Mateu 20:27 - Sateré-Mawé

²⁷ Uimohey haria wuatꞌi eropat kahato haria yn ni waku akag wo tukupteꞌen Tupana wanetup hawe e.

Mateu 20:27 Referans Kwoze

Iruka 22:26

Maꞌato eipe ti yt miꞌiria ewywuat no i eweikupteꞌen e. Uwe toineꞌen poꞌog iraniaꞌin kai waku miꞌi temiitꞌin eropat hatno toineꞌen. Waku uwe morekuatno toineꞌen miꞌi ti eropat hat wo toineꞌen e.

2 Kuriniu 4:5

Yt watuwemotypot i ahehay wo miitꞌin miat wahenoi turan. -Eheropat haria uruto watoꞌe katupono Iesui emiit uruto pote watoꞌe. Miꞌi hawyi Iesui yn Aiꞌakag watoꞌe. Miꞌi yn Tupana tipoꞌoro Aiporekuat no. Miꞌi yn aimimotypot sese watoꞌe. -Eheropat haria yn waku watoꞌe wahenoi Iesui etiat turan.

Mateu 18:4

Pyno uwe teke teran Tupana toineꞌen morekuatno hap tote rakat wyti tuwemohit kahato hat yt tuwemowato hin i rakatno toineꞌen. Uito poꞌog yt e hin i hat. Waku hirokat ewywuat yt tuwepe wanetup hat ewy.

Humanu 1:14

Uipap kahato Iesui kapiat miitꞌin porerokosap hamo maꞌato yt atimoherep i Iesui wuatꞌi ywania pe pote yt naku i nug hat arepyhuꞌat Tupana pe. Miꞌi pote yne ywania miitꞌin kape areto teran Iesui moherep hamo sio iweꞌeg kahato rakaria kape sio yt. Yne ywania kape areto teran pote ehetama kape areto wy. Tawa wato piaria kape areto teran Iesui ehay moherep hamo iꞌewyte yne tawa hit kape areto teran wy. Yne tapyiꞌaria kape areto wy sio haiwot rakaria kape sio iwese rakaria kape sio gaꞌapy puaria gupteꞌen haria sio tawa watoꞌin puaria kape areto wy. Iwan kuap kahato haria kape areto wy. Yt kat kuap i haria kape areto wy. Uipap kahato wuatꞌi miit ekyi Iesui kapiat hamo. Taꞌi areineꞌen aikotã weteweru hat ewy. -Etum no uhehay wuatꞌi miitꞌin me uhehay yt kuap i haria pe e Iesui uhepe pote atum neran wuatꞌi ywania pe wen maꞌato yt atum i pote wuatꞌi piat weteweru hat ewywuat areineꞌen.

2 Kuriniu 12:15

Worohoꞌokyꞌe kahato eipe aikotã uhaꞌyruꞌin uhakiꞌytꞌin sese ewy worohoꞌokyꞌe. Aikotã eiꞌywot ewy areineꞌen paĩ are. Taꞌi uimiꞌat uiko kaipyi uimiereko kaipyi worohoꞌopoi hap ewy atunug itote. Taꞌi areineꞌen eipyꞌasetpe eimuꞌe Iesui etiat haype yt kat saꞌup i ete worohoꞌomuꞌe katupono eiꞌywot ewy areineꞌen. Uipoi ro yt areꞌe hin i katupono aikotã aiꞌywotꞌin yt karãpe i -Eweium no saꞌup uhepe hawyi worohoꞌopoi yt iꞌatuꞌe i. Uito ti ety ewy pote atiꞌatumoma yne uhekat ehepe eipowyro hamo worohoꞌokyꞌe kahato haype. Maꞌato miꞌi pykai yt uikyꞌe hin i eipe. Poꞌog poꞌog neꞌi yi kape uikyꞌe hap worokyꞌe poꞌog poꞌog pykai are. Maꞌato miꞌi pykai poꞌog poꞌog atum aru ehepe uimepytꞌin eipe pote.

2 Kuriniu 11:5

-Tupana mipoꞌoro sese uruto iꞌatuꞌe ehepe eimuꞌe hamo. Urupoꞌoro uruto poꞌog Tupana mipoꞌoro Pauru kai iꞌatuꞌe. Iꞌatueso kahato neꞌi katupono areineꞌen Iesui miꞌairo sese ipotpoꞌororia 12 ok takaria ewywuat areineꞌen are.

Mateu 20:26

Maꞌato yt atikyꞌesat i eipe mesuwarotiat morekuaria ewywuaria eweikupteꞌen eiwoꞌope e. Miꞌi pote uwe uwe topyhuꞌat teran akag wo eipyꞌasetpe miꞌi hat waku tuwenug semiit yne miitꞌin eropat hatno e.

Mateu 20:28

Uito Eheykeꞌet wuatꞌi miitꞌin eropat hat kahato areineꞌen wuatꞌi miitꞌin powyro hat e. Uito Eiporekuat koro areineꞌen wen maꞌato yt iraniaꞌin morekuaria ewywuat i. Iꞌewyte atum irane uheineꞌen hap saꞌup miitꞌin kyiꞌat Tupana watnuat hamo e Iesui topotmuꞌeria pe.