Mateu 21:11 - Sateré-Mawé

¹¹ -Taꞌi Miꞌi Miit ti mekewat Tupana ehay moherep hat yi Karireia tawa Nasare kaipywiat iꞌatuꞌe.

Mateu 21:11 Referans Kwoze

Iuwãu 6:14

Miꞌi pote Iesui minug wakuap kapiat akasa haria teꞌeroꞌe toꞌope -Pywo pe ti aimiekatup Miꞌi Miit iꞌatuꞌe. Miꞌi Miit ti Tupana Mipoꞌoro tehay moherep ahepiat hanuat iꞌatuꞌe.

Iuwãu 7:40

Miꞌi hawyi itotiaria iraniaꞌin tikuap taꞌyn Iesui e hap eweiwat ro uhewowi e hap hawyi teꞌeroꞌe toꞌope -Pywo pe ti Miꞌi Miit wyti aimiekatup Tupana ehay Moherep hat aimuꞌe hanuat raꞌyn iꞌatuꞌe.

Iruka 7:16

Miꞌi pote torannia miitꞌin teꞌerokenꞌẽ kahato raꞌyn hawyi teꞌerehum kahato raꞌyn Tupana kape. Miꞌi hawyi mio tã iꞌatuꞌe -Taꞌi Tupana ehay moherep hat koro wyti tuwemoherep taꞌyn urupyꞌasetpe iꞌatuꞌe. Tupana ti tuut raꞌyn temiitꞌin ehakyeraꞌat hamo iꞌatuꞌe.

Iesui Potmuꞌeria 7:37

Taꞌi aiꞌywania miꞌatoiat Muisei saꞌawyꞌi topyhuꞌat Tupana miꞌairo miꞌi miit pykai e Etewãu toꞌauka teran haria pe. Taꞌi nimuat Muisei henoi yiannote Isareu ywania pe -Uiꞌywania e meiũran wyti aru Tupana tomowato kahato tomipoꞌoro uiꞌewywuat eiporekuat koro wo e. Miꞌi Miit uhaipepiat sese tuwemoherep aru wẽtup ahemiariru e saꞌawyꞌi Muisei e.

Iuwãu 9:17

Miꞌi hawyi apo iꞌatuꞌe ihapytig rakat pe iraꞌyn -Kat ereĩ pyno erewanetup mekewat emoehapytig hat ete apo iꞌatuꞌe hawyi toiꞌatuwesat -Taꞌi Tupana ehay enoi hat wyti Miꞌi e iꞌatuepe.

Mateu 2:23

Miꞌi hawyi tukupteꞌen mekewat tawa Nasare pe raꞌyn. Miꞌi tã ti tuwemoherep aikotã saꞌyru tehay moherep haria puo pywiat imienoi ewy. Miꞌi pote wyti Iesui Nasare piat iꞌatuꞌe.

Iuwãu 4:19

Miꞌi pote toiwesat -Are an atikuap taꞌyn mimi En ni Tupana kaipywiat moherep hat e.

Iuwãu 1:21

Mio tã e pote -Uwe sese pyno en sio apo saꞌawyꞌi wuat ahaꞌaseꞌi Tupana ehay moherep hat Eria putꞌok e i raꞌyn atipy kaipyi apo pyno iꞌatuꞌe. -Yt miꞌi i ti uito e. -Sio apo en mekewat Tupana ehay enoi eꞌyian miat hat urumiekatup sio yt iꞌatuꞌe. -Yt miꞌi i ti uito e Iuwãu apo e haria pe.

Maku 6:15

Miꞌi hawyi wẽtup ok wẽtup ok toꞌe -Iesui wyti Tupana ehay moherep nimuat hat Eria iꞌatuꞌe. Maꞌato iraniaꞌin -Taꞌi Iesui wẽtup ok Tupana ehay moherep hat saꞌawyꞌi wuat toineꞌen iraꞌyn iꞌatuꞌe.

Iruka 24:19

Mio tã toꞌe hawyi Iesui apo e -Aikotã som tokosap itote e. Miꞌi hawyi toiwesat -Saꞌag kahato taꞌatunug naꞌyn itote wẽtup ok ete mekewat Iesui ete mekewat tawa hit Nasare kaipywiat hat ete e. Taꞌi Tupana ehay enoi hat kahato e. Pywo pe ti iminug koꞌi iwato kahato tutunug yt uwe minug ewywuat i e. Waku kahato Tupana wywuat iꞌewyte miitꞌin miitꞌin wanetup hawe iꞌatuꞌe.

Iuwãu 1:25

-Mehin iꞌatuꞌe pyno en yt Tupana mipoꞌoro wuatꞌi porekuatnuat i pykai kat pote pyno etiꞌatusetꞌok aiꞌywania yꞌy wo iꞌatuꞌe. Uito yt Eria i ere yt Tupana ehay moherep hat aimiekatup ere pykai kat tuponoĩ etiꞌatusetꞌok setꞌok aiꞌywania yꞌy wo iꞌatuꞌe.

Iruka 13:33

Mesup eꞌat pe uipotpap teran miitꞌin moehãite hap ete hawyi mukiꞌite iꞌewyte uipotpap teran hawyi mukiꞌite eꞌihatꞌok hawyi toran naꞌyn uipotpap hap mesuwe katupono uiꞌauka hap eꞌat aru putꞌok e raꞌyn are. Maꞌato yt karãpe i Tupana ehay moherep haria wẽtup etawa pe iꞌauka hap. Tawa Ierusarẽi me yn waku toꞌauka hap. Waku miowat uiꞌe hap ewehenoi mekewat Awahuru pe e.

Iruka 7:39

Miꞌi hap kape woꞌonapin hat tehaꞌat hawyi mio tã e tuwanetup hawe -Sio meiẽ miit Tupana ehay moherep hat pote ren toikuap uwe meiẽ haryporia hap. Katupono uwe hemig meiẽwat miit miꞌi hat wyti iꞌaparap kahato hatno toineꞌen e tuwanetup hawe.

Mateu 21:10

Miꞌi hawyi putꞌok e Iesui tawa wato Ierusarẽi me hawyi itotiaria iraniaꞌin ikohyeputꞌi kohyeputꞌi kowoꞌi kowoꞌi -Uwe som Miꞌi Miit iꞌatuꞌe toꞌope.

Mateu 21:26

Maꞌato miitꞌin mipoꞌoro ti Iuwãu aiꞌe pote ti aru miitꞌin iꞌatupyꞌahak kahato ahete katupono iraniaꞌin Iuwãu ti Tupana ehay moherep hat e haria tukupteꞌen iꞌatuꞌe.

Mateu 21:46

Miꞌi pote taꞌatupyhyp teran Iesui wen maꞌato typyꞌi kahato miitꞌin Iesui apypueri wo tukupteꞌen pote teꞌerokenꞌẽ neꞌi ipyhyp hamo -Iesui ti Tupana ehay moherep hat sese toineꞌen iꞌatuꞌe iꞌapypueri haria pote teꞌerokenꞌẽ miꞌiria mopyꞌahak hap pupi.