Mateu 21:27 - Sateré-Mawé

²⁷ Miꞌi hawyi -U paĩ uhyt yt uruikuap i sese wyti uwe mipoꞌoro Iuwãu iꞌatuꞌe. -Pyno yt uiwesat i pote Uito iꞌewyte yt worohoꞌowesat kuap i uwe ehay pyi miꞌi tã atunug hap e.

Mateu 21:27 Referans Kwoze

2 Kuriniu 4:3

Maꞌato yt watimoherep Iesui etiat muap Tupana kapiat pote yt taꞌatukuap hin i. Miꞌi hawyi aimimuꞌeria yt ikuap takaria i wo tukupteꞌen. Yt naku i yt wahenoi i katupono yt wahenoi i hawyi tuwat aria kape yt taꞌatukuap i Tupana etiat pote.

Humanu 1:28

Miꞌiria pe wahenoi sehay wakuat Tupana etiat pote waĩꞌiꞌatuꞌe ahepe katupono yt taꞌatukyꞌesat i. Miꞌi sehay kape yt teꞌeruwanetup teran i. Yt taꞌatukyꞌesat iꞌatuewaure kaꞌa pe iꞌatuwanetup hawe -Yt kat i Tupana sese iꞌatuꞌe toꞌope pote toineꞌen pykai. Miꞌi pote Tupana toꞌe miꞌiria ewywuaria pe -Hẽto eiwewanetup eiminug saꞌag kape yn aat kaꞌap eimikyꞌesat ewy e. Miꞌi hawyi poꞌog yt ihainia ewy i yt haryporia ewy i teꞌeropyhuꞌat taꞌatupyꞌa pe taꞌatuwanetup hawe taꞌatuminug. Yt naku i hap koꞌi yn neꞌi taꞌatunug taꞌatuwẽpyi hap ewy. Teꞌeruwepyi Tupana wanetup hap ikahu rakat kaipyi iꞌatuehamanaꞌi.

Iuwãu 9:30

Miꞌi hawyi iha pakup takat tuwanetup kahato hawyi toꞌe -Kat pote aikope pyi tuut hap yt eweikuap i te are e. Eiwanetup to mehinꞌin katupono Miꞌi Miit uimoꞌakasa raꞌyn paĩ e.

Mateu 16:3

Pyno mukiꞌite hune ete eiwehaꞌat atipy kape turan ihup hawyi --Yt aat kahu hin i raꞌyn maꞌato iꞌaman hamuat hap eweiꞌe. Miꞌi hap koꞌi eweikuap kahato pykai uimimoherep ehepiat koꞌi yt eweikuap hin i aikotã aru Tupana topyhuꞌat morekuatno hap e.

Mateu 15:14

Pyno yt arewanetup teran i poꞌog Wariseuria kape katupono miꞌiria ti tukupteꞌen yt iha pytig i rakaria ewy. Miꞌiria ti karãpe yt iha pytig rakaria i toꞌoporereto iraniaꞌin hawyi meremo hewo yne yi kaꞌa pe.

Mateu 21:26

Maꞌato miitꞌin mipoꞌoro ti Iuwãu aiꞌe pote ti aru miitꞌin iꞌatupyꞌahak kahato ahete katupono iraniaꞌin Iuwãu ti Tupana ehay moherep hat e haria tukupteꞌen iꞌatuꞌe.

Mateu 21:28

Maꞌato waku eiwanetup uimienoi kape e. Saꞌawyꞌi so wẽtup ok miit typy ok haꞌyru rakat toineꞌen. Miꞌi hawyi wẽtup eꞌat pe so toꞌe tosaꞌyru yian me -Uhaꞌyru e atikyꞌesat wyti koitywy epotpap uimikoi ypia pe e.