Mateu 21:26 - Sateré-Mawé

²⁶ Maꞌato miitꞌin mipoꞌoro ti Iuwãu aiꞌe pote ti aru miitꞌin iꞌatupyꞌahak kahato ahete katupono iraniaꞌin Iuwãu ti Tupana ehay moherep hat e haria tukupteꞌen iꞌatuꞌe.

Mateu 21:26 Referans Kwoze

Maku 6:20

Morekuat Eroti tikuap taꞌyn Iuwãu wakuat kahato hap. Miꞌi hawyi toikawiatno Iuwãu katupono morekuat tikuap teran Iuwãu ehay aikotã kahato hap. Toikuap hawyi ikenmuꞌe kahato tuwete.

Iuwãu 5:35

Taꞌi saꞌawyꞌi Iuwãu mienoi uhetiat ariãty ewy hẽtyhot yne e. Haꞌawyte ran eweikupteꞌen Iuwãu ehay upi ihay se kahato eweiꞌe saꞌawyꞌi.

Mateu 21:46

Miꞌi pote taꞌatupyhyp teran Iesui wen maꞌato typyꞌi kahato miitꞌin Iesui apypueri wo tukupteꞌen pote teꞌerokenꞌẽ neꞌi ipyhyp hamo -Iesui ti Tupana ehay moherep hat sese toineꞌen iꞌatuꞌe iꞌapypueri haria pote teꞌerokenꞌẽ miꞌiria mopyꞌahak hap pupi.

Mateu 14:5

Miꞌi hap kaipyi Eroti tiꞌauka teran Iuwãu woꞌosetꞌok hat maꞌato tokenꞌẽ miitꞌin pupi katupono iꞌatuwanetup hawe taꞌatupuẽti Iuwãu woꞌosetꞌok hatno wyti Tupana ehay moherep hat toineꞌen.

Mateu 11:9

Pyno kan hamo eweiwat eiwehaꞌat hamo. Pyno Tupana ehay moherep hat kapiat eiwehaꞌat hamo apo. Taꞌi pywo pe areꞌe eweiꞌakasa kahato raꞌyn ti poꞌog Tupana ehay moherep rakat kape.

Iesui Potmuꞌeria 5:26

Mio tã e hap taꞌatukuap hawyi suraraꞌin sem tuwat i raꞌyn iꞌatueropoꞌok hamo. Miꞌi hawyi toꞌe suraraꞌin akag muap upi temiitꞌin me -Eimitum mo o e yt eweiꞌatusatyꞌi satyꞌi teiꞌo mekewat Pauru e hap het rakat mesuwe miitꞌin sem ipotmuꞌeria typyꞌi tok pe e kat pote meremo ti aru miitꞌin sem aiꞌatuꞌuka nu wo e. Eiweꞌeg wo o e. Miꞌi hawyi suraraꞌin tiꞌatukay kay Iesui emiitꞌin.

Iuwãu 9:22

Mio tã hap ewy iꞌywotꞌin teꞌeroꞌe katupono Iuteu ywania akag koꞌi pupiat teꞌerokenꞌẽ haype katupono Iuteu akag koꞌi teꞌeroꞌe raꞌyn toꞌope -Uwe uwe Iesui Tupana Mipoꞌoro Aiporekuatnuat e hat o watipun naꞌyn Tupana motypot yat wato pyi iꞌatuꞌe.

Iruka 22:2

Miꞌi hawyi itote paꞌi kororia iꞌewyte waĩꞌe hap enoi haria tikat kahato aikotã waku migꞌi wo Iesui auka hamo hap taꞌatukat tawa Ierusarẽi me wen maꞌato yt taꞌatupuẽti i katupono Iesui kyꞌe haria sem mupi teꞌerokenꞌẽ kahato itote.

Iruka 20:19

Mio tã toꞌe hawyi paꞌi akag koꞌi iꞌewyte nagnia ehay enoi haria teꞌeroꞌe toꞌope -Yt naku i Iesui ehay ahete iꞌatuꞌe toꞌope. Miꞌi pote taꞌatupytyk teran Iesui iꞌauka hamo maꞌato miitꞌin pupi teꞌerokenꞌẽ katupono iraniaꞌin Iesui mimuꞌeria -Waku kahato aimuꞌe Iesui iꞌatuꞌe toꞌope miꞌi tupono yt taꞌatupytyk kuap i.

Iruka 20:6

Maꞌato miitꞌin Iuwãu poꞌoro haria watoꞌe pote mesuwat iraniaꞌin sem Iuwãu kyꞌe haria meremo aiꞌauka katupono taꞌatumohey imienoi. Tupana ehay moherep hat koro Iuwãu iꞌatuꞌe toꞌope.

Maku 12:12

Mio tã e pote hewanikaptia teꞌeruwanetup kahato hawyi teꞌeroꞌe -Ahete ti mio ihay iꞌatuꞌe pote taꞌatupytyk teran wen maꞌato typyꞌi poityꞌi teꞌerewaꞌatunug hewowi pote teꞌerokenꞌẽ hawyi tuwat Iesui yatypepyi.

Maku 11:32

Maꞌato miitꞌin mipoꞌoro ti Iuwãu watoꞌe pote aru iꞌatupyꞌahak ahete iraniaꞌin katupono iraniaꞌin Iuwãu mohey haria tukupteꞌen iꞌatuꞌe toꞌope.

Mateu 21:11

-Taꞌi Miꞌi Miit ti mekewat Tupana ehay moherep hat yi Karireia tawa Nasare kaipywiat iꞌatuꞌe.

Mateu 21:25

Uwe pyno woꞌosetꞌok hat Iuwãu poꞌoro hat sio Tupana ipoꞌoro sio miitꞌin ipoꞌoro haria e. Mio tã pote teꞌeruwanetup toꞌoꞌewowi -Taꞌi Tupana mipoꞌoro Iuwãu aiꞌe pote aru kat poteĩ pyno yt eweimohey i e aru iꞌatuꞌe.

Mateu 21:27

Miꞌi hawyi -U paĩ uhyt yt uruikuap i sese wyti uwe mipoꞌoro Iuwãu iꞌatuꞌe. -Pyno yt uiwesat i pote Uito iꞌewyte yt worohoꞌowesat kuap i uwe ehay pyi miꞌi tã atunug hap e.