Mateu 20:15 - Sateré-Mawé

¹⁵ Waku uhekat wywo atunug uimikyꞌesat ewy uhegyiꞌat hap oktan e. Ehaꞌywyi uhegyiꞌat uhekat wywo pote e ipotpap aat rakaria pe e.

Mateu 20:15 Referans Kwoze

Maku 7:22

Iꞌewyte uiatno yn iraniaꞌin ekareꞌen e hat atiꞌatumoweukaꞌi mo uito iraniaꞌin e hat atimaꞌat sehay wo wẽtup ok e hat uito ti poꞌog uhewaku iraniaꞌin kai e hat ti Tupana ehay etiat wekyryꞌi hat yt iweꞌeg i rakat. Tuwepyi taꞌatuehay taꞌatupyꞌa pywiat taꞌatunug yt naku i e.

Mateu 6:23

Maꞌato yt ehehapytig i pote ti yt heremo kahato i kat koꞌi kat koꞌi eiꞌakasa hap koꞌi e. Miꞌi pote yne eipiit pe iꞌypyryp sese puo yn ehewyry hap ewy e. Yt eweimohey i pote aikotã iꞌypyryp wato sese puo yn ehewyry hap ewy eweipyhuꞌat eiwanetup hawe e.

Iuwãu 17:2

Papai uinug naꞌyn yne miitꞌin mimotypotno katupono etikyꞌesat kahato miitꞌin emiium koꞌi emiꞌairoria ehakyeraꞌat hamuat hap e.

Ewesu 2:1

Haꞌawyte kahato yt uwe i eimuꞌe hat Iesui etiat turan yt Iesui mohey haria i eipe turan miꞌi hap eꞌat pe yt eweikuap hin i Tupana etiat aikotã ikuꞌuro rakaria yt tikuap hin i ahehay hap ewy mekewat eꞌat pe. Saꞌawyꞌi yt eweikuap hin i Tupana ehay are.

Ewesu 1:11

Yne tomikyꞌesat ewy Tupana saꞌawyꞌi aiꞌairo raꞌyn tomikyꞌesat ewy. Miꞌi hawyi ainug tosakiꞌytꞌin no tosaꞌyruꞌin no Aheykeꞌet Aikywyt Iesui ewywuat ainug wẽtup miit mepytꞌin koꞌi ewywuat ainug naꞌyn aito watimohey Iesui hawyi. Tomikyꞌesat ewy tutum aru ahepe topowatꞌyp yne yne. Hekat kahato rakaria wo watopyhuꞌat wuatꞌi eꞌat pe aikotã toꞌe saꞌawyꞌi wuat hap ewy raꞌyn tutum ahepe.

1 Kuriniu 4:7

Miꞌi pote kat hamo watoꞌe iraniaꞌin me -Uito poꞌog ekai katupono Tupana tum ahepe tomisepap kuap nug kuap hap. Yt aiwewi i watikuap wuatꞌi nug hamuat maꞌato Tupana miium kaipyi wahepap maꞌato yt pote yt kat i aikai. Pyno kat hamo ten -Uito poꞌog waku eikai watoꞌe aipyꞌa pe.

Iesui Potmuꞌeria 13:45

Miꞌi hawyi Iuteuria potnagnia teꞌeraꞌakasa miitꞌin typyꞌi kahato Pauru upi. Miꞌi pote iꞌatuehayꞌywyi tuete. Miꞌi hawyi -Taꞌi eheso kahato iꞌatuꞌe. Etiꞌatumaꞌat neꞌi rat miitꞌin Tupana ete iꞌatuꞌe.

Mateu 11:25

Mekewat eꞌat pe Iesui toꞌe -Uiꞌywot En wyti mesuwat yi totiaria iꞌewyte atipy piaria potypot ereineꞌen. Miꞌi pote arehum ewowi katupono tukupteꞌen iraniaꞌin uruto ti yt uruikuap hin i te En iꞌatuꞌe aikotã hirokaria ewywuaria miꞌiria uimohey sese haria. Maꞌato iraniaꞌin uruto ti uruikuap kahato e haria wyti yt uikuap hin i haria teꞌeropyhuꞌat.

Tiaku 5:9

Uiwyriaꞌin yt naku i watoꞌoehay petek petek hekatup haype katupono woꞌoehay petek petek haria pe ti aru -Yt nakuaria i eipe e aru Tupana. Yt pya hin i aikaꞌiwat uut hamuat uwe waku uwe yt naku i toꞌe hamo. Yt pya hin i Aikaꞌiwat uut hap aikotã okenꞌypy og me hap ewy yn ni toineꞌen meke -Areke teran e hat ewy toineꞌen.

Tiaku 1:18

Tehay pywuat sese wo ainug tomepytꞌin koꞌi. Miꞌi hawyi aito watopyhuꞌat Tupana mowepiit kahato haria aikotã aimikoi pakup haat rakat aimowepiit hap topyhuꞌat. Miꞌi hap ewy aito Iesui mohey haria watopyhuꞌat Tupana mowepiit hanuaria wo sese katupono -Poꞌog poꞌog uimikyꞌeria eipe torannia uiminug koꞌi kai e Tupana ahepe tosaꞌyruꞌin me tosakiꞌytꞌin me.

Ewesu 2:5

Towese hap kaipyi ahehakyeraꞌat Tupana. Aikotã ikuꞌuro rakat yt ihay i hap ewy yt ahehay hin i Tupana kape mekewat eꞌat pe. Taꞌi yt ahehay kuap i. Karãpe Tupana ihay ahowawi turan mekewat eꞌat pe yt watiwesat kuap i kat pote ikuꞌuro rakaria ewy watoineꞌen Tupana ewowi pote. Maꞌato miꞌi pykai aiwyꞌinug tuwewawi Aipotypot Iesui ehay upi.

Mateu 20:14

Eipo pe raꞌyn eheꞌat saꞌup e. Koitywy ti waku raꞌyn eweiꞌaipok eiꞌyat kape. Katupono eheꞌat saꞌup toineꞌen eipo pe uiꞌe hap ewy atum e. Atum naꞌyn watꞌyp koꞌi motpap haria wat ewy wẽtup eꞌat saꞌup e.