Mateu 20:11 - Sateré-Mawé

¹¹ Miꞌi pote ipotpap aat rakaria iꞌatuehay saꞌag neꞌi raꞌyn mekewat Uwa ypia kaꞌiwat pe.

Mateu 20:11 Referans Kwoze

1 Tesaronika 2:16

Yt ewehenoi teiꞌo iraniaꞌin wẽtup ywania pe iꞌatuꞌe uruepe. Katupono miꞌiria yt tikyꞌesat hin i iraniaꞌin ehakyeraꞌat hap katupono -Howapy yne raꞌyn iꞌatupiit iꞌatuminug saꞌag koꞌi wo. Yt kat i raꞌyn heiam howapy poityꞌi pote e Tupana. Toran naꞌyn putꞌok e raꞌyn koitywy iꞌatuꞌapiheg hap e Tupana Iuteuria pe topyꞌahak popuo.

Iruka 19:7

Maꞌato iraniaꞌin tikuap Sakeu yat kapiat Iesui to hap hawyi teꞌeroꞌe toꞌope -Yt naku i Iesui iꞌatuꞌe katupono yt nakuat i rakat yat kape toto iꞌatuꞌe. Ahewanikap yat kape toto iꞌatuꞌe toꞌope.

Iuta 1:16

Iꞌatuweukaꞌi tetiat hap sio tomohit hap koꞌi toiꞌapykok yne hamo. AheTupana tuut tesuraraꞌin sem wywo e Enoki nimo. Miꞌiria ti taꞌatumikyꞌesat saꞌag ewywuat raꞌyn nug aat kaꞌap maꞌato yt heremo i haria are. Taꞌatuwẽ pyi ti -Uito poꞌog wuatꞌi kai iꞌatuꞌe ahepe are. Miꞌiria tikyꞌesat kahato taꞌatumotypot kahato hap -En poꞌog urukai iꞌatuꞌe iraniaꞌin hap. Miꞌiria ti ikat kahato taꞌatumotypot kahato -En ni yt naku i rakat iꞌatuꞌe wakuaria pe. Karãpe aiwat aimikyꞌesat ete aipowyro hawyi aheromopusu kahato hap -Yt naku i ti meke tã miꞌi miit ewy watunug iꞌatuꞌe iraniaꞌin me ahetiat pe. Yt watiꞌatumowepiit kuap i raꞌyn miꞌiria are. Taꞌatumikyꞌesat saꞌag yn taꞌatunug neran mote wakuat yt taꞌatunug kuap i taꞌatuhãꞌãg pykai are. -Uito ti waku kahato poꞌog torannia kai wakuap atunug iꞌatuꞌe. Waku kahato en iꞌatuꞌe ahepe ahekat kyewi. Iꞌatuehay se rakat taꞌatuehay wo aimowepiit maꞌato yt pywo pe hin i aimaꞌat teran haype neꞌi are. Miꞌi tã hap ete teꞌeremopokuap kahato. Miꞌiria ti teꞌeropotmuꞌe wẽtup sehay yt Iesui etiat enoi haria hin i. Eiweꞌeg wo o Tupana ehay pun haria miꞌiria are.

Iesui Potmuꞌeria 13:45

Miꞌi hawyi Iuteuria potnagnia teꞌeraꞌakasa miitꞌin typyꞌi kahato Pauru upi. Miꞌi pote iꞌatuehayꞌywyi tuete. Miꞌi hawyi -Taꞌi eheso kahato iꞌatuꞌe. Etiꞌatumaꞌat neꞌi rat miitꞌin Tupana ete iꞌatuꞌe.

Iruka 15:2

Miꞌiria Iesui tiꞌatumuꞌe kahato miꞌiria. Miꞌi hawyi iraniaꞌin itotiaria woꞌonapin haria wanꞌi wanꞌi haria teꞌeroꞌe -Kat poteĩ Iesui ihay yt nakuaria i wywo iꞌatuꞌe. Iꞌewyte tenuk yt nakuaria wywo iꞌatuꞌe toꞌope.

Iruka 5:30

Miꞌi pote woꞌonapin haria iꞌewyte wanꞌi wanꞌi e haria Irewi wyriaꞌin iꞌatupyꞌahak kahato Iesui emiitꞌin ete. Miꞌi haype apo iꞌatuꞌe -Kat poteĩ ewehenuk iꞌewyte eiweꞌyꞌu saꞌup poreraꞌat haria wywo neꞌi iꞌewyte iraniaꞌin yt nakuaria i wywo neꞌi iꞌatuꞌe.

Mateu 20:10

Meiũran putꞌok iꞌatuꞌe yian miat ipotpap takaria. Miꞌiria teꞌeruwanetup teꞌeruwepe -Ahepe ti aru poꞌog tutum katupono aito poꞌog aipotpap aat pote iꞌatuꞌe. Maꞌato tutum saꞌup aikotã iraniaꞌin me tutum hap oktan ne neꞌi.

Mateu 20:12

-Meimuẽwat pe etum uruwat saꞌup oktan ne neꞌi wẽtup ora hap ewy iꞌatupotpap pykai iꞌatuꞌe. Uruto kue aat hakup we kahato mesuwe urupotpap aat kaꞌap iꞌatuꞌe.

Maku 14:5

Yt naku i ti mohag hy moma yne hat haryporia iꞌatuꞌe. Waku poꞌog ti toiweneru hawyi ti haꞌup iwato yt hekat i rakaria pe toimoꞌẽ iꞌatuꞌe. Taꞌi haꞌup 300 ape parata kawiat iꞌatuꞌe. Miꞌi pote -Yt naku i etunug iꞌatuꞌe haryporia pe

Iuwãu 6:41

Mio tã e hawyi taꞌatueromopusu Iesui -Uito man atipy kaipywiat e pote.

Iuwãu 6:61

Miꞌi hawyi Iesui tikuap taꞌyn temiitꞌin ehay saꞌag tetiat hap tuwanetup hawe. Miꞌi haype toꞌe topotmuꞌeria pe -Pyno uimienoi ehepiat eimoꞌarotꞌi apo e.