Mateu 21:44 - Sateré-Mawé

⁴⁴ Uwe uwe taꞌat mekewat Nu miitꞌin mipun ete miꞌiria ti aru wepik pik sese haria wo teꞌeropyhuꞌat. Uwe uwe pe mekewat Nu taꞌat itotiaria pe miꞌi haria ti aru ikuꞌi kuꞌi wo teꞌeropyhuꞌat e.

Mateu 21:44 Referans Kwoze

1 Peteru 2:8

Karãpe toineꞌen nu muap tote hawyi wataꞌat tuereto mekewat nu ete aimopyꞌahak kahato. -Yt naku i mekewat nu aipuꞌap tote watoꞌe maꞌato iheg me toineꞌen. Miꞌi hap ewy kahato iraniaꞌin yt Iesui mohey i haria tukupteꞌen Tupana e hap Iesui etiat pe. Taꞌatupuẽti mekewat sehay wakuat hawyi iꞌatumopyꞌahak hap topyhuꞌat -Yt naku i iꞌatuꞌe.

Humanu 9:33

Waku uimiꞌairo mekewat Nu Wato ikahu rakat tote ewehaꞌawynug uimotypot yat e. Maꞌato taꞌatupuẽti itote mekewat Nu hawyi -Yt kan hamo i Miꞌi iꞌatuꞌe yt aimikyꞌesat ewywuat hin i iꞌatuꞌe Tupana pe hawyi Tupana Saꞌyru pun haria tukupteꞌen ne Iuteu ywania. Miꞌi hawyi iꞌatumipun topyhuꞌat iꞌatupuꞌap tote nu ewy. Mio karãpe Iuteu ywania ikohyewyry itote hawyi hewo hewo kahato meiẽwat Nu Wato ete e aikotã wataꞌat nu ete aipuꞌap upi wãtym muo turan hap ewy are. Mio tã Tupana toꞌe hap ewy -Uwe uwe mesuwat Nu ikahu kahato rakat ete taꞌat miꞌi haria teꞌeruweꞌauka hanuaria aru tukupteꞌen e maꞌato uwe uwe mekewat Nu Wakuat rote tuweꞌyat nug miꞌi hat wuatꞌi eꞌat piat Tupana mowepiit hat topyhuꞌat aru e Isaia tomiwan 8.14 pe.

Iruka 20:18

Uwe ipy aparap mekewat Nu ete pik e rakat topyhuꞌat. Maꞌato uwe pe mekewat Nu taꞌat raꞌyn Nu iꞌauka hap topyhuꞌat.

Mateu 27:25

Miꞌi hawyi teꞌeroꞌe -Yt eete i ti aru uhyt iꞌatuꞌe uruete urumepytꞌin ete aru iꞌatuꞌe. Taꞌi Iesui auka hap ti aru uruete uhyt iꞌatuꞌe.

1 Tesaronika 2:16

Yt ewehenoi teiꞌo iraniaꞌin wẽtup ywania pe iꞌatuꞌe uruepe. Katupono miꞌiria yt tikyꞌesat hin i iraniaꞌin ehakyeraꞌat hap katupono -Howapy yne raꞌyn iꞌatupiit iꞌatuminug saꞌag koꞌi wo. Yt kat i raꞌyn heiam howapy poityꞌi pote e Tupana. Toran naꞌyn putꞌok e raꞌyn koitywy iꞌatuꞌapiheg hap e Tupana Iuteuria pe topyꞌahak popuo.

Mateu 26:24

Taꞌi tohenoi yne ti raꞌyn saꞌawyꞌi miwan me aikotã aru Eheykeꞌet auka hamuat etiat e. Maꞌato ti aru mekewat uimaꞌat hat Tupana tiꞌuhu kahato e. Poꞌog yt naku i pe aru topyhuꞌat e. Taꞌi poꞌog teneke yt karãpe i tuwemoherep mesuwat yi totiat e. Poꞌog waku yt karãpe i toineꞌen e.

Iuwãu 19:11

Maꞌato Iesui tiwesat -Tupana yt enug i uruporekuatno mesuwarote pote yt aikotã kuap i uiꞌauka hamuat hap e maꞌato uiꞌauka pote iꞌaparap epiat hap iwato wen maꞌato poꞌog iwato ekawiat iꞌaparap hap mekewat uherut ewowiat hat wat e. Miꞌi wat ri iꞌaparap hap poꞌog epiat iꞌaparap hap kai e Iesui Piratu pe.

Mateu 21:43

Miꞌi e hap ewy kahato ti aru topyhuꞌat mesuwe katupono Tupana tihep aru eipo pyi morekuatno toineꞌen hap hawyi ti aru tutum wẽtup ywania kape raꞌyn tomikoi ypia hawyi tuwenug kahato haat koꞌi e.

Mateu 21:45

Mio tã e pote paꞌi kororia -Yt naku i ihay iꞌatuꞌe. Katupono ahete aimohit hap mio hãꞌãkap tohenoi iꞌatuꞌe.

Iruka 2:34

Miꞌi hawyi Simeãu tiꞌatupoityro raꞌyn hawyi toꞌe Maria pe -En wyti ereineꞌen woehakyeraꞌat hat ty wo raꞌyn katupono meiũwat hirokat Tupana miꞌairo sese toineꞌen. Miꞌi pote toiꞌapiheg kuap kahato miitꞌin iꞌewyte toiꞌatuhakyeraꞌat kuap kahato Isareu ywania. Miꞌi kaipyi ti watikuap taꞌyn hirokat Tupana mipoꞌoro sese toineꞌen hap. Maꞌato ti aru typyꞌi kahato miitꞌin Ihay saꞌag tuwetiat rakaria.