Mateu 2:23 - Sateré-Mawé

²³ Miꞌi hawyi tukupteꞌen mekewat tawa Nasare pe raꞌyn. Miꞌi tã ti tuwemoherep aikotã saꞌyru tehay moherep haria puo pywiat imienoi ewy. Miꞌi pote wyti Iesui Nasare piat iꞌatuꞌe.

Mateu 2:23 Referans Kwoze

Maku 1:24

Kat ere teran som uruete. Taꞌi uruikuap ti en tawa Nasare kaipywiat en ni Tupana wakuat saꞌyru e tehay pirik wo. Uruꞌatuuka hamo apo eriot iꞌatuꞌe.

Mateu 26:71

Miꞌi hawyi Peteru toto mekewat okenꞌypy wato kawiatnuat og kape mekewat haryporia hit yatypepyi. Miꞌi hawyi itote wẽtup ok i raꞌyn iꞌatueropat hat rẽ haryporia toꞌe towyriaꞌin me -Atikuap ti uito meiẽwat e. Mekewat tawa Nasare piat turan wuat Iesui wywuat ieineꞌen hat wyti e.

Mateu 1:22

Pywo tuwemoherep taꞌyn wyti aru aikotã saꞌawyꞌi wuaria tehay moherep haria po pyi Tupana mienoi ewy.

Iesui Potmuꞌeria 24:5

Miꞌi miit Pauru wyti uruikuap kahato yt naku i hap ete e. Taꞌi sakpo e yt nakuat i miꞌi miit Pauru e. Miꞌi miit wuatꞌi Iuteuria wuatꞌi etawa puo Iuteuria toiꞌatumoꞌakagꞌaia tehay wo e. Pywo ti rat aiwuꞌuka hap nug hat miꞌi miit Pauru haꞌawytepyi e. Mekewat tawa Nasare piat yn waku Aipotypot e hat ehay enoi haria akag wyti miꞌi miit Pauru mehin e.

Iesui Potmuꞌeria 2:22

Miꞌi hawyi Peteru toꞌe haty wo itotiaria pe -Uikuap to eipe uhytꞌiꞌin manaꞌin eweikuap to uhehay uiꞌywania e. Mesup taꞌyn Tupana tunug naꞌyn toꞌe hap ewy e. Pywo ti rat toipoꞌoro raꞌyn Temiit Iesui tawa Nasare piat Aiporekuat nuat e. Iesui ti Tupana Mipoꞌoro ahehakyeraꞌat hamuat e. Pywo ti rat Tupana timoherep taꞌyn ahepe tomiꞌairo sese mesup e. Tominug wakuap yt uwe minug ewywuat i Iesui timoherep kahato ahepe. Iesui wakuat sese e Tupana wuatꞌi pe e. Miꞌi Miit timoherep Tupana esaika hap ahepe e. Yne tutunug ahehamo wuatꞌi ehamo e. Miꞌi kape eweiꞌakasa raꞌyn katupono ehehamo hewyry mesuwe e.

Iuwãu 19:19

Miꞌi hawyi morekuat Piratu tipoꞌoro towat tomiwan Iesui apy totiat hupit hamo. Mio tã toꞌe Piratu miwan me -Meiũ ti Iuteu Ywania Potypot sese e tawa Nasare piat ti meiũ e.

Iuwãu 18:7

Miꞌi rakirẽ Iesui toꞌe i -Uweĩ pyno eweikat e. -Iesui tawa Nasare piat rat uruikat iꞌatuꞌe i.

Iuwãu 18:5

Miꞌi pote suraraꞌin tiwesat -Taꞌi mekewat Iesui tawa Nasare piat wyti uruikat iꞌatuꞌe. Miꞌi pote Iesui toꞌe -Uito rat Miꞌi e.

Iruka 2:39

Miꞌi hawyi taꞌatunug yne raꞌyn aikotã toꞌe saꞌawyꞌi wuat woꞌonapin hap piat ewy hawyi Iusueꞌin teꞌeraꞌaipok i raꞌyn taꞌatueꞌyi Karireia piat taꞌatuetawa Nasare kape iraꞌyn.

Iruka 1:26

Wẽtup eꞌat pe mana Isapeu 6 ewaty raꞌyn imepytꞌa toineꞌen turan Tupana tipoꞌoro i raꞌyn saꞌawyꞌi wuat atipy kaipywiat suut hat Kapireu wẽtup tawa yi Karireia piat tawa Nasare kape.

Mateu 21:11

-Taꞌi Miꞌi Miit ti mekewat Tupana ehay moherep hat yi Karireia tawa Nasare kaipywiat iꞌatuꞌe.

Maku 1:9

Miꞌi hawyi wẽtup eꞌat pe tuut raꞌyn Iesui tawa Nasare kaipyi tomotag hap tama Karireia kaipyi Iuwãu kape tosetꞌok Iutãu hy piat hamo tuut.

Iruka 18:37

Miꞌi hawyi taꞌatuwesat -Taꞌi Mekewat Miit tawa Nasare kaipywiat wyti tuut meikowo mekewat Iesui e hap het rakat iꞌatuꞌe taꞌatuhenoi yt iha rakat i pe.