌe o. Waku watoꞌokyꞌe wẽtup sok yn aito Iesui mohey haria aito pote.

Karasia 5:14

Mio tã e ti Tupana Muisei miwan me -Eweiꞌatukyꞌe ro miitꞌin aikotã eweikyꞌe hap oktan e. Miꞌi tupono karãpe watoꞌopowyro aiwoꞌokyꞌe hap ete pote Tupana mikyꞌesat nug haria wo aito watopyhuꞌat.