Mateu 22:24 - Sateré-Mawé

²⁴ -Urumuꞌe hat saꞌawyꞌi Muisei toꞌe uruepe -Karãpe eiwyꞌok eheykeꞌet ikuꞌuro yt imepyt i te turan miꞌi pote waku hehiwu iꞌywyt po pe i raꞌyn topyhuꞌat ikuꞌuro rakat mepyt nug hamo e Muisei saꞌawyꞌi iꞌatuꞌe. Mio tã e tupono ti uruhenoi teran epe wẽtup sehay uhyt iꞌatuꞌe.

Mateu 22:24 Referans Kwoze

Iruka 20:28

Tõꞌẽ hawyi apo iꞌatuꞌe Iesui pe -Woꞌomuꞌe hat aheꞌaseꞌi Muisei miwan me mio tã toꞌe ahepe -Eꞌykeꞌet ikuꞌuro hawyi maꞌato yt kat i te mepyt rakat pote waku iykeꞌet i hehiwu heꞌaito wo toineꞌen iꞌywyt saꞌyru nug hamo hakiꞌyt nug hamo ikuꞌuro yt kat i haipepiaria pote e ti ahaꞌaseꞌi Muisei tomiwan me iꞌatuꞌe.

Maku 12:19

-Woꞌomuꞌe hat nimo te Muisei miwan ainapin hap mio tã e -Karãpe eheykeꞌet ikuꞌuro maꞌato yt kat i imepyt miꞌi pote waku hehiwu iꞌywyt eharyꞌi wo ikuꞌuro rakat mepyt nug hamo e ti Muisei mienoi nimuat mekewat Muisei miwan miat Teturonamia 25.5 pe iꞌatuꞌe.

Iruka 6:46

Kat pote ti uikay kay eipe uikaꞌiwat uikaꞌiwat eweiꞌe pykai yt ewetunug hin i uiꞌe hap koꞌi.

Mateu 22:36

Wẽtup ok -Woꞌomuꞌe hat e kat e hap kat e hap som poꞌog iwato Tupana ainapin hap wuatꞌi kai apo e Iesui pe.

Mateu 22:16

Miꞌi hawyi taꞌatupoꞌoro taꞌatuemiitꞌin morekuat Eroti emiitꞌin wywo Iesui maꞌat teran haype. Miꞌi hawyi teꞌeroꞌe -Urumuꞌe hat taꞌi uruikuap taꞌyn wyti ehay hãpyk hap iꞌatuꞌe. Taꞌi etiꞌatumuꞌe hãpyk kahato ti miitꞌin Tupana mikyꞌesat ewy iꞌatuꞌe. Iꞌewyte ti yt erekenꞌẽ hin i miitꞌin mupi iꞌatuꞌe. Iꞌewyte uruikuap ti aikotã miitꞌin etiꞌatumotypot toꞌoꞌewyꞌewy iꞌatuꞌe iwatoꞌin nakaria iꞌewyte kurin nakaria iꞌatuꞌe hap uruikuap taꞌyn uruto iꞌatuꞌe.

Mateu 7:21

Katupono ti aru yt torannia i uhet suat haria uikaꞌiwat kahato En uikaꞌiwat kahato En e haria tuwehytꞌok aikope Tupana toineꞌen morekuatno hap tote.

Mateu 22:25

Pyno saꞌawyꞌi so ihainia so haꞌyruꞌin sok 7 ok takaria. Miꞌiria so iꞌatueykeꞌet iharyꞌi raꞌyn maꞌato so yt tomepyt i te turan ikuꞌuro raꞌyn iꞌatueykeꞌet.

Iruka 20:33

Pyno uruikuap teran karapeĩ tukupteꞌen yne miitꞌin guꞌuro pyi hawyi apuru uwe wary wo aru mekewat hiwu iꞌatuꞌe katupono 7 ok heꞌaito apo iꞌatuꞌe Iesui pe.